കേരളം പിഎം ശ്രീ പദ്ധതിയില്‍ ഒപ്പുവച്ചതില്‍ പ്രതികരണവുമായി പ്രതിപക്ഷനേതാവ് വി ഡി സതീശന്‍. സിപിഐഎമ്മിന് ഇപ്പോള്‍ സിപിഐയേക്കാള്‍ വലുതാണ് ബിജെപി എന്ന് തെളിയിക്കുന്നതാണ് ഈ സംഭവമെന്നും സിപിഐഎം – ബിജെപി ബാന്ധവത്തെ പറ്റിയുള്ള നിരവധിയായ പ്രതിപക്ഷ ആരോപണങ്ങള്‍ ശരിവെക്കുന്നതാണ് ഈ നിലപാടെന്നും അദ്ദേഹം പറഞ്ഞു. നാണക്കേട് സഹിച്ച് മുന്നണിയില്‍ തുടരണോ എന്ന് സിപിഐ തീരുമാനിക്കട്ടെയെന്നും വി.ഡി സതീശന്‍ പറഞ്ഞു.
കേന്ദ്ര കമ്മിറ്റിയുടെ നിലപാടിനെതിരായിട്ടാണ് സിപിഐഎം ഭരിക്കുന്ന സംസ്ഥാനത്തെ മന്ത്രിസഭ പിഎം ശ്രീ പദ്ധതിയില്‍ ഇങ്ങനെ ഒരു നിലപാട് ആരോടും ആലോചിക്കാതെ എടുത്തത്. ഒരു മുന്നണി ഭരിക്കുമ്പോള്‍ മുന്നണിയിലെ ഘടകകക്ഷികളും മന്ത്രിമാരും ആയിട്ട് പോലും ആലോചിക്കാതെ, പ്രതിപക്ഷവുമായി പോലും ആലോചിക്കാതെ ഇങ്ങനെ ഏകപക്ഷീയമായ തീരുമാനം എടുത്തത് മുഖ്യമന്ത്രി പോയി പ്രധാനമന്ത്രിയെ കണ്ട് അവരുടെ ഒരു രാഷ്ട്രീയമായ ഒത്തുചേരലിന്റെ ഭാഗം കൂടി ആയിട്ടാണ്. സിപിഐഎമ്മിന് ഇപ്പോള്‍ സിപിഐയേക്കാള്‍ വലുതാണ് ബിജെപി എന്ന് തെളിയിക്കുന്നതാണ് ഈ സംഭവം. സിപിഐഎം – ബിജെപി ബാന്ധവത്തെ പറ്റിയുള്ള നിരവധിയായ പ്രതിപക്ഷ ആരോപണങ്ങള്‍ ശരിവെക്കുന്നതാണ് ഈ നിലപാട് – അദ്ദേഹം പറഞ്ഞു.
ഇടതുമുന്നണി പോലും വിഷയത്തില്‍ ചര്‍ച്ച നടത്തിയിട്ടില്ലെന്ന് അദ്ദേഹം പറഞ്ഞു. ഒരു ഘടകകക്ഷിയുടെ സംസ്ഥാന സെക്രട്ടറി അതിശക്തമായി എതിര്‍ത്തു. ഒരു പാര്‍ട്ടി മുഴുവന്‍, അതിലെ മന്ത്രിമാര്‍ മുഴുവന്‍ എതിര്‍ത്തു. മന്ത്രി രാജന്‍ അതിനെ ശക്തിയായി എതിര്‍ത്തു. ഒരു കാരണവശാലും ഒപ്പ് വെക്കരുത് എന്നും പറഞ്ഞു. സിപിഐ സംസ്ഥാന സെക്രട്ടറി ബിനോയ് വിശ്വം പരസ്യമായി വന്ന് അതിനെതിരായിട്ട് പറഞ്ഞു. ഏത് സിപിഐ എന്നാണ് ചോദിക്കുന്നത്? അപമാനം സഹിച്ചുകൊണ്ട് മുന്നണിയില്‍ തുടരണോ എന്നവര്‍ ആലോചിക്കട്ടെ വിഡി സതീശന്‍ പറഞ്ഞു.
പണ്ട് സിപിഐഎം ബിജെപി ബന്ധത്തിന്റെ ഇടനിലക്കാരനായി പ്രവര്‍ത്തിച്ചത് ഒരു ശ്രീ എം ആയിരുന്നുവെന്നും ഇപ്പോള്‍ പിഎം ശ്രീ ആണെന്നും അദ്ദേഹം പരിഹസിച്ചു. ഞങ്ങള്‍ പറഞ്ഞു പണം വാങ്ങിക്കുന്നതിലല്ല കുഴപ്പം. ആര്‍എസ്എസിന്റെ പൊളിറ്റിക്കല്‍ അജണ്ട അടിച്ചേല്‍പ്പിക്കുകയാണ് ഇതിലൂടെ. അതിനെ എതിര്‍ക്കാന്‍ പോലും ഗവണ്‍മെന്റ് തയ്യാറായിട്ടില്ല. ഒരു ഡിസന്റ്് നോട്ട് പോലും കൊടുത്തിട്ടില്ല. കണ്‍കറന്റ് ലിസ്റ്റില്‍ പെട്ടതാണ് വിദ്യാഭ്യാസം.നാഷണല്‍ എഡ്യൂക്കേഷന്‍ പോളിസിയെ അടിച്ചേല്‍പ്പിക്കുകയാണ് – വിഡി സതീശന്‍ പറഞ്ഞു.കോണ്‍ഗ്രസ് പിഎം ശ്രീ പദ്ധതിക്ക് വേണ്ടി സമ്മര്‍ദ്ദം ചെലുത്തുന്നതിനെ അതിശക്തയായി എതിര്‍ത്തിട്ടുള്ള പാര്‍ട്ടിയാണ്. സംസ്ഥാനത്തിനും കേന്ദ്രത്തിനും തുല്യ അധികാരമുള്ള വിദ്യാഭ്യാസ കാര്യത്തില്‍ സംസ്ഥാനങ്ങളുടെ മീതെ കേന്ദ്രത്തിന്റെ നയം അടിച്ചേല്‍പ്പിക്കാനുള്ള ശ്രമമാണ് എന്ന് പല പ്രാവശ്യം ആവര്‍ത്തിച്ച് വ്യക്തമാക്കിയിട്ടുണ്ട.് മാത്രമല്ല ഇത് കുറച്ച് സ്‌കൂളുകള്‍ക്ക് മാത്രമാണ് ഇത് കൊടുക്കുന്നത്. അപ്പോള്‍ പൊതുവിദ്യാഭ്യാസ രംഗത്ത് തന്നെ രണ്ട് തരം സ്‌കൂളുകള്‍ വരികയാണ് വി ഡി സതീശന്‍ വിശദീകരിച്ചു.
Read More
മലയാളപുരസ്കാര സമിതിയുടെ ഒമ്പതാമത് പുരസ്കാരം വിളംബരം ചെയ്തു
പി എം ശ്രീ – നിലപാട് കടുപ്പിച്ച് സിപിഐ; പ്രതിരോധം തീര്‍ക്കാന്‍ ശാസ്ത്ര സാഹിത്യപരിഷത്തും
പിഎം ശ്രീ: എതിര്‍പ്പ് തുടരാന്‍ സിപിഐ എക്‌സിക്യൂട്ടീവ് തീരുമാനം
പി എം ശ്രീ പദ്ധതി: കേരള സര്‍ക്കാര്‍ നിലപാടില്‍ സിപിഐഎം പ്രതിരോധത്തില്‍; സിപിഐയെ തള്ളി കേരള ഘടകം
