പെൺകുട്ടികളുടെ വിവാഹ പ്രായം സംബന്ധിച്ച് സഭയ്ക്ക് പ്രത്യേക നിലപാടില്ലെന്ന് കേരള കത്തോലിക്ക മെത്രാൻ സമിതി(കെസിബിസി) പ്രസിഡന്റും സീറോ മലബാർ സഭ അധ്യക്ഷനുമായ കർദ്ദിനാൾ മാർ ജോർജ്ജ് ആലഞ്ചേരി. കൊച്ചിയിൽ വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. സഭയുടെ കാനോനിക നിയമം അനുസരിച്ച് ഇതുവരെ പെൺകുട്ടികൾക്ക് 18 വയസാണ് വിവാഹപ്രായമായി നിശ്ചയിച്ചിരിക്കുന്നത്. എന്നാൽ വിവാഹ പ്രായത്തിൽ രാജ്യത്തെ നിയമം മാറുകയാണെങ്കിൽ അതനുസരിച്ച് സഭയുടെ നിയമത്തിനും വ്യത്യാസം വരുത്തുമെന്നും മാർ ജോർജ്ജ് ആലഞ്ചേരി വ്യക്തമാക്കി.
സഭയിലെ വ്യക്തികളും രാഷ്ട്രീയവുമായി ചേർന്ന് പ്രവർത്തിക്കുന്നവരും പെൺകുട്ടികളുടെ വിവാഹ പ്രായം സംബന്ധിച്ച് അവരുടേതായ അഭിപ്രായ പ്രകടനം നടത്തിയെന്നു വരും. എന്നാൽ പെൺകുട്ടികളുടെ വിവാഹ പ്രായം ഇത്രയായിരിക്കണമെന്ന് സഭ സർക്കാരിനോട് ആവശ്യപ്പെടില്ലെന്നും മാർ ജോർജ്ജ് ആലഞ്ചേരി പറഞ്ഞു.
Read More
വിവാഹ പ്രായ ഏകീകരണ ബില്ല് ലോക്‌സഭയിൽ; കീറിയെറിഞ്ഞ് പ്രതിഷേധിച്ച് പ്രതിപക്ഷം
സ്ത്രീകളുടെ വിവാഹ പ്രായം 21 ആക്കാൻ തീരുമാനം; കേന്ദ്രമന്ത്രിസഭ അംഗീകരിച്ചു
സ്ത്രീകളുടെ വിവാഹ പ്രായം ഉയർത്തുന്നതിൽ ആശങ്കയെന്ന് പി കെ കുഞ്ഞാലിക്കുട്ടി; സാമ്പത്തിക സംവരണത്തിനെതിരെ സമരം
സ്ത്രീകളുടെ വിവാഹ പ്രായം ഉയർത്തുന്നതിനെ കോൺഗ്രസും എതിർത്തേക്കും; പാർട്ടി നേതാക്കളുടെ അഭിപ്രായം തേടി
