ജിസിസി രാജ്യങ്ങളുടെയും അമേരിക്കയുടെയും മുന്നറിപ്പ് അവഗണിച്ച് ആക്രമണം തുടര്ന്ന് ഇറാന്. കുവൈത്തിലും ഖത്തറിലും ബഹ്റൈനിലും ഇസ്രയേലിലും ഇറാഖിലും വ്യാപക ആക്രമണം നടക്കുന്നുവെന്നാണ് അന്താരാഷ്ട്ര മാധ്യമങ്ങളുടെ റിപ്പോര്ട്ട്. കുവൈത്തിലെ അമേരിക്കന് എംബസിക്ക് നേരെയും ആക്രമണം ഉണ്ടായി. ഇറാന്റെ ആക്രമണത്തില് ഗള്ഫ് മേഖലയില് ആകെ 6 പേര് കൊല്ലപ്പെട്ടെന്നാണ് റിപ്പോര്ട്ട്. (6 killed in gulf region in iran attack)ഗള്ഫ് മേഖലയിലേക്ക് ആക്രമണം കടുപ്പിച്ചിരിക്കുകയാണ് ഇറാന്. യുഎഇയിലും കുവൈത്തിലും ബഹ്റൈനിലും ഇന്ന് തുടര്ച്ചയായ ആക്രമണങ്ങളുണ്ടായി. അമേരിക്കയുടെ എഫ് 15 യുദ്ധവിമാനം കുവൈത്തില് ഇറാന് വെടിവെച്ചിട്ടു. പൈലറ്റ് രക്ഷപ്പെട്ടു. ആക്രമണ ദൃശ്യങ്ങള് ഇറാന് വാര്ത്താ ഏജന്സി പുറത്തുവിട്ടു.കുവൈത്തിലെ മിന അല് അഹമ്മദി റിഫൈനറിയില് ഇറാന്റെ ആക്രമണത്തില് രണ്ടുപേര്ക്ക് പരുക്കേറ്റു. കുവൈത്തിലെ അമേരിക്കന് എംബസിക്ക് നേരെ ആക്രമണമുണ്ടായി. എംബസിക്ക് സമീപത്ത് നിന്ന് പുക ഉയര്ന്നതായി റോയിട്ടേഴ്സ് റിപ്പോര്ട്ട് ചെയ്തു. എംബസിയിലേക്ക് വരരുതെന്ന് പൌരന്മാര്ക്ക് അമേരിക്ക നിര്ദേശം നല്കി. മഹ്ബൂലയില് ഇന്ന് രാവിലെ വലിയ ശബ്ദം കേട്ടതായി പ്രവാസി മലയാളികള് പറഞ്ഞു. സൌദി അറേബ്യയിലെ അരാംകോ റിഫൈനറിക്ക് നേരെ ഡ്രോണ് ആക്രമണമുണ്ടായി. ദുബൈയില് ജബല് അലി, ഇന്റര്നെറ്റ് സിറ്റി എന്നിവിടങ്ങളില് സ്ഫോടന ശബ്ദം കേട്ടതായി പ്രദേശവാസികള് പറഞ്ഞു. ഖത്തറിലെ ദോഹയിലും സ്ഫോടനം നടന്നതായി റിപ്പോര്ട്ടുണ്ട്.
Read More
ഖത്തറിലെ യുഎസ് സൈനിക താവളത്തിലേക്കുള്ള ഇറാന് ആക്രമണം: ഗള്ഫില് വ്യോമഗതാഗതം നിലച്ചു; വിമാനങ്ങള് റദ്ദാക്കി
തിരിച്ചടി തുടങ്ങി ഇറാന്; ഇസ്രയേല് ലക്ഷ്യമാക്കി മിസൈലുകള്; ദുബായില് ഉള്പ്പെടെ സ്ഫോടന ശബ്ദങ്ങള്
ഒമാനില് ഇറാന് ആക്രമണം; ദുഖും തുറമുഖത്ത് രണ്ട് ഡ്രോണുകള് പതിച്ചു; ഖസബ് തുറമുഖത്ത് എണ്ണക്കപ്പലിന് നേരെയും ആക്രമണം
ഇറാന്-ഇസ്രയേല് സംഘര്ഷത്തില് പങ്കാളികളായി അമേരിക്കയും; ഇറാനിലെ മൂന്ന് ആണവ കേന്ദ്രങ്ങളില് ആക്രമണം
