കോണ്ഫിഡന്റ് ഗ്രൂപ്പ് ചെയര്മാന് ഡോ. റോയ് സി ജെയെ മരണത്തിന് തൊട്ടുമുന്പ് ആദായ നികുതി വകുപ്പ് ഉദ്യോഗസ്ഥര് ചോദ്യം ചെയ്തിട്ടില്ലെന്ന് പൊലീസ്. ആദായ നികുതി വകുപ്പ് ഉദ്യോഗസ്ഥരുമായി തര്ക്കം ഉണ്ടായിട്ടില്ല. കോണ്ഫിഡന്റ് ഗ്രൂപ്പ് ആസ്ഥാനത്ത് നിന്ന് പിടിച്ചെടുത്ത സിസിടിവി ദൃശ്യങ്ങളില് നിന്നാണ് ഇക്കാര്യം വ്യക്തമാകുന്നത്. (Roy CJ’s death).വെള്ളിയാഴ്ച റെയ്ഡ് ഉണ്ടായില്ലെന്ന ഐടി വകുപ്പ് വാദവും പൊലീസ് ശെരിവെക്കുന്നു. രേഖകളുമായി ബന്ധപ്പെട്ട ചില നടപടിക്രമങ്ങള് പൂര്ത്തിയാക്കുകയായിരുന്നു അന്ന് നടന്നത്. ഉച്ചയോടെ ഓഫീസില് എത്തിയ റോയി കോണ്ഫെറന്സ് റൂമില് ഐടി ഉദ്യോഗസ്ഥസരെ കാണാമെന്ന് പറഞ്ഞ് സ്ഥന്തം ക്യാബിനിലേക് പോവുകയായിരുന്നു. റെയ്ഡിന് നേതൃത്വം നല്കിയ കേരളത്തില് നിന്നുള്ള ഐടി ഉദ്യോഗസ്ഥരില് നിന്ന് എസ്ഐടി മൊഴി രേഖപെടുത്തി.അതേസമമയം, ഡോ. റോയ് സിജെയുടെ സംസ്കാരം ഇന്ന് നടക്കും. വൈകീട്ട് ബെന്നര്ഘട്ടയിലെ ഡോ റോയ് സി ജെയുടെ റിസോര്ട്ടിലാണ് സംസ്കാരം നടക്കുക. മരണത്തില് അന്വേഷണം തുടരുകയാണ്.
പോസ്റ്റ് മോര്ട്ടത്തിന് ശേഷം ശിവാജി നഗര് ബൗറിങ്ങ് ആശുപത്രിയില് സൂക്ഷിച്ചിട്ടുള്ള മൃതദേഹം രാവിലെ എട്ടു മണിയ്ക്ക് ബെന്നര്ഘട്ടയിലെ റിസോര്ട്ടിലേക്ക് കൊണ്ടു പോകും. പത്ത് മണി മുതല് റിസോര്ട്ടില് പൊതുദര്ശനം. അതിന് ശേഷം സമീപത്തെ പള്ളിയില് അന്ത്യ ശുശ്രൂഷ ചടങ്ങുകള് നടക്കും. തുടര്ന്നാണ് ഡോ ജോയ് സി ജെയുടെ സംസ്കാരം നടക്കുക. കേരളത്തില് നിന്നും നിരവധി പേര് ചടങ്ങില് പങ്കെടുക്കാനായി എത്തിച്ചേരും. വിദേശത്ത് റോയ്യുടെ കുടുംബം ഇന്നലെ ബെംഗളൂരുവില് എത്തിയിരുന്നു.
റോയ്യുടെ മരണത്തെക്കുറിച്ച് അന്വേഷിക്കാന് പ്രത്യേക അന്വേഷണസംഘം രൂപീകരിച്ചിട്ടുണ്ട്. ഡിഐജി വംശി കൃഷ്ണയ്ക്ക് ചുമതല. ബെംഗളൂരു സൗത്ത് ഡിവിഷന് ഡിസിപി ലോകേഷും സംഘത്തിലുണ്ട്. ഹൃദയത്തില് വെടിയുണ്ട തുളച്ച് കയറിയാണ് മരണമെന്നാണ് പ്രാഥമിക പോസ്റ്റ്മോര്ട്ടം റിപ്പോര്ട്ട്. ആദായനികുതി വകുപ്പ് ഉദ്യോഗസ്ഥര്ക്കെതിരെ കടുത്ത ആരോപണങ്ങളാണ് റോയ്യുടെ കുടുംബം ഉന്നയിച്ചത്. റെയ്ഡ് നടക്കുമ്പോള് റോയ് കടുത്ത സമ്മര്ദത്തിലായിരുന്നുവെന്നാണ് ഇവര് നല്കുന്ന സൂചന.
Read More
സി ജെ റോയിയുടെ സംസ്കാരം ഇന്ന് ബെംഗളൂരുവിൽ; ഉച്ചയ്ക്ക് ഒരുമണിവരെ പൊതുദര്ശനം
‘വെടിവെച്ചത് നെഞ്ചിന്റെ ഇടതുവശത്ത്; അഞ്ചാം വാരിയെല്ലിലൂടെ വെടിയുണ്ട ഹൃദയത്തിലേക്ക് തുളച്ചുകയറി’; റോയ് സി.ജെയുടെ പോസ്റ്റ്മോര്ട്ടം റിപ്പോര്ട്ട്
റോയ്യുടെ നഷ്ടം ആഴത്തില് വേദനിപ്പിക്കുന്നു,ഒരു സുഹൃത്തിനുമപ്പുറം ബന്ധമുണ്ടായിരുന്നയാള്: മോഹന്ലാല്
‘ഡോ.റോയ് സി.ജെ സമ്മർദ്ദത്തിന് ഇരയായി’; ആദായ നികുതിവകുപ്പിനെതിരെ ഡി.കെ ശിവകുമാർ
