ആലപ്പുഴ: ആലപ്പാട് അഴീക്കല്‍ ഹാര്‍ബറില്‍നിന്നും മത്സ്യബന്ധനത്തിന് പോകുമ്പോള്‍ അപകടത്തില്‍ പെട്ട് കാണാതെയായ മത്സ്യത്തൊഴിലാളി കണ്ണന്‍ എന്നറിയപ്പെടുന്ന രാഹുലിന്റെ മൃതദേഹം കണ്ടെത്തി. 32 വയസ്സായിരുന്നു. ആറ് ദിവസം മുമ്പാണ് ദേവീപ്രസാദം എന്ന ഇന്‍ബോര്‍ഡ് വള്ളത്തില്‍ മത്സ്യബന്ധനത്തിന് പോയ രാഹുലിനെ കാണാതായത്. അഴീക്കല്‍ ഹാര്‍ബറില്‍ നിന്ന് 13 നോട്ടിക്കല്‍ മൈല്‍ അകലെ വല കോരി നില്‍ക്കെ വള്ളത്തില്‍ നിന്ന് വീണാണ് അപകടമുണ്ടായത്. കാലാവസ്ഥയിലെ മാറ്റം തിരച്ചില്‍ ദുഷ്‌കരമാക്കിയതിനാലാണ് കണ്ടെത്താന്‍ വൈകിയത്. 2018 ലെ മഹാപ്രളയത്തില്‍ മത്സ്യത്തൊഴിലാളികളുടെ സഹായത്തോടെ നടത്തിയ…

  യുവതികളുടെ ബലാത്സംഗ പരാതിയിൽ കൊച്ചിയിലെ ടാറ്റു ആർട്ടിസ്റ്റ് പി എസ് സുജേഷിന്റെ അറസ്റ്റ് ഉടനുണ്ടാകുമെന്ന് സിറ്റി പോലീസ് കമ്മീഷണർ നാഗരാജു. ഒളിവിൽ കഴിയുന്ന പ്രതിയെ കുറിച്ച് സൂചനകൾ ലഭിച്ചിട്ടുണ്ട്. കൊച്ചിയിലെ ടാറ്റു കേന്ദ്രങ്ങളെ കുറിച്ച് പരിശോധന ആരംഭിച്ചിട്ടുണ്ട്. മറ്റേതെങ്കിലും കേന്ദ്രങ്ങളിൽ സ്ത്രീകൾക്ക് സമാന അനുഭവമുണ്ടായോ എന്ന് പരിശോധിക്കുമെന്നും കമ്മീഷണർ പറഞ്ഞു സുജേഷിനെതിരെ ആറ് പേരാണ് പരാതി നൽകിയിട്ടുള്ളത്. 2017 മുതൽ പീഡനമുണ്ടായെന്നാണ് യുവതികൾ മൊഴി നൽകിയത്. കൂടുതൽ പേരെ സുജേഷ് പീഡിപ്പിച്ചതായും പോലീസിന് വിവരം ലഭിച്ചിട്ടുണ്ട്….

  അരൂര്‍ ചന്ദിരൂരിലെ സീഫുഡ് എക്സ്പോര്‍ട്ടിംഗ് കമ്പനിയായ പ്രീമിയര്‍ കമ്പനിയില്‍ തീപിടുത്തം. തീ വ്യാപിച്ചത് എങ്ങനെയാണെന്നതില്‍ വ്യക്തതയില്ല. അരൂരില്‍ നിന്നും ആലപ്പുഴയില്‍ നിന്നും എത്തിയ മൂന്ന് യൂണിറ്റ് ഫയര്‍ഫോഴ്സ് നിലവില്‍ സ്ഥലത്തുണ്ട്. തീനിയന്ത്രണവിധേയമാണെന്ന് ഫയര്‍ഫോഴ്സ് പറയുന്നു. തീപിടുത്തതില്‍ കെട്ടിടത്തിൻ്റെ ഒരു ഭാഗം പൂര്‍ണമായി കത്തിനശിച്ചു. വലിയ നാശനഷ്ടവും ഉണ്ടായിട്ടുണ്ട്. ആളപായമില്ല. അകത്തുണ്ടായിരുന്ന ജീവനക്കാരൊക്കെ പുറത്തേക്ക് ഓടിരക്ഷപ്പെട്ടു. ഉച്ചയോടെയാണ് സ്ഥാപനത്തിൻ്റെ മുകള്‍നിലയില്‍ നിന്ന് തീ ഉയര്‍ന്നത്. നിലവില്‍ സമീപത്തേക്ക് തീ പടരാതിരിക്കാനുള്ള മുന്‍കരുതലുകള്‍ എടുത്തിട്ടുണ്ട്

കൊച്ചി: മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കര്‍ ആശുപത്രിയില്‍ ചികിത്സ തേടിയത് മുന്‍കൂട്ടി തയ്യാറാക്കിയ തിരക്കഥ അനുസരിച്ചാണെന്ന് കസ്റ്റംസ് കോടതിയില്‍. ശിവശങ്കറിന്റെ അറസ്റ്റ് തടഞ്ഞ ഹൈക്കോടതി വിധിക്കെതിരായ വാദത്തിലാണ് അദ്ദേഹത്തിനെതിരെ കസ്റ്റംസ് ആരോപണം ഉന്നയിച്ചത്.   ശിവശങ്കറിന്റെ അസുഖം തട്ടിപ്പാണെന്ന് വൈദ്യപരിശോധനയില്‍ തെളിഞ്ഞതാണ്. വേദനസംഹാരി കഴിച്ചാല്‍ മാറുന്ന നടുവേദന മാത്രമാണ് ശിവശങ്കറിന് ഉളളത്. അറസ്റ്റ് പ്രതീക്ഷിച്ചിരുന്ന ശിവശങ്കര്‍ മുന്‍കൂട്ടി തയ്യാറാക്കിയ തിരക്കഥ പ്രകാരം ആശുപത്രിയില്‍ ചികിത്സ തേടുകയായിരുന്നു. ഭാര്യ ജോലി ചെയ്യുന്ന ആശുപത്രിയിലേക്ക് പോയത് ഇതിന്റെ ഭാഗമാണ്….

  കൊവിഡ് വ്യാപനത്തിന്റെ പശ്ചാത്തലത്തിൽ സംസ്ഥാനത്ത് കൂടുതൽ നിയന്ത്രണങ്ങൾ ഏർപ്പെടുത്തുന്നതിൽ ഇന്ന് തീരുമാനമുണ്ടാകും. മുഖ്യമന്ത്രിയുടെ അധ്യക്ഷതയിൽ ചേരുന്ന അവലോകന യോഗത്തിലാകും തീരുമാനം. സ്‌കൂളുകളിൽ നിയന്ത്രണം കൊണ്ടുവരുന്നതിലും ഇന്ന് തീരുമാനം വരും. ഞായറാഴ്ച കർഫ്യൂ, രാത്രികാല കർഫ്യൂ എന്നിവയാകും ആദ്യഘട്ട നിയന്ത്രണങ്ങൾ. കൂടാതെ ഒന്ന് മുതൽ ഒമ്പത് വരെയുള്ള ക്ലാസുകളിൽ കൂടുതൽ നിയന്ത്രണം വന്നേക്കും. നിലവിലെ ക്ലാസുകളുടെ സമയം കുറയ്ക്കുന്നതോ ഓൺലൈനിലേക്ക് മാറ്റുന്നതുംപരിഗണിക്കുന്നുണ്ട്. അതേസമയം പത്ത്, 12, ക്ലാസുകൾ ഓഫ് ലൈനായി തുടരും. മാർച്ച് അവസാനം നിശ്ചയിച്ച വാർഷിക…