ആലപ്പുഴയിലെ രക്ഷാപ്രവര്ത്തനം, എ.ഡി.ജി.പി എം.ആര് അജിത്കുമാര് വിശദീകരണം നല്കി. ഡി.ജി.പിക്കാണ് വിശദീകരണം നല്കിയത്. അന്വേഷണ റിപ്പോര്ട്ടിലെ ആരോപണങ്ങള് നിഷേധിച്ച് എന്ന് സൂചന. വിശദീകരണം പരിശോധിച്ച് തീരുമാനം എടുക്കുമെന്ന് ഡി.ജി.പി വ്യക്തമാക്കി.
അജിത് കുമാറിന്റെ മറുപടി ലഭിച്ച ശേഷം, ഡിജിപി സ്വന്തം ശിപാർശ കൂടി കൂട്ടിച്ചേർത്ത് സർക്കാരിന് അന്തിമ റിപ്പോർട്ട് കൈമാറും. എം.ആർ. അജിത് കുമാറിന്റെ പ്രൊമോഷനുമായി ബന്ധപ്പെട്ട സ്ക്രീനിംഗ് കമ്മിറ്റി കൂടുന്നതിന് മുൻപ് തന്നെ ഡിജിപി സർക്കാരിന് റിപ്പോർട്ട് നൽകുമോ എന്നാണ് എല്ലാവരും ഉറ്റുനോക്കുന്നത്.
കേസിന്റെ തുടരന്വേഷണ റിപ്പോർട്ട് ഏതാനും ദിവസങ്ങൾക്ക് മുൻപാണ് പ്രത്യേക അന്വേഷണ സംഘം ഡിജിപിക്ക് കൈമാറിയത്. എന്നാൽ, ചില വിഷയങ്ങളിൽ കൂടുതൽ വ്യക്തത ആവശ്യപ്പെട്ട് ഡിജിപി ഈ റിപ്പോർട്ട് തിരിച്ചയക്കുകയായിരുന്നു.
തുടർന്ന്, ചില രേഖകൾ തിരുത്താൻ എഡിജിപി എം.ആർ. അജിത് കുമാർ നിർദേശം നൽകിയതിന്റെ സ്ക്രീൻഷോട്ടുകൾ അടക്കം, അദ്ദേഹത്തിന്റെ പേര് എടുത്തുപറഞ്ഞുകൊണ്ട് എസ്ഐടി റിപ്പോർട്ട് പുനഃസമർപ്പിച്ചു. ഈ തെളിവുകളുടെ അടിസ്ഥാനത്തിലാണ് അജിത് കുമാറിനോട് ഡിജിപി മറുപടി ആവശ്യപ്പെട്ടത്. നിലവിൽ യാത്രയിലായതിനാൽ തലസ്ഥാനത്തില്ലെന്നും 21-ാം തീയതി വിശദീകരണം നൽകുമെന്നുമാണ് അദ്ദേഹം മറുപടി നൽകിയിരുന്നത്.
Read More
ഗണ്മാന്മാരുടെ മര്ദനം: കേസ് അട്ടിമറി ആരോപണത്തില് എഡിജിപി എം ആര് അജിത് കുമാറിനോട് വിശദീകരണം തേടി ഡിജിപി
നവകേരളാ യാത്രയ്ക്കിടെ യൂത്ത് കോണ്ഗ്രസ് പ്രവര്ത്തകരെ മര്ദിച്ച കേസ്; എം ആര് അജിത് കുമാറിനെതിരായ എസ്ഐടി റിപ്പോര്ട്ടില് വ്യക്തത തേടി ഡിജിപി
നിലപാട് കടുപ്പിച്ച് എന്സിപി അജിത് പവാര് വിഭാഗം; എ കെ ശശീന്ദ്രനും തോമസ് കെ തോമസും പ്രതിരോധത്തില്
‘വീട് നിര്മിക്കുന്നത് ഭാര്യാപിതാവ് നല്കിയ ഭൂമിയില്; ആരോപണങ്ങള്ക്ക് പിന്നില് പൊലീസിനുള്ളിലെ ഗൂഢാലോചന’, എം ആര് അജിത്കുമാര്
