വാഷിങ്ടൻ ∙ ഇറാനെ പേടിച്ച് യുഎസ് പ്രസിഡന്റ് ഡോണൾഡ് ട്രംപ് അതീവരഹസ്യമായി വിമാനം മാറിക്കയറിയിട്ടും അദ്ദേഹം ഉണ്ടെന്നു തോന്നിച്ച വിമാനത്തിൽത്തന്നെ മാർക്കോ റൂബിയോ ഉൾപ്പെടെ മന്ത്രിസഭയിലെ പ്രമുഖർ യാത്ര തുടർന്നെന്ന് റിപ്പോർട്ട്. ട്രംപ് അതേ വിമാനത്തിലുണ്ടെന്നു വരുത്തിത്തീർക്കാനും ഇറാന്റെ ചാരക്കണ്ണുകൾക്ക് സംശയത്തിന് ഇടകൊടുക്കാതിരിക്കാനുമാണ് വിദേശകാര്യ സെക്രട്ടറി മാർക്കോ റൂബിയോയും ട്രഷറി സെക്രട്ടറി സ്കോട്ട് ബെസന്റും കഴിഞ്ഞ മാസം തുർക്കിയിൽ നടന്ന ‘നാടക’ത്തിന്റെ ഭാഗമായത്. യുദ്ധം മൂലം ഇറാന്റെ വധഭീഷണി നിലനിൽക്കുന്നതിനിടെ നാറ്റോ ഉച്ചകോടിക്കായി തുർക്കിയിലെത്തിയ ട്രംപ് മടങ്ങാൻ നേരം ഔദ്യോഗിക വിമാനമായ എയർ ഫോഴ്സ് വണ്ണിൽ എല്ലാവരും കാൺകെ കയറിയെങ്കിലും പിൻവാതിൽവഴി രഹസ്യമായി പുറത്തിറങ്ങുകയായിരുന്നു. തുടർന്ന് ഒരു കേറ്ററിങ് ട്രക്കിലൊളിച്ചു സഞ്ചരിച്ച് മറ്റൊരു ചെറിയ വിമാനത്തിന്റെ അരികിലെത്തി അതിൽക്കയറി പറന്നു. ഈ സമയം, ഇറാനെ പറ്റിക്കാനുള്ള വിമാനത്തിൽ അപകടകരമായ യാത്ര നടത്തുകയായിരുന്നു റൂബിയോയും ബെസന്റും. യുഎസ് പ്രസിഡന്റിന് എന്തെങ്കിലും സംഭവിച്ചാലുളള അടിയന്തര പിന്തുടർച്ചയ്ക്കുള്ള അധികാരശ്രേണിയിൽ വൈസ് പ്രസിഡന്റും ജനപ്രതിനിധി സഭ സ്പീക്കറും സെനറ്റ് പ്രോടെം അധ്യക്ഷനും കഴിഞ്ഞാൽ നാലാം സ്ഥാനമാണ് സ്റ്റേറ്റ് സെക്രട്ടറി റൂബിയോയ്ക്ക്.
Read More
ഇന്ത്യ-പാക്ക് ‘യുദ്ധം’ നിർത്തിയത് താരിഫെന്ന് ട്രംപ്; ‘അപ്രതീക്ഷിത’ മിസൈലുമായി ഇറാൻ, എണ്ണവില മേലോട്ട്? ഓഹരിക്ക് പേടി, താഴ്ന്ന് സ്വർണം
ഇറാൻ-യുഎസ് സംഘർഷം: വെടിനിർത്തൽ നീട്ടി ഡോണൾഡ് ട്രംപ്
പാഴായ കൂടിക്കാഴ്ച ആഗ്രഹിക്കുന്നില്ലെന്ന് ട്രംപ്, പുടിനുമായി ബുഡപെസ്റ്റിൽ വച്ചുള്ള കൂടിക്കാഴ്ച ഉടനുണ്ടാവില്ല
വീണ്ടും യുദ്ധം? കുവൈത്തിലും ബഹ്റൈനിലും ഇറാന്റെ ആക്രമണം; തിരിച്ചടിച്ച് യുഎസ്, എണ്ണവില കൂടുന്നു, സ്വർണവും ഓഹരിയും താഴേക്ക്
