വാഷിങ്ടൻ ∙ ഡെമോക്രാറ്റുകൾ തനിക്കെതിരെ ഇംപീച്ച്‌മെന്റ് നടപടികൾക്ക് മുതിർന്നാൽ, അത് അവരുടെ പാർട്ടിയെ തകർക്കുമെന്ന് യുഎസ് പ്രഡിഡന്റ് ഡോണാൾഡ് ട്രംപ്. ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് കനത്ത പരാജയം നേരിട്ടതിനു പിറ്റേന്ന്, വരാൻ സാധ്യതയുള്ള ഇംപീച്ച്‌മെന്റിനെക്കുറിച്ചുള്ള ചോദ്യത്തിന് മറുപടിയായാണ് ട്രംപ് ഇക്കാര്യം വ്യക്തമാക്കിയത്. അവർ അങ്ങനെ ചെയ്താൽ അത് ഡെമോക്രാറ്റിക് പാർട്ടിയെ നശിപ്പിക്കുമെന്നാണ് കരുതുന്നത്. തനിക്കെതിരെ ഇംപീച്ച്‌മെന്റ് നടപടി സ്വീകരിക്കാൻ യാതൊരു കാരണവുമില്ലെന്നും ട്രംപ് പറഞ്ഞു.യുഎസ് ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് കനത്ത പരാജയം നേരിട്ടതിനു പിന്നാലെ, മാധ്യമങ്ങളെ കണ്ട ട്രംപ് വൈറ്റ് ഹൗസിലെ നിർമാണ പദ്ധതികളെക്കുറിച്ചാണ് വാചാലനായത്. വൈറ്റ് ഹൗസ് ബാൾറൂമിന്റെ നിർമാണ സ്ഥലത്ത് വച്ച് നടന്ന ചടങ്ങിൽ, 41 മിനിറ്റിലധികമാണ് ട്രംപ് കെട്ടിട നിർമാണത്തെക്കുറിച്ചും തന്റെ മറ്റ് പദ്ധതികളെക്കുറിച്ചും സംസാരിച്ചത്.
സീലിങ്ങിന്റെ ഉയരം, തൂണുകൾ, ഫ്ലോർ പ്ലാനുകൾ എന്നിവ അദ്ദേഹം വിശദീകരിച്ചു. സുപ്രീം കോടതിയിലെ തൂണുകൾക്ക് സമാനമായ ലൈംസ്റ്റോൺ തൂണുകൾ അടുത്ത ആഴ്ച സ്ഥാപിക്കുമെന്നും ഫിനിഷിങ്ങിനായി ഇറ്റാലിയൻ മാർബിൾ ഉപയോഗിക്കുമെന്നും അദ്ദേഹം പറഞ്ഞു. തുടർന്ന് അത്യാധുനിക ബങ്കറിനെക്കുറിച്ചാണ് ട്രംപ് സംസാരിച്ചത്.
Read More
കോട്ടകൾ പൊളിച്ചു; ട്രംപിന് തിരിച്ചടി, ജനപ്രതിനിധി സഭയിലും സെനറ്റിലും റിപ്പബ്ലിക്കൻ പാർട്ടിയ്ക്ക് ഭൂരിപക്ഷം ഇല്ല
വൈറ്റ് ഹൗസിൽ 400 മില്യൺ ഡോളർ മുടക്കി ബാൾറൂം നിർമാണം: പദ്ധതിക്ക് കോടതിയുടെ വിലക്ക്, ട്രംപിനു തിരിച്ചടി
ഔദ്യോഗിക വസതിയിൽ നിന്ന് പണം കണ്ടെത്തിയ സംഭവം; മുൻ ജസ്റ്റിസ് യശ്വന്ത് വർമയെ ഇംപീച്ച് ചെയ്യും
ഇന്ത്യ-പാക്ക് ‘യുദ്ധം’ നിർത്തിയത് താരിഫെന്ന് ട്രംപ്; ‘അപ്രതീക്ഷിത’ മിസൈലുമായി ഇറാൻ, എണ്ണവില മേലോട്ട്? ഓഹരിക്ക് പേടി, താഴ്ന്ന് സ്വർണം
