National

മുന്‍ രാഷ്ട്രപതി പ്രണബ് മുഖര്‍ജിയുടെ ആരോഗ്യനില അതീവ ഗുരുതരമായി തുടരുന്നു. വെന്റിലേറ്റര്‍ സഹായത്തിലാണ് തുടരുന്നതെന്നും കരസേന ആശുപത്രിയുടെ മെഡിക്കല്‍ ബുള്ളറ്റിനില്‍ വ്യക്തമാക്കി. അച്ഛന്റെ ആരോഗ്യ സൗഖ്യത്തിനായി പ്രാര്‍ത്ഥിക്കണമെന്ന് അഭിജിത് മുഖര്‍ജി അഭ്യര്‍ത്ഥിച്ചു. മകൾ ശർമ്മിഷ്ഠ മുഖർജിയും പിതാവിന്റെ ആരോഗ്യത്തിനായി പ്രാർത്ഥിച്ച് ട്വീറ്റ് ചെയ്തിരുന്നു. തിങ്കളാഴ്ച ഉച്ചയ്ക്ക് 12 മണിയോടെയാണ് ഡല്‍ഹിയിലെ കരസേന ആശുപത്രിയില്‍ അദ്ദേഹത്തെ പ്രവേശിപ്പിക്കുന്നത്. തലച്ചോറിനുള്ളില്‍ രക്തം കട്ട പിടിച്ചത് കണ്ടെത്തിയതിനെ തുടര്‍ന്ന് പ്രണബ് മുഖര്‍ജിയെ തിങ്കളാഴ്ച അടിയന്തര ശസ്ത്രക്രിയക്ക് വിധേയനാക്കിയിരുന്നു. ശസ്ത്രക്രിയക്ക് മുന്നോടിയായി നടന്ന…

ഇതുവരെ റിപോര്‍ട്ട് ചെയ്തതില്‍ വച്ച് ഏറ്റവും കൂടുതല്‍ പേര്‍ക്ക് രോഗം സ്ഥിരീകരിച്ചതോടെ രാജ്യത്തെ കൊവിഡ് രോഗികളുടെ എണ്ണം 24 ലക്ഷത്തോടടുത്തു. ഇന്ന് മാത്രം 66,999 പേര്‍ക്കാണ് രോഗം സ്ഥിരീകരിച്ചത്. കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ കണക്കു പ്രകാരം ഇതുവരെ രാജ്യത്തെ ഏറ്റവും കൂടുതല്‍ പ്രതിദിന കൊവിഡ് ബാധ 56,386 ആയിരുന്നു. നിലവില്‍ രാജ്യത്ത് 23,96,638 പേര്‍ക്കാണ് കൊവിഡ് സ്ഥിരീകരിച്ചത്. 6,53,622 പേര്‍ വിവിധ ആശുപത്രികളില്‍ ചികില്‍സയില്‍ കഴിയുന്നുണ്ട്. 16,95,982 പേര്‍ രോഗമുക്തരായി.

കൊവിഡിൻ്റെ പശ്ചാത്തലത്തില്‍ തമിഴ്‌നാട് സര്‍ക്കാര്‍ ഗണേശചതുര്‍ത്ഥി ആഘോഷങ്ങള്‍ക്ക് നിയന്ത്രണമേര്‍പ്പെടുത്തി. ആളുകള്‍ കൂട്ടം കൂടാന്‍ സാധ്യതയുള്ള ഗണേശപ്രതിമകള്‍ സ്ഥാപിക്കല്‍, നദിയില്‍ നിമഞ്ജനംചെയ്യല്‍ എന്നിവയാണ് വിലക്കിയത്. ആഘോഷങ്ങള്‍ സ്വന്തം വീടുകളില്‍ ഒതുക്കുനിര്‍ത്താനും സര്‍ക്കാര്‍ അഭ്യര്‍ത്ഥിച്ചു. വരുന്ന ആഗസ്റ്റ് 22നാണ് തമിഴ്‌നാട്ടില്‍ ഗണേശചതുര്‍ത്ഥി ആഘോഷം. ഇതോടനുബന്ധിച്ച് റാലികള്‍ നടത്തുന്നതിനും വിലക്കുണ്ട്. മഹാരാഷ്്ട്രയില്‍ കണ്ടെയിന്‍മെന്റ് സോണുകളില്‍ ഉല്‍സവത്തിന്റെ ഭാഗമായി ലോഹപാത്രങ്ങളില്‍ ഗണേശ പ്രതിമകള്‍ മുക്കാന്‍ ബൃഹാന്‍ മുംബൈ മുനിസിപ്പല്‍ കോര്‍പറേഷന്‍ നിര്‍ദേശിച്ചു.പത്തുദിവസം നീണ്ടുനില്‍ക്കുന്ന ഗണേശ ചതുര്‍ത്ഥി ആഗസ്റ്റ് 22ന് ആരംഭിക്കും.

തലക്കാവേരി ക്ഷേത്രത്തിന് സമീപമുണ്ടായ ഉരുൾപൊട്ടലിൽ കാണാതായ മുഖ്യപൂജാരി ടി എസ് നാരായണ ആചാരിയുടെ മൃതദേഹം കണ്ടെത്തി. കഴിഞ്ഞ ബുധനാഴ്ചയാണ് തലക്കാവേരിയിൽ ഉരുൾപൊട്ടലുണ്ടായത്. ടി എസ് നാരായണയും കുടുംബവും താമസിച്ചിരുന്ന വീട് അപ്പാടെ തകർന്നു പോയിരുന്നു. കുത്തിയൊലിച്ചുവന്ന മഴവെള്ളപ്പാച്ചിലിൽ എട്ട് കിലോമീറ്ററോളം ഭാഗം മണ്ണ് വന്ന് മൂടി. കനത്ത മഴയും മഞ്ഞും രക്ഷാപ്രവർത്തനത്തെ പ്രതികൂലമായി ബാധിക്കുകയും ചെയ്തു ടി എസ് നാരായണ ആചാരിയുടെ ഭാര്യാ സഹോദരൻ സ്വാമി ആനന്ദതീർഥയുടെ മൃതദേഹം നേരത്തെ ലഭിച്ചിരുന്നു. ആചാരിയുടെ ഭാര്യ ശാന്ത, സഹപൂജാരിമാരായ…

രാജ്യത്ത് കൊവിഡ് രോഗികളുടെ എണ്ണം അനിയന്ത്രിതമായി വർധിക്കുന്നു. കഴിഞ്ഞ 24 മണിക്കൂറിനിടെ 66,999 പേർക്കാണ് കൊവിഡ് സ്ഥിരീകരിച്ചത്. ഇതുവരെ റിപ്പോർട്ട് ചെയ്തതിൽ ഏറ്റവുമുയർന്ന പ്രതിദിന വർധനവാണിത്. രാജ്യത്തെ കൊവിഡ് ബാധിതരുടെ എണ്ണം 23,96,638 ആയി ഉയർന്നു. 6,53,622 പേരാണ് നിലവിൽ ചികിത്സയിൽ കഴിയുന്നത്. 16,95,982 പേർ രോഗമുക്തി നേടി. 24 മണിക്കൂറിനിടെ 942 പേരാണ് രാജ്യത്ത് മരിച്ചത്. ആകെ മരണസംഖ്യ 47,033 ആയി ഉയർന്നതായി കേന്ദ്ര ആരോഗ്യ മന്ത്രാലയം അറിയിച്ചു. മഹാരാഷ്ട്ര, ആന്ധ്ര, തമിഴ്‌നാട്, കർണാടക സംസ്ഥാനങ്ങളിലാണ്…

ഗൂഡല്ലൂർ പ്രദേശങ്ങളിൽ ഴിഞ്ഞ ദിവസം പെയ്ത കനത്ത മഴയിൽ പുളിയാം പാറയിൽനിന്നു കോഴികൊല്ലി ഭാഗത്തേക്കുള്ള പാലം തകർന്നു. ഇതോടെ പ്രദേശത്തെ മുന്നൂറോളം കുടുംബങ്ങളാണ് ഒറ്റപ്പെട്ടത് .കോഴി കൊല്ലി കൊല്ലൂര് കാപ്പു മാളം പ്രദേശങ്ങളിലെ കുടുംബമാണ് ഒറ്റപ്പെട്ടത്. വനത്തിൽ അതി ശക്തമായ മഴയാണ് പെയ്തത് . വനത്തിൽ ചെറിയതോതിലുള്ള ഉരുൾപൊട്ടൽ ഉണ്ടായിട്ടുള്ളതായി അറിയുന്നു. ബുധനാഴ്ച രാത്രിയോടെയാണ് വെള്ളം പൊങ്ങിയത്. അതിശക്തമായ വെള്ളം ഒഴുകി തുടർന്നാണ് പാലം തകർന്നത് മഴ പെയ്തതിനാൽ ഒന്നാം മയിൽ ,പാടന്തറ ,ആലയം പ്രദേശങ്ങളിൽ താഴ്ന്ന…

ന്യൂഡല്‍ഹി: കോണ്‍ഗ്രസ് ദേശീയ വക്താവ് രാജീവ് ത്യാഗി അന്തരിച്ചു. ഹൃദയാഘാതത്തെ തുടര്‍ന്നായിരുന്നു അന്ത്യം. വീട്ടില്‍ വെച്ച് പെട്ടെന്ന് തളര്‍ന്ന് വീണതിനെ തുടര്‍ന്ന് ഡല്‍ഹി യശോദ ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. ചാനല്‍ ചര്‍ച്ചകളില്‍ കോണ്‍ഗ്രസിന്‍റെ പ്രധാന മുഖമായിരുന്നു രാജീവ് ത്യാഗി. മരിക്കുന്നതിന് ഒരുമണിക്കൂര്‍ മുന്‍പ് വരെ അദ്ദേഹം ചാനല്‍ ചര്‍ച്ചയില്‍ പങ്കെടുത്തിരുന്നു. “ആജ് തകിലെ 5 മണി മുതല്‍ 6 മണിവരെയുള്ള ദംഗല്‍ എന്ന പരിപാടിയില്‍ അദ്ദേഹം ഉണ്ടായിരുന്നു. 7 മണിയ്ക്ക് അദ്ദേഹം മരണപ്പെട്ടിരിക്കുന്നു. ഞെട്ടിപ്പിക്കുന്ന വാര്‍ത്തയാണിത്”,…

ന്യൂഡല്‍ഹി: കേന്ദ്ര ആയുഷ് മന്ത്രി ശ്രീപദ് നായിക്കിന് കോവിഡ് സ്ഥിരീകരിച്ചു. മന്ത്രി തന്നെയാണ് ഈ രോഗവിവരം ട്വിറ്ററിലൂടെ അറിയിച്ചത്. രോഗത്തിന്‍റെ ചില ലക്ഷണങ്ങള്‍ കണ്ടുതുടങ്ങിയതിനാല്‍ വീട്ടില്‍ തന്നെ നിരീക്ഷണത്തില്‍ കഴിയാന്‍ തീരുമാനിച്ചിരിക്കുകയാണെന്നാണ് അദ്ദേഹം ട്വീറ്റ് ചെയ്തത്. “ഞാനിന്ന് കോവിഡ് പരിശോധനക്ക് വിധേയനായി. പോസിറ്റിവാണെന്ന് കണ്ടെത്തി. സാധാരണ നിലയില്‍ തന്നെയാണ്. ഹോം ഐസൊലേഷന്‍ തിരഞ്ഞെടുത്തു’, മന്ത്രി ട്വീറ്റ് ചെയ്തു കഴിഞ്ഞ ദിവസങ്ങളില്‍ താനുമായി അടുത്ത സമ്പര്‍ക്കത്തിലേര്‍പ്പെട്ടവര്‍ ദയവായി നിരീക്ഷണത്തില്‍ പോകണമെന്നും അദ്ദേഹം അഭ്യര്‍ഥിച്ചു.

ന്യൂഡല്‍ഹി: കൊറോണ വൈറസ്‌ വ്യാപനം തടയുന്നതിനായി പ്രഖ്യാപിച്ച ലോക്ക് ഡൌണിനെ തുടര്‍ന്ന് നിര്‍ത്തിവെച്ച കോടതിമുറികളിലെ വാദം കേള്‍ക്കല്‍ പുനരാരംഭിക്കാന്‍ സുപ്രീം കോടതി ഒരുങ്ങുന്നു, സെപ്റ്റംബര്‍ ആദ്യവാരം മുതല്‍ പുനരാരംഭിക്കും എന്നാണ് വിവരം,ആദ്യ ഘട്ടത്തില്‍ ആഴ്ചയില്‍ മൂന്ന് ദിവസം ആയിരിക്കും കോടതി മുറികളില്‍ വാദം കേള്‍ക്കുക. ജസ്റ്റിസ് എന്‍വി രമണയുടെ അധ്യക്ഷതയില്‍ ഉള്ള ഏഴ് ജഡ്ജിമാര്‍ അംഗങ്ങളായുള്ള സമിതിയാണ് പരീക്ഷണാടിസ്ഥാനത്തില്‍ കോടതിമുറികളിലെ വാദം പുനരാരംഭിക്കാനുള്ള ശുപാര്‍ശ ചീഫ് ജസ്റ്റിസിന് കൈമാറിയത്. ചൊവ്വ,ബുധന്‍,വ്യാഴം എന്നീ ദിവസങ്ങളില്‍ വാദം കേള്‍ക്കാം എന്ന…