എറണാകുളം നായരമ്പലത്ത് യുവതിയും മകനും ദുരൂഹ സാഹചര്യത്തിൽ പൊള്ളലേറ്റ് മരിച്ച സംഭവത്തിൽ പോലീസിന്റെ ഭാഗത്ത് നിന്ന് വീഴ്ച സംഭവിച്ചതായി മരിച്ച സിന്ധുവിന്റെ കുടുംബം. അയൽവാസിയായ ദിലീപ് നിരന്തരം ശല്യം ചെയ്യുന്നതായി പരാതി നൽകിയിട്ടും പോലീസിന്റെ ഭാഗത്ത് നിന്ന് നടപടിയുണ്ടായില്ലെന്ന് സിന്ധുവിന്റെ സഹോദരൻ ജോജോ ആരോപിച്ചു. സിന്ധുവിന്റേത് കൊലപാതകമാണ്. ഉന്നതതല അന്വേഷണം വേണം. ഞാറയ്ക്കൽ പോലീസിൽ പരാതി നൽകിയിരുന്നു. പിറ്റേ ദിവസം രാവിലെ രണ്ട് കക്ഷികളെയും പോലീസ് വിളിപ്പിച്ചു. 17 വർഷം മുമ്പ് സിന്ധുവിന്റെ ഭർത്താവ് മരിച്ചതാണ്. ഏറെക്കാലമായി…

തിരുവനന്തപുരം നരുവാമൂട്ടിൽ മകൾ അമ്മയെ വെട്ടിക്കൊന്നു. 88കാരിയായ അന്നമ്മയാണ് കൊല്ലപ്പെട്ടത്. ഇവരുടെ 62കാരിയായ മകൾ ലീലയാണ് കൃത്യം ചെയ്തത്. വെള്ളിയാഴ്ച രാവിലെ എട്ട് മണിയോടെയായിരുന്നു സംഭവം അന്നമ്മയുടെ അഞ്ച് മക്കളിൽ രണ്ടാമത്തെയാളാണ് ലീല. ഇവരുടെ കൂടെയാണ് അന്നമ്മ താമസിച്ചിരുന്നത്. വീടിന് മുൻവശത്തുള്ള റോഡരികിൽ വെച്ചാണ് ലീല അന്നമ്മയെ വെട്ടിയത്. ഇവർ സംഭവ സ്ഥലത്ത് തന്നെ മരിച്ചു. തുടർന്ന് കരിയില കൂട്ടിയിട്ട് മൃതദേഹം കത്തിക്കാനും ലീല ശ്രമിച്ചു. ഇവർക്ക് മാനസികാസ്വാസ്ഥ്യമുള്ളതായി സംശയിക്കുന്നുവെന്ന് പോലീസ് പറഞ്ഞു.

കണ്ണൂർ വിമാനത്താവളത്തിൽ വീണ്ടും സ്വർണവേട്ട. മൂന്ന് യാത്രക്കാരിൽ നിന്നായി ഒന്നര കോടി രൂപയുടെ സ്വർണമാണ് പിടികൂടിയത്. രണ്ട് കാസർകോട് സ്വദേശികളും നാദാപുരം സ്വദേശിയുമാണ് പിടിയിലായത്. ഷാർജയിൽ നിന്നെത്തിയ കാസർകോട് സ്വദേശി സാബിത്തിൽ നിന്നും 56 ലക്ഷം വില മതിക്കുന്ന 552 ഗ്രാം സ്വർണവും 675 ഗ്രാം ആഭരണങ്ങളും പിടികൂടി. ഇൻഡിഗോ വിമാനത്തിൽ ഷാർജയിൽ നിന്നെത്തിയ നാദാപുരം സ്വദേശിയി നുറൂദ്ദീനിൽ നിന്ന് 72 ലക്ഷം രൂപ വില മതിക്കുന്ന 1472 ഗ്രാം സ്വർണമാണ് പിടികൂടിയത്

ഉമ്മന്‍ചാണ്ടിയുടെ സ്വന്തം തട്ടകമായ പുതുപ്പള്ളി യുഡിഎഫിനെ കൈവിട്ടു. 25 വര്‍ഷത്തിന് ശേഷമാണ് പുതുപ്പള്ളിയിലെ ജനങ്ങള്‍ യുഡിഎഫിനെ മറന്നു ഇടതിനെ സ്വീകരിച്ചത്. പുതുപ്പള്ളി പഞ്ചായത്തില്‍ ഒന്‍പത് സീറ്റുമായി എല്‍ഡിഎഫ് മുന്നേറുകയാണ്. യുഡിഎഫിന് ഏഴ് സീറ്റും ബിജെപിക്ക് രണ്ട് സീറ്റും ലഭിച്ചു. കോട്ടയം ജില്ലാ പഞ്ചായത്തിലേക്ക് ജനപക്ഷം സ്ഥാനാര്‍ത്ഥിയും പി.സി. ജോര്‍ജിന്റെ മകനുമായ അഡ്വ.ഷോണ്‍ ജോര്‍ജ് അട്ടിമറി വിജയം സ്വന്തമാക്കി.