ഭീകര സംഘടനയായ ജെയ്ഷെ മുഹമ്മദിന്റെ തലവന് മൗലാന മസൂദ് അസ്ഹറിന്റെ പേരില് ശബ്ദ സന്ദേശം പ്രചരിക്കുന്നു. ആക്രമണങ്ങള് നടത്താന് തയ്യാറായി ‘ആയിരക്കണക്കിന്’ ചാവേര് ബോംബര്മാര് സംഘടനയിലുണ്ടെന്നാണ് അവകാശവാദം. പ്രതിഫലം ആഗ്രഹിച്ചല്ല, ചാവേറുകള് പ്രവര്ത്തിക്കുന്നതെന്നും രക്തസാക്ഷിത്വമാണ് ആഗ്രഹിക്കുന്നതെന്നും ശബ്ദ സന്ദേശത്തില് പറയുന്നു.തന്റെ പക്കലുള്ള ചാവേറുകളുടെ കൃത്യമായ എണ്ണം വെളിപ്പെടുത്തിയാല് ലോകമാധ്യമങ്ങളില് അത് വലിയ പരിഭ്രാന്തി സൃഷ്ടിക്കുമെന്ന് അസ്ഹര് പുറത്തുവന്ന ഓഡിയോ സന്ദേശത്തില് പറയുന്നു. ഇത് ഒന്നോ രണ്ടോ നൂറോ അല്ല, ആയിരം പോലുമല്ല. പൂര്ണ്ണമായ എണ്ണം ഞാന് പറഞ്ഞാല് നാളെ ലോകമാധ്യമങ്ങളില് വലിയ ബഹളമായിരിക്കുമെന്നും പറയുന്നുണ്ട്.
ഓപ്പറേഷന് സിന്ദൂറില് പാകിസ്താനിലെ ജെയ്ഷെ കേന്ദ്രങ്ങളില് ഇന്ത്യ നടത്തിയ ആക്രമണത്തില് അസ്ഹറിന്റെ അടുത്ത ബന്ധുക്കളില് പലരും കൊല്ലപ്പെട്ടിരുന്നു. അത് കഴിഞ്ഞുള്ള അസറിന്റെ പ്രധാന ഭീഷണി സന്ദേശമാണിത്.
അതിനിടെ, പാക് സൈന്യവുമായുള്ള അടുത്ത ബന്ധം സ്ഥിരീകരിച്ച് പഹല്ഗാം ഭീകരാക്രമണത്തിന്റെ സൂത്രധാരന്മാരിലൊരാളായ സെയ്ഫുള്ള കസുരിയും രംഗത്തെത്തി. രണ്ടു പേരുടെ സന്ദേശങ്ങളും ഐഎസ്ഐ അനുകൂല അക്കൗണ്ടുകള് വഴി ടെലിഗ്രാമില് പോസ്റ്റ് ചെയ്തിട്ടുണ്ട്. ഓപ്പറേഷന് സിന്ദൂറിന് ശേഷമുണ്ടായ നാശനഷ്ടങ്ങളില് നിന്ന് കരകയറാനുള്ള ശ്രമത്തിന്റെ ഭാഗമാണ് ഇത്തരം സന്ദേശങ്ങള് എന്നാണ് സൂചന.
Read More
ഓപ്പറേഷന് സിന്ദൂര് കനത്ത ആഘാതമുണ്ടാക്കിയെന്ന് സമ്മതിച്ച് ജെയ്ഷെ മുഹമ്മദ് കമാന്ഡര്; മസൂദ് അസ്ഹറിന്റെ കുടുംബാംഗങ്ങള് കൊല്ലപ്പെട്ടെന്ന് സ്ഥിരീകരിച്ചു
ഉസ്മാൻ ഹാദിയുടെ കൊലപാതകം; ‘എനിക്ക് പങ്കില്ല, ഞാൻ ദുബായിലാണ്’; മുഖ്യ പ്രതിയായ ഫൈസൽ കരീം മസൂദ്
സ്പൈനല് മസ്കുലര് ട്രോഫി: മുഹമ്മദിന്റെ ചികിത്സയ്ക്കുള്ള മരുന്നിന് ഇറക്കുമതി ചുങ്കവും നികുതിയും കേന്ദ്രസര്ക്കാര് ഒഴിവാക്കി
ചെങ്കോട്ട സ്ഫോടനം; കണ്ണികൾ നീളുന്നത് പാകിസ്ഥാനിലേക്ക്, ഡോ.ഷഹീന് മസൂദ് അസറിൻ്റെ കുടുംബവുമായി ബന്ധം
