വാഷിങ്ടൻ/ടെഹ്റാൻ ∙ ഇനിയും അമേരിക്കൻ സൈനികർ കൊല്ലപ്പെട്ടാൽ ഇറാനെതിരെ കൂടുതൽ ആക്രമണങ്ങൾ നടത്തുമെന്ന് യുഎസ് പ്രസിഡന്റ് ഡോണൾഡ് ട്രംപ്. എപ്പോഴൊക്കെ ഇറാൻ അമേരിക്കൻ സൈനികരെ വധിക്കുന്നുവോ അപ്പോഴെല്ലാം ആ കൊലപാതകത്തിന് പലമടങ്ങ് വില നൽകേണ്ടി വരുമെന്ന്” ഇറാന് ട്രംപ് മുന്നറിയിപ്പ് നൽകി. ഈ നിർദേശം സൈന്യത്തിനും മറ്റു ഉദ്യോഗസ്ഥർക്കും കൈമാറിയെന്നും ട്രംപ് സമൂഹമാധ്യമത്തിൽ വിശദീകരിച്ചു.തിങ്കളാഴ്ച പുലർച്ചെ വെടിവച്ചിട്ട ഇറാൻ ഡ്രോൺ നിർവീര്യമാക്കുന്നതിനിടെ ഇറാഖിൽ യുഎസ് സൈനികന് ജീവൻ നഷ്ടമായിരുന്നു. ജോർദാനിലും വെള്ളിയാഴ്ച ഇറാന്റെ മിസൈൽ, ഡ്രോൺ ആക്രമണങ്ങളിൽ രണ്ട് യുഎസ് സൈനികർ കൊല്ലപ്പെട്ടു. ഇതോടെ യുദ്ധം ആരംഭിച്ചതിനുശേഷം 17 യുഎസ് സൈനികർ കൊല്ലപ്പെട്ടു.അതേസമയം ഖൊമെയ്ൻ നഗരത്തിലെ വ്യാവസായിക യൂണിറ്റ് ആക്രമിക്കപ്പെട്ടതായി ഇറാൻ മാധ്യമങ്ങൾ റിപ്പോർട്ട് ചെയ്തു. വൈകിട്ട് ഏഴുമണിയോടെയാണ് ആക്രമണമുണ്ടായതെന്നും ആളപായമൊന്നും ഉണ്ടായിട്ടില്ലെന്നും റിപ്പോർട്ടുകളുണ്ട്. അതേസമയം ഇറാൻ തുറമുഖങ്ങളിൽ ഉപരോധം ശക്തമായി തുടരുന്നെന്നും ഒരു കപ്പൽ പ്രവർത്തനരഹിതമാക്കിയതായും യുഎസ് സൈന്യം വെളിപ്പെടുത്തി.
Read More
എട്ടാം രാത്രിയും യുഎസ് വ്യോമാക്രമണം, തിരിച്ചടിച്ച് ഇറാൻ; സ്ഫോടനവസ്തുക്കൾ നിർവീര്യമാക്കുന്നതിനിടെ യുഎസ് സൈനികൻ കൊല്ലപ്പെട്ടു
ഇറാൻ-യുഎസ് സംഘർഷം: വെടിനിർത്തൽ നീട്ടി ഡോണൾഡ് ട്രംപ്
ട്രംപിന് വീണ്ടും തിരിച്ചടി: ജന്മാവകാശ പൗരത്വം അവസാനിപ്പിക്കാനുള്ള ഉത്തരവ് റദ്ദാക്കി അമേരിക്കൻ സുപ്രീം കോടതി
ആറാം രാത്രിയും ഇറാന്റെ ഉറക്കം കെടുത്തി യുഎസ് വ്യോമാക്രമണം; രണ്ട് പേർ കൊല്ലപ്പെട്ടു, പാലങ്ങൾ തകർന്നു
