ശബരിമലയിൽ മാധ്യമങ്ങൾക്ക് നിയന്ത്രണം; ശ്രീകോവിലിന് മുന്നിൽ പ്രവേശനം ഇല്ല
ശബരിമലയിൽ മാധ്യമങ്ങൾക്ക് നിയന്ത്രണം. ശ്രീകോവിൽ ഭാഗത്താണ് മാധ്യമങ്ങൾക്ക് പ്രവേശനം നിരോധിച്ചിട്ടുള്ളത്. ഹൈക്കോടതി നിർദേശം പ്രകാരമാണ് നിയന്ത്രണം എന്നാണ് വിശദീകരണം. മണ്ഡല പൂജകൾക്കായി ശബരിമല നട തുറന്നു. ക്ഷേത്ര തന്ത്രി കണ്ഠരര് മഹേഷ് മോഹനരുടെ സാന്നിധ്യത്തിൽ മേൽശാന്തി അരുൺകുമാർ നമ്പൂതിരിയാണ് നട തുറന്നത്. പ്രതിദിനം 90000 പേർക്കാണ് പ്രവേശനം അനുവദിക്കുക. 70,000 പേർക്ക് വെർച്ചൽ ക്യൂ വഴിയും 20,000 പേർക്ക് സ്പോട്ട് ബുക്കിംഗ് വഴിയുമാണ് ദർശനത്തിന് സൗകര്യം ഏർപ്പെടുത്തിയിട്ടുള്ളത്. ദർശനത്തിന് എത്തുന്ന സ്ത്രീകൾക്കും കുട്ടികൾക്കും പ്രത്യേക ക്യു ഏർപ്പെടുത്തിയിട്ടുണ്ട്…
