തിരുവനന്തപുരം ∙ വിമുക്ത ഭടനെ മദ്യം നൽകി മയക്കിയതിന് ശേഷം മർദിച്ച് ഒൻപത് പവൻ സ്വർണവും പണവും കവർന്ന കേസിലെ പ്രതികൾ പിടിയിൽ. ആലപ്പുഴയിലെ ഒരു ധ്യാനകേന്ദ്രത്തിൽ നിന്നുമാണ് തിരുവനന്തപുരം നെയ്യാറ്റിൻകര ആറാലുംമൂട് സ്വദേശി ദീപ, മകൻ അഖിൽ, സുഹൃത്ത് പ്രകാശ് എന്നിവരെ പൊലീസ് പിടികൂടിയത്. ഹണിട്രാപ് മോഡലിൽ കവർച്ച നടത്തിയ ശേഷം ഇവർ ധ്യാനകേന്ദ്രത്തിൽ ഒളിവിൽ കഴിയുകയായിരുന്നു.പൊലീസ് നൽകുന്ന വിവരപ്രകാരം പോത്തൻകോട് സ്വദേശിയായ 68 വയസ്സുള്ള വിമുക്ത ഭടനുമായി എട്ടുമാസം മുൻപാണ് ദീപ സൗഹൃദം സ്ഥാപിക്കുന്നത്. മുൻപും ഹണിട്രാപ് കേസിൽ ദീപ പ്രതിയായിട്ടുണ്ട്. വിമുക്ത ഭടൻ കഴക്കൂട്ടം ചന്തവിളയിൽ നിർമിച്ച പുതിയ വീട് കാണുന്നതിനായി ദീപ മകനും സുഹൃത്തിനും ഒപ്പം എത്തി. ഇവിടെ വച്ച് വിമുക്ത ഭടന് അളവിൽ കൂടുതൽ മദ്യം നൽകിയശേഷം മർദിക്കുകയും പണവും സ്വർണവും കവരുകയുമായിരുന്നു. വിമുക്ത ഭടന്റെ മാല, ബ്രേസ്ലറ്റ്, മൂന്ന് സ്വർണമോതിരം അടക്കം ഒൻപത് പവൻ സ്വർണവും ഫോൺ, പഴ്സ് തുടങ്ങിയ വസ്തുക്കളാണ് സംഘം മോഷ്ടിച്ചത്. സംഭവത്തിനു ശേഷം ഫോൺ ഓഫാക്കി പ്രതികൾ ധ്യാനം കൂടാൻ പോവുകയായിരുന്നു.
Read More
‘ബിജെപി ഹിന്ദുക്കളുടെ ശത്രുക്കൾ’; തിരുപ്പറങ്കുണ്ട്രം കാർത്തിക ദീപം വിവാദത്തിൽ ഡിഎംകെ
നിങ്ങൾ ഒരു അഭിഭാഷക അല്ലേ? രാഹുൽ മാങ്കൂട്ടത്തില് കേസിലെ പരാതിക്കാരിയെ അധിക്ഷേപിച്ച കേസില് ദീപ ജോസഫിന് സുപ്രിംകോടതിയുടെ കടുത്ത വിമർശനം
‘ഓൺലൈൻ മദ്യവിൽപ്പനയിൽ സർക്കാർ തീരുമാനമെടുത്തിട്ടില്ല, പ്രൊപ്പോസൽ ചർച്ച ചെയ്തിരുന്നു’; മന്ത്രി എം ബി രാജേഷ്
സ്വപ്നയുടെ ലോക്കറിൽ നിന്ന് ഒരു കോടി രൂപയും സ്വർണവും കണ്ടെത്തി; ഷെയ്ഖ് നൽകിയ സമ്മാനമെന്ന് അഭിഭാഷകൻ
