Wayanad

  വയനാട് ജില്ലയില്‍ ഇന്ന് (15.1.21) 241 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 207 പേര്‍ രോഗമുക്തി നേടി. നാല് ആരോഗ്യ പ്രവര്‍ത്തകര്‍ ഉള്‍പ്പെടെ 240 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതില്‍ 12 പേരുടെ സമ്പര്‍ക്ക ഉറവിടം വ്യക്തമല്ല. വിദേശത്ത് നിന്നും എത്തിയ ഒരാള്‍ക്കും രോഗം സ്ഥിരീകരിച്ചു. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 19782 ആയി. 16799 പേര്‍ ഇതുവരെ രോഗമുക്തരായി. ചികിത്സയിലിരിക്കെ 121 മരണം….

അമ്പലവയൽ: നിയമസഭയിൽ അവതരിപ്പിച്ച ബജറ്റിൽ പ്രവാസികൾക്ക് പെൻഷൻ തുക 3500 രൂപയാക്കി വർദ്ധിപ്പിച്ച കേരള സർക്കാരിന് അഭിവാദ്യം അർപ്പിച്ച് കൊണ്ട് കേരള പ്രവാസി സംഘം ബത്തേരി ഏരിയ കമ്മിറ്റിയുടെ നേതൃത്വത്തിൽ അമ്പലവയലിൽ പ്രകടനം നടത്തി. തുടർന്ന് നടന്ന പൊതുയോഗം കേരള പ്രവാസി സംഘം വയനാട് ജില്ലാ സെക്രട്ടറി കെ കെ നാണു ഉദ്ഘാടനം ചെയ്തു. കേരളത്തിന്റെ സാമ്പത്തിക മേഖലക്ക് ഏറ്റവും കൂടുതൽ സഹായം നൽകുന്ന പ്രവാസി സമൂഹത്തെ ചേർത്ത് പിടിക്കുന്ന ജനകീയ ബജറ്റാണ് അവതരിപ്പിച്ചതെന്ന് അദ്ദേഹം അഭിപ്രായപ്പെട്ടു….

ബാഗ്ലൂരിൽ വാഹനാപകടത്തിൽ പെട്ട് ചികിത്സയിലായിരുന്ന ബത്തേരി സ്വദേശി മരിച്ചു. കോളിയാടി മൂലകാട്ടില്‍ (പുത്തുങ്കല്‍) വര്‍ഗീസിനെ മകന്‍ ബിജു വര്‍ഗീസ് (47)ആണ് ഇന്നു പുലര്‍ച്ചെ കോഴിക്കോട് മെഡിക്കല്‍ കോളേജില്‍ മരിച്ചത്. രണ്ടാഴ്ചമുമ്പ് ബാംഗ്ലൂരില്‍ വച്ചായിരുന്നു ബിജു വര്‍ഗീസ് വാഹനാപകടത്തില്‍പെട്ടത്. തുടര്‍ന്ന് കോഴിക്കോട് മെഡിക്കല്‍ കോളേജില്‍ ചികില്‍സക്കായി പ്രവേശിപ്പിക്കുകയായിരുന്നു.    

സുൽത്താൻ ബത്തേരി : കേന്ദ്ര സർക്കാരിന്റെ കർഷക ദ്രോഹ നടപടികൾ അവസാനിപ്പിക്കുക, വയനാട് മെഡിക്കൽ കോളേജ് ഉടൻ ആരംഭിക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ട് ബ്ലോക്ക് കോൺഗ്രസ് കമ്മറ്റിയുടെ നേതൃത്വത്തിൽ ബത്തേരി സ്വതന്ത്രമൈതാനിയിൽ ധർണ നടത്തി. കെ.പി.സി.സി സെക്രട്ടറി കെ.കെ.അബ്രാഹം ധർണ ഉദ്ഘാടനം ചെയ്തു. ബ്ലോക്ക് കോൺഗ്രസ് പ്രസിഡന്റ് ടി.ജെ.ജോസഫ് അധ്യക്ഷത വഹിച്ചു. സി.പി.വർഗ്ഗീസ്, എൻ.എം.വിജയൻ , എൻ.സി.കൃഷ്ണകുമാർ, ആർ.പി.ശിവദാസ്, എടക്കൽ മോഹനൻ, ഉമ്മർ കുണ്ടാട്ടിൽ, അമൽജോയ്, സി.കെ.ബഷീർ, സിജി ജോസഫ്, എ.എസ്. വിജയ എന്നിവർ സംസാരിച്ചു.

കല്‍പറ്റ;കേരള വെറ്ററിനറി ആന്‍ഡ് അനിമല്‍ സയന്‍സസ് സര്‍വകലാശാലയുടെ പൂക്കോട് കാമ്പസില്‍ വന്യജീവി ഗവേഷണത്തിനും പട്ടികവര്‍ഗ ക്ഷേമത്തിനുമുള്ള പശ്ചിമഘട്ട മേഖലാ ഇന്‍സ്റ്റിറ്റിയൂട്ട് അനുവദിച്ചു ബജറ്റ് പ്രഖ്യാപനം ഉണ്ടാകുമോ എന്നറിയാനുള്ള ആകാംക്ഷയില്‍ വയനാടന്‍ ജനത. ജന്തുജന്യരോഗങ്ങള്‍, വന്യജീവിശല്യം, കാലാവസ്ഥ വ്യതിയാനം എന്നിവയുടെ തിക്തഫലങ്ങള്‍ അനുഭവിക്കുന്ന ജില്ലയ്ക്കു മുതല്‍ക്കൂട്ടാകുന്ന ഇന്‍സ്റ്റിറ്റിയൂട്ട് ബജറ്റില്‍ ഇടംപിടിക്കാതിരിക്കാന്‍ അണിയറനീക്കം ഉണ്ടെന്ന സൂചനയാണ് ജനങ്ങളുടെ ഉത്കണ്ഠയ്ക്കു നിദാനം. ഇന്‍സ്റ്റിറ്റിയൂട്ട് ബജറ്റില്‍ ഉള്‍പ്പെടുത്തുന്നതിനു ജില്ലയിലെ രാഷ്ട്രീയ നേതാക്കളും ജനപ്രതിനിധികളും അധികാരകേന്ദ്രങ്ങളില്‍ സമ്മര്‍ദം ചെലുത്തിവരികയാണ്. ഇതിന്റെ ഫലം അറിയാന്‍ ബജറ്റ്…

  കോവിഡ് പ്രതിരോധ പ്രവര്‍ത്തനങ്ങള്‍ക്ക് ആശ്വാസമേകി ആദ്യഘട്ട വിതരണത്തിനുള്ള കോവിഡ് വാക്‌സിന്‍ വയനാട് ജില്ലയിൽ എത്തി. കോഴിക്കോട് റീജിയണല്‍ വാക്‌സിന്‍ സ്റ്റോറില്‍ നിന്ന് 9590 ഡോസ് കോവിഡ് 19 വാക്‌സിന്‍ (കോവിഷീല്‍ഡ്) ഇന്ന് (14.1.2021) ഉച്ചകഴിഞ്ഞ് 3 മണിയോടെയാണ് ജില്ലാ വാക്സിൻ സ്റ്റോറിൽ എത്തിച്ചത്. ജില്ലാ പഞ്ചായത്ത് പ്രസിഡൻറ് സംഷാദ് മരക്കാർ, ജില്ലാ പഞ്ചായത്ത് മെമ്പർ അമൽ ജോയ്, ജില്ലാ മെഡിക്കല്‍ ഓഫീസര്‍ ഡോ. ആർ രേണുക, ജില്ലാ ആർ സി എച്ച് ഓഫീസർ ഡോ. ഷിജിൻ…

കൽപ്പറ്റ: കൽപ്പറ്റ ജനറൽ ആശുപത്രിയിൽ ഓക്സിജൻ സിലിണ്ടർ പൊട്ടിത്തെറിച്ചു; രോഗികൾ പരിഭ്രാന്തരായി ഇറങ്ങിയോടി. വൈകുന്നേരം ഏഴ് മണിയോടെയായിരുന്നു സംഭവം. ആർക്കും പരിക്കില്ല.ഉടൻ ഫയർ സ്റ്റേഷനിൽ നിന്നും ഉദ്യോഗസ്ഥരെത്തി പരിശോധന നടത്തി.മൂന്നാം നിലയിൽ സ്ഫോടന ശബ്ദം കേൾക്കുകയായിരുന്നുവെന്ന് ദൃക്സാക്ഷികൾ പറഞ്ഞു.

അഭയകേന്ദ്രത്തിൽ നിന്നും കതിർമണ്ഡപത്തിലേക്ക് കാലെടുത്തു വെച്ച് ഷെൽട്ടർ ഹോമിലെ അന്തേവാസി.മാനന്തവാടി ആറാട്ടുതറ ഡി.വി. ഷെൽട്ടർ ഹോമിലെ 20 കാരി ശ്രുതിയാണ് നാളെ കതിർമണ്ഡപത്തിലേക്ക് എത്തുന്നത്. രാവിലെ 11.30 ന് വള്ളിയൂർക്കാവ് ക്ഷേത്രത്തിൽ വെച്ച് പയ്യന്നൂർ സ്വദേശി സജിത്ത് ശ്രുതിക്ക് മിന്നുചാർത്തും.വിവാഹ ചടങ്ങുകൾ വർണ്ണാഭമാക്കാനൊരുങ്ങി അന്തേവാസികളും നാട്ടുകാരും. മാതാപിതാക്കൾ നഷ്ടമായ ശ്രുതി ഒരു വർഷമായി ഡി.വി.ഷെൽട്ടർ ഹോമിലെ അന്തേവാസിയാണ്.അങ്ങനെയിരിക്കെയാണ് പയ്യന്നൂർ സ്വദേശിയും കരാറുകാരനുമായ സജിത്ത് വിവാഹാലോചനയുമായി എത്തുന്നത്.അങ്ങനെ ഷെൽട്ടർ ഹോം അധികൃതർ കൂടിയാലോചിച്ച് വിവാഹം നിശ്ചയിക്കുകയും നാളെ 11.30…

  വയനാട്ടിൽ നാളെ  വൈദ്യുതി മുടങ്ങുന്ന സ്ഥലങ്ങൾ കൽപ്പറ്റ ഇലക്ട്രിക്കൽ സെക്ഷനിലെ* കോടഞ്ചേരിക്കുന്ന്, പിണങ്ങോട് ടൗൺ, മൂരിക്കാപ്പ്, ചോലപ്പുറം, കളരിവീട്, മുതിരപ്പാറ എന്നിവിടങ്ങളിൽ നാളെ (വെള്ളി) രാവിലെ 8 മുതൽ 6 വരെ പൂർണമായോ ഭാഗികമായോ വൈദ്യുതി മുടങ്ങും കണിയാമ്പറ്റ സബ് സ്റ്റേഷനിൽ അറ്റകുറ്റപ്പണികൾ നടക്കുന്നതിനാൽ കബളക്കാട് സെക്ഷനു കീഴിൽ നാളെ (വെള്ളി) രാവിലെ 9 മുതൽ 5 വരെ പൂർണമായോ ഭാഗികമായോ വൈദ്യുതി മുടങ്ങും പടിഞ്ഞാറത്തറ ഇലക്ട്രിക്കൽ സെക്ഷനിലെ ലൂയിസ് മൗണ്ട് , കല്ലങ്കരി എന്നിവിടങ്ങളിൽ…

വയനാട് ജില്ലയില്‍ 229 പേര്‍ക്ക് കൂടി കോവിഡ്;171 പേര്‍ക്ക് രോഗമുക്തി,227 പേര്‍ക്ക് സമ്പര്‍ക്കത്തിലൂടെ രോഗബാധ വയനാട് ജില്ലയില്‍ ഇന്ന് (14.1.21) 229 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 171 പേര്‍ രോഗമുക്തി നേടി. നാല് ആരോഗ്യ പ്രവര്‍ത്തകര്‍ ഉള്‍പ്പെടെ 227 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതില്‍ 6 പേരുടെ സമ്പര്‍ക്ക ഉറവിടം വ്യക്തമല്ല. ഇതര സംസ്ഥാനത്ത് നിന്നും വിദേശത്ത് നിന്നും എത്തിയ രണ്ട് പേര്‍ക്കും രോഗം സ്ഥിരീകരിച്ചു. ഇതോടെ…