കോഴിക്കോട്‌: സംസ്ഥാന വഖഫ് ബോര്‍ഡ് പുനസംഘടനയില്‍ വിവാദം തുടരുന്നു. ബോര്‍ഡ് പുനസംഘടനയില്‍ മുസ്ലിം ലീഗിനെ വിമര്‍ശിച്ച് സമസ്ത എപി വിഭാഗം രംഗത്തെത്തി. ആളില്ലാത്ത വീട്ടില്‍ കള്ളന്‍ കയറിയത് പോലെയാണ് പുനസംഘടനാ തീരുമാനമെന്ന് മുന്‍ ചെയര്‍മാന്‍ കെ എസ് ഹംസ വിമര്‍ശിച്ചു. മുസ്ലിം സംഘടനകള്‍ക്കെല്ലാം പ്രാതിനിധ്യം നല്‍കിയിട്ടുണ്ടെന്ന് മുസ്ലിം ലീഗ് സംസ്ഥാന അധ്യക്ഷന്‍ സാദിഖലി ശിഹാബ് തങ്ങള്‍ പ്രതികരിച്ചു. (Controversy continues regarding the reorganization of the State Waqf Board)
വഖഫ് ബോര്‍ഡ് പുനഃസംഘടനയില്‍ പരിഗണന കിട്ടാത്തതില്‍ മുസ്ലിംലീഗിനോടാണ് സമസ്ത എ പി വിഭാഗത്തിന്റെ പരിഭവം. വഖഫ് ബോര്‍ഡ് പുനസംഘടന വഞ്ചനാപരം’എന്ന തലക്കെട്ടോടെയാണ് സിറാജിന്റെ മുഖപ്രസംഗം. സമുദായത്തിലെ വിവിധ വിഭാഗങ്ങളുടെ താത്പര്യങ്ങള്‍ നീതിപരമായി പരിഗണിക്കുന്നതിനു പകരം ചില പ്രത്യേക വിഭാഗങ്ങളെ അവഗണിക്കുന്നത് കടുത്ത അനീതിയെന്നാണ് വിമര്‍ശനം.എന്നാല്‍ മുസ്ലിം സംഘടനകള്‍ക്കെല്ലാം പ്രാതിനിധ്യം നല്‍കിയിട്ടുണ്ടെന്നും നിലവില്‍ പരിഗണന ലഭിക്കാത്തവരെ ഹജ്ജ് കമ്മിറ്റിയിലേക്ക് പരിഗണിക്കുമെന്നും മുസ്ലിം ലീഗ് സംസ്ഥാന അധ്യക്ഷന്‍ സാദിഖലി ശിഹാബ് തങ്ങള്‍ പ്രതികരിച്ചു.അതേസമയം പുതിയ ബോര്‍ഡിനെതിരെ മുന്‍ വഖഫ് ബോര്‍ഡ് ചെയര്‍മാന്‍ കെ എസ് ഹംസ രംഗത്ത് എത്തി. സര്‍ക്കാര്‍ എല്ലാ മര്യാദകളുടെയും സീമകള്‍ ലംഘിച്ചു.കോടതി അവധിക്ക് പോകുന്ന ദിവസം സംസ്ഥാന സര്‍ക്കാരിന്റെ തീരുമാനം വന്നതില്‍ പല കോണുകളില്‍ നിന്നും അതൃപ്തി ഉയരുന്നുണ്ട്. പുനസംഘടനയില്‍ പരസ്യപ്രതിഷേധത്തിലേക്ക് കടക്കുകയാണ് സമസ്ത എ പി വിഭാഗം.
Read More
വഖഫ് ബോര്‍ഡ് പുനഃസംഘടന സ്റ്റേ ചെയ്യണമെന്ന് ആവശ്യം: കെ എസ് ഹംസ ഹൈക്കോടതിയില്‍
പണ്ഡിതനും എഴുത്തുകാരനുമായ പിണങ്ങോട് അബൂബക്കര്‍ ഹാജി (64) അന്തരിച്ചു
‘എനിക്കില്ലാത്ത എന്തോ അത്ഭുതസിദ്ധി സച്ചിദാനന്ദന്‍ മാഷിനുണ്ടെന്ന തോന്നലുളവാക്കുന്നു, അദ്ദേഹത്തിന്റെ സ്ഥാനത്തിന് ഇളക്കമുണ്ടായിട്ടില്ല’; വിമര്‍ശനവുമായി പ്രേം കുമാര്‍
പ്രഭാത വാർത്തകൾ
