Wayanad

കല്‍പ്പറ്റ മണിയങ്കോട് സബ് സെന്ററിന് കീഴില്‍ മൂന്നാം വാര്‍ഡിലെ കോളിമൂല കോളനിയിലെ ശാരദ ( 40) ആണ് ഇന്ന് പുലര്‍ച്ചെ മേപ്പാടി സ്വകാര്യ മെഡിക്കല്‍ കോളേജില്‍ വച്ച് മരണപ്പെട്ടത്.ഇതോടെ ജില്ലയില്‍ ആദിവാസി വിഭാഗത്തില്‍ നിന്നും കോവിഡ് മൂലം മരിച്ചവരുടെ എണ്ണം ഏഴായി. കഴിഞ്ഞ മൂന്ന് മാസത്തിലധികമായി വൈത്തിരിയിലെ സുഗന്ധഗിരി പ്ലാന്റേഷന്‍ നാലാം യൂണിറ്റില്‍ സഹോദരനോടൊപ്പമായിരുന്നു താമസം.ഒക്ടോബര്‍ 6ന് ആറാം തിയ്യതി കല്‍പ്പറ്റ ഓടമ്പം സബ് സെന്ററിന് കീഴില്‍ പതിമൂന്നാം വാര്‍ഡില്‍ അമ്പിലേരി ഗ്രാമത്തു വയല്‍ കോളനിയിലെ മകളുടെ…

പടിഞ്ഞാറത്തറ സ്റ്റേഷൻ പരിധിയിൽ ഒരു വർഷം മുന്നേ റിപ്പോർട്ട്‌ ചെയ്ത പ്രായപൂർത്തിയാവാത്ത പെൺകുട്ടിയെ പീഡിപ്പിച്ച സംഭവത്തിലെ പ്രതിയായ ഞെർലേരി അബ്ദുള്ളയെ പിടികൂടി.പീഡനത്തിനിരയായ പെൺകുട്ടി നൽകിയ വിവരങ്ങളുടെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണ് പ്രതിയെ കണ്ടെത്തിയത്. പ്രതിയെ പെൺകുട്ടി തിരിച്ചറിയുകയും ചെയ്തു. പോലീസ് ഇൻസ്‌പെക്ടർ സിബി എൻ.ഒ , സിദ്ധിഖ്, വിജയൻ, സൗമ്യ, ഷഹമ എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.പ്രതിയെ കോടതിയിൽ ഹാജരാക്കി

വയനാട്ടിൽ രാഹുൽ ഗാന്ധി എംപി ഓൺലൈനായി ഉദ്ഘാടനം ചെയ്യാൻ നിശ്ചയിച്ച പരിപാടിക്ക് കലക്ടർ അനുമതി നിഷേധിച്ചു. ന്യൂനപക്ഷ ക്ഷേമവകുപ്പ് മുഖേന നടപ്പാക്കുന്ന പദ്ധതി ഉദ്ഘാടനം സർക്കാറിനെ അറിയിക്കാത്തത് കാരണമാണ് അനുമതി നിഷേധിച്ചത്. എംഎസ്ഡിപി പദ്ധതിയിൽ കൽപ്പറ്റ മുണ്ടേരി സ്കൂളിലെ പുതിയ കെട്ടിടങ്ങളുടെ ഉദ്ഘാടനമായിരുന്നു നടക്കേണ്ടിയിരുന്നത്.

നൂല്‍പ്പുഴ മുക്കുത്തിക്കുന്നില്‍ ബുധനാഴ്ച വൈകിട്ടാണ് സംഭവം. പ്രദേശവാസിയായ പാലയില്‍ നാരായണന്റെ പശുവിനെ ആക്രമിച്ച തെരുവുനായ, പാലകുന്നേല്‍ എസ്തപ്പാന്റെ പശുക്കിടാവിനെയും കടിച്ചു പരിക്കേല്‍പ്പിച്ചു. കൂടാതെ വളര്‍ത്തുനായ്ക്കളെ അടക്കം തെരുവുനായ ആക്രമിച്ചു പരുക്കേല്‍പ്പിച്ചു. വളര്‍ത്ത് മൃഗങ്ങളെ ആക്രമിച്ച തെരുവ് നായയെ പിടികൂടണമെന്നാണ് ആവശ്യം.

പുല്‍പ്പള്ളി ഗ്രാമ പഞ്ചായത്തിലെ 9,10 വാര്‍ഡ് പ്രദേശങ്ങളും എടവക ഗ്രാമ പഞ്ചായത്തിലെ 4,5 വാര്‍ഡ് പ്രദേശങ്ങളും തവിഞ്ഞാല്‍ ഗ്രാമ പഞ്ചായത്തിലെ 20,21 വാര്‍ഡുകളും മൈക്രോ കണ്ടെയ്ന്‍മെന്റ് / കണ്ടെയ്ന്‍മെന്റ് സോണ്‍ പട്ടികയില്‍ നിന്നും ഒഴിവാക്കി

കൽപ്പറ്റ: വയനാട്ടിൽ ഒരു കോവിഡ് മരണം കൂടി . മാനന്തവാടി എരുമതെരുവ് കോമത്ത് (കുന്നത്ത് ) വീട്ടിൽ അബ്ദുറഹ്മാൻ (89) ആണ് മരിച്ചത്. സെപ്തംബർ 7 നാണ് കൊവിഡ് സ്ഥിരീകരിച്ച് ജില്ലാ ആശുപത്രിയിൽ പ്രവേശിപ്പിച്ചത്. ഇന്നലെ രാവിലെ 11.30തോടെയാണ് മരണം സംഭവിച്ചത്. ശ്വാസകോശ രോഗം, പ്രമേഹം, പ്രഷർ, ഹൃദ് രോഗം തുടങ്ങി വാർദ്ധക്യസഹജമായ രോഗത്തിന് ചികിത്സയിലിരിക്കെയാണ് കൊവിഡ് സ്ഥിരീകരിച്ചതും മരണം സംഭവിച്ചതും. ഭാര്യ: സുബൈദ. മക്കൾ: നസീമ, സാജിത, മരുമകൻ: നസീർ.ഖബറടക്കം കൊവിഡ് പ്രോട്ടോകോൾ പ്രകാരം എരുമ…

ബത്തേരി തിരുനെല്ലി പമ്പിന് സമീപത്ത് വെച്ച് ബൈക്കും ഗുഡ്സും തമ്മില്‍ കൂട്ടിയിടിച്ച് രണ്ട് പേര്‍ക്ക് പരിക്കേറ്റു.കൊടുവള്ളി സ്വദേശി കാക്കുംപുറത്ത് റഫീഖ്(40),പുത്തന്‍കുന്ന് സ്വദേശി അടുക്കത്തില്‍ ഉമ്മര്‍(54) എന്നിവര്‍ക്കാണ് പരിക്കേറ്റത്.ഗുഡ്‌സും വാഹനവും ബൈക്കും തമ്മിലാണ് കൂട്ടിയിടിച്ചത്.പരിക്കേറ്റവരെ ആദ്യം ബത്തേരിയിലെ സ്വകാര്യ ആശുപത്രിയിലാണ് പ്രവേശിപ്പിച്ചത്.രണ്ട് പേര്‍ക്കും തലക്ക് ഗുരുതര പരിക്കുള്ളതിനാല്‍ റഫീഖിനെ കോഴിക്കോട് സ്വകാര്യ ആശുപത്രിയിലേക്കും,ഉമ്മറിനെ മേപ്പാടി സ്വകാര്യ ആശുപത്രിയിലേക്കും കൊണ്ട് പോയി.

കോവിഡ് ബാധിച്ച് രോഗമുക്തി നേടിയ ആളുകളിൽ ഉണ്ടാവുന്ന ആരോഗ്യ പ്രശ്നങ്ങൾ പരിഹരിക്കുന്നതിന് വേണ്ടി പോസ്റ്റ് കോവിഡ് ക്ലിനിക് മാനന്തവാടി ജില്ലാ ആശുപത്രിയിൽ ഇന്ന് പ്രവർത്തനം ആരംഭിച്ചു. കോവിഡ് മുക്തരായ ആളുകൾ അവർക്ക് ഉണ്ടാകുന്ന ആരോഗ്യ പ്രശ്നങ്ങൾ പരിഹരിക്കുന്നതിന് ഈ ക്ലിനിക് പ്രയോജനപ്പെടുത്തണമെന്ന് ഉദ്ഘാടനം നിർവഹിച്ചു കൊണ്ട് ജില്ലാ മെഡിക്കൽ ഓഫീസർ ഡോ. ആർ. രേണുക അഭ്യർത്ഥിച്ചു. ജില്ലാ ആശുപത്രിയിലെ ശ്വാസകോശ രോഗ വിദഗ്ധൻറെ നേതൃത്വത്തിൽ ചെസ്റ്റ് ക്ലിനിക്കിലാണ് ഇത് ആരംഭിച്ചത്. എല്ലാ പ്രവർത്തി ദിനങ്ങളിലും രാവിലെ 10…

സുൽത്താൻ ബത്തേരി മുൻസിപ്പാലിറ്റി, നൂൽപുഴ പഞ്ചായത്തുകൾക്കായുള്ള ഗ്രാമീണ ശുദ്ധ ജല വിതരണ പദ്ധതിയുടെ മുത്തങ്ങ പമ്പിങ് സ്റ്റേഷനിൽ നിന്നും നിരപ്പം ശുദ്ധികരണ ശാലയിലേക്കുള്ള പൈപ്പ്‌ലൈൻ കല്ലൂർ സർവിസ് സ്റ്റേഷന് സമീപം പൊട്ടിയതിനാൽ, ബത്തേരി മുൻസിപ്പാലിറ്റി നൂൽപുഴ പഞ്ചായത്തുകളിലേക്കുള്ള ശുദ്ധജല വിതരണം ഇന്നുമുതൽ (14-10-2020) മുതൽ 3 ദിവസത്തേക്ക് പൂർണമായും തടസ്സപ്പെടുന്നതാണെന്ന് അസി. എഞ്ചിനീയർ അറിയിച്ചു

വയനാട് ജില്ലയില്‍ ഇന്ന് (14.10.20) 84 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 66 പേര്‍ രോഗമുക്തി നേടി. 83 പേര്‍ക്ക് സമ്പര്‍ക്കത്തിലൂടെയാണ് രോഗബാധ.രണ്ട്് പേരുടെ ഉറവിടം വ്യക്തമല്ല.ഒരാള്‍ ഇതര സംസ്ഥാനത്ത് നിന്നെത്തിയതാണ്. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 5209 ആയി. 4084 പേര്‍ ഇതുവരെ രോഗമുക്തരായി. ചികിത്സയിലിരിക്കെ 29 പേര്‍ മരണപ്പെട്ടു. നിലവില്‍ 1096 പേരാണ് ചികിത്സയിലുള്ളത്. ഇവരില്‍ 315 പേര്‍ വീടുകളിലാണ് ഐസൊലേഷനില്‍ കഴിയുന്നത്. 35…