National

കര്‍ണാടക ഉപമുഖ്യമന്ത്രി സി.എന്‍ അശ്വന്ത് നാരായണന് കൊവിഡ്. സെപ്റ്റംബര്‍ 21 തുടങ്ങുന്ന നിയമസഭാ സമ്മേളനത്തിന് മുന്‍പായി നടത്തിയ പരിശോധനയിലാണ് ഇദ്ദേഹത്തിന് കൊവിഡ് സ്ഥിരീകരിച്ചത്. നിയസഭാ സമ്മേളനത്തിന് എത്തുന്ന എല്ലാവരും കൊവിഡ് പരിശോധന നടത്തണമെന്ന് സര്‍ക്കാര്‍ നിര്‍ദേശിച്ചിരുന്നു. നെഗറ്റീവ് ആകുന്നവര്‍ക്ക് മാത്രമേ സമ്മേളനത്തില്‍ പങ്കെടുക്കാന്‍ സാധിക്കുള്ളൂവെന്നും സര്‍ക്കാര്‍ അറിയിച്ചിരുന്നു. കൊവിഡ് പരിശോധന നടത്തിയെന്നും റിസള്‍ട്ട് പോസിറ്റീവാണെന്നും നാരായണ്‍ പറഞ്ഞു. കാര്യമായ ലക്ഷണങ്ങളൊന്നുമില്ലെന്നും ഹോം ഐസൊലേഷനില്‍ തുടരുമെന്നും ഇദ്ദേഹം പറഞ്ഞു. താനുമായി സമ്പര്‍ക്കം പുലര്‍ത്തിയവരെല്ലാം ക്വാറന്റൈനില്‍ പോകണമെന്നും ഇദ്ദേഹം നിര്‍ദ്ദേശിച്ചു.

ലോക്ക് ഡൗൺ കാലത്ത് വിവിധ സ്ഥലങ്ങളിൽ കുടുങ്ങിയവർക്കായി ഏർപ്പെടുത്തിയ ശ്രമിക് ട്രെയിൻ യാത്രക്കിടയിൽ 97 പേർ മരിച്ചിട്ടുണ്ടെന്ന് കേന്ദ്രസർക്കാർ. സെപ്റ്റംബർ 9 വരെയുള്ള കാലയളവിൽ 97 പേർ മരിച്ചതായാണ് റെയിൽവേ മന്ത്രി പീയുഷ് ഗോയലിന്റെ മറുപടി. തൃണമൂൽ അംഗം ഡെറിക് ഒബ്രിയാന്റെ ചോദ്യത്തിന് രാജ്യസഭയിൽ മറുപടി പറയുകയായിരുന്നു മന്ത്രി 97 കേസുകളിൽ 87 മൃതദേഹങ്ങൾ പോസ്റ്റുമോർട്ടം ചെയ്തു. 51 പേരുടെ മരണത്തിന് കാരണമായത് ഹൃദയസ്തംഭനം, ഹൃദയസംബന്ധിയായ തകരാറുകൾ, ബ്രെയിൻ ഹെമറേജ്, നേരത്തെയുള്ള അസുഖങ്ങൾ, കരൾ രോഗം എന്നിവയാണെന്നും…

ചെ​ന്നൈ: പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യു​ടെ എഴുപതാം ജന്മദിനം ആഘോഷിക്കുന്നതിനിടെ ഹൈഡ്രജൻ ബ​ലൂ​ണു​ക​ള്‍ പൊ​ട്ടി​ത്തെ​റി​ച്ച് ബി​ജെ​പി പ്ര​വ​ര്‍​ത്ത​ക​ര്‍​ക്ക് പ​രി​ക്ക്. മുപ്പതോളം പാർട്ടി പ്രവർത്തകർക്കാണ് അപകടത്തിൽ പരിക്കേറ്റത്. ചെ​ന്നൈ​യി​ലെ പാ​ഡി ന​ഗ​റി​ലാ​ണ് സം​ഭ​വം. വാ​ത​കം നി​റ​ച്ച 2,000 ബ​ലൂ​ണു​ക​ളാ​ണ് ആ​ഘോ​ഷ സ്ഥ​ല​ത്ത് പ്ര​വ​ര്‍​ത്ത​ക​ര്‍ എ​ത്തി​ച്ച​ത്. ഈ ​ബ​ലൂ​ണു​ക​ള്‍ ആ​കാ​ശ​ത്തേ​ക്ക് പ​റ​ത്തി വി​ടാ​നാ​യി​രു​ന്നു പ്ര​വ​ര്‍​ത്ത​ക​ര്‍ പ​ദ്ധ​തി​യി​ട്ട​ത്. എ​ന്നാ​ല്‍ ബ​ലൂ​ണു​ക​ള്‍ പൊ​ട്ടി​ത്തെ​റി​ച്ച് സ്‌​ഫോ​ട​നാ​ത്മ​ക​മാ​യ രീ​തി​യി​ല്‍ തീ ​പ​ട​രു​ക​യാ​യി​രു​ന്നു. ച​ട​ങ്ങി​ലെ മു​ഖ്യാ​തി​ഥി എ​ത്തി​യ​പ്പോ​ള്‍ പൊ​ട്ടി​ച്ച പ​ട​ക്ക​ത്തി​ല്‍ നി​ന്നും തീ​പ​ട​ര്‍​ന്ന​താ​ണ് അ​പ​ക​ട​കാ​ര​ണ​മെ​ന്നാ​ണ് റി​പ്പോ​ര്‍​ട്ടു​ക​ള്‍ സൂ​ചി​പ്പി​ക്കു​ന്ന​ത്. പരിക്കേറ്റവരാരുടെയും നില…

രാജ്യത്ത് കൊവിഡ് ബാധിതരുടെ എണ്ണം 53 ലക്ഷം പിന്നിട്ടു. കഴിഞ്ഞ 24 മണിക്കൂറിനിടെ 93,337 പേർക്ക് കൂടി കൊവിഡ് സ്ഥിരീകരിച്ചു. ഇതോടെ രാജ്യത്തെ ആകെ രോഗികളുടെ എണ്ണം 53,08,014 ആയി ഉയർന്നു. 1247 പേരാണ് ഇന്നലെ മരിച്ചത്. ആകെ കൊവിഡ് മരണം 85,619 ആയി ഉയർന്നു. 10,13,964 പേരാണ് നിലവിൽ ചികിത്സയിൽ കഴിയുന്നത്. 42,08,432 പേർ രോഗമുക്തി നേടി. ഇന്നലെ വരെ രാജ്യത്ത് 6,24, 54, 254 പേരുടെ സ്രവ സാംപിളുകളാണ് പരിശോധിച്ചത്. കഴിഞ്ഞ 24 മണിക്കൂറിനിടെ…

വിമാനയാത്രക്കാർക്കു സമാനമായി ട്രെയിൻ യാത്രക്കാരില്‍ നിന്നും ഉപഭോക്തൃ ഫീസ് ഈടാക്കാൻ റയിൽവേയുടെ തീരുമാനം. ഇത് ടിക്കറ്റ് നിരക്കിൽ നേരിയ വർധനവുണ്ടാക്കുമെന്നാണ് റിപ്പോർട്ട്. തിരക്കുള്ള റയിൽവേ സ്റ്റേഷനുകളിൽ നിന്നുള്ള യാത്രക്കാരിൽ നിന്നാണ് ഉപഭോക്തൃ ഫീസ് ഈടാക്കാൻ തീരുമാനിച്ചിട്ടുള്ളത്. ഈ തുക റയിൽവേ സ്റ്റേഷനുകളുടെ പുനരുദ്ധാരണത്തിനും അടിസ്ഥാന സൗകര്യ വികസനത്തിനുമായാണ് ഉപയോഗിക്കുക. ഇതുസംബന്ധിച്ചുള്ള വിജ്ഞാപനം പുറത്തിറക്കുമെന്ന് റയിൽവേ ബോർഡ് ചെയർമാന്‍ വി കെ യാദവ് അറിയിച്ചു. സ്റ്റേഷനുകളുടെ പുനർവികസനം പൂർത്തിയാക്കുന്ന മുറയ്ക്ക് ഫീസ് ഇനത്തിൽ ലഭ്യമാകുന്ന തുക രാജ്യത്തൊട്ടാകെയുള്ള ട്രെയിൻ…

ന്യൂഡല്‍ഹി: സംസ്ഥാനങ്ങളുടെ ജിഎസ്ടി വിഹിതം നല്‍കുമെന്ന് കേന്ദ്ര ധനമന്ത്രി നിര്‍മല സീതാരാമന്‍. ഞങ്ങള്‍ ഒരിക്കലും സംസ്ഥാനങ്ങളുടെ അധികാരങ്ങള്‍ കവര്‍ന്നെടുക്കില്ല. സംസ്ഥാനങ്ങളുടെ വിഹിതം നല്‍കില്ലെന്ന് ഒരിക്കലും കേന്ദ്ര സര്‍ക്കാര്‍ പറഞ്ഞിട്ടില്ല. സംസ്ഥാനങ്ങളുടെ ജിഎസ്ടി വിഹിതം ഉറപ്പായും നല്‍കുമെന്നും നികുതി ബില്ല് അവതരിപ്പിച്ചു സംസാരിക്കുന്നതിനിടെ മന്ത്രി വ്യക്തമാക്കി. പ്രധാനമന്ത്രി നരേന്ദ്ര മോദി ഒരു മികച്ച മുഖ്യമന്ത്രി കൂടിയായിരുന്നു. സംസ്ഥാനങ്ങളുടെ പ്രശ്‌നങ്ങളെക്കുറിച്ച് അദ്ദേഹത്തിന് നന്നായി അറിയാം. സര്‍ക്കാരിന്റെ ലക്ഷ്യങ്ങളെ വളച്ചൊടിക്കാനാണ് പ്രതിപക്ഷം ശ്രമിക്കുന്നത്. ജിഎസ്ടി കൗണ്‍സിലിനെ ലംഘിച്ചും മറികടക്കാനും സര്‍ക്കാര്‍ ശ്രമിക്കുകയാണെന്ന…

കൊച്ചി: പ്രധാന റൂട്ടുകളിലെ ട്രെയിനുകള്‍ പുനരാരംഭിക്കണമെന്ന് ആവശ്യപ്പെട്ടു ദക്ഷിണ റെയില്‍വേ, റെയില്‍വേ ബോര്‍ഡിനു കത്തു നല്‍കി. തിരുവനന്തപുരം-ന്യൂഡല്‍ഹി കേരള എക്‌സ്പ്രസ്, തിരുവനന്തപുരം-ചെന്നൈ മെയില്‍, തിരുവനന്തപുരം-ചെന്നൈ സൂപ്പര്‍, ചെന്നൈ-മംഗളൂരു മെയില്‍, തിരുവനന്തപുരം-ഹൈദരാബാദ് ശബരി, കന്യാകുമാരി- ബെംഗളൂരു ഐലന്‍ഡ്, തിരുവനന്തപുരം-മംഗളൂരു മലബാര്‍, മവേലി എക്‌സ്പ്രസുകള്‍ തുടങ്ങിയവയാണു കേരളത്തില്‍ ഓടിക്കാനായി ചോദിച്ചിരിക്കുന്ന പ്രധാന ട്രെയിനുകള്‍. വഞ്ചിനാട്, ഇന്റര്‍സിറ്റി ട്രെയിനുകള്‍ക്കായി ഡിവിഷനും ശുപാര്‍ശ ചെയ്തിട്ടുണ്ട്. കേരളത്തിനും തമിഴ്‌നാടിനുമായി 30 ട്രെയിനുകളാണു ദക്ഷിണ റെയില്‍വേ ചോദിച്ചിരിക്കുന്നത്. ആഭ്യന്തര മന്ത്രാലയത്തിന്റെയും റെയില്‍വേ ബോര്‍ഡിന്റേയും അനുമതി ലഭിക്കുന്ന…

ന്യൂഡല്‍ഹി: സ്ത്രീകളുടെ വിവാഹപ്രായം പതിനെട്ടില്‍ നിന്ന് ഇരുപത്തിയൊന്ന് ആക്കുന്നത് കേന്ദ്രം പരിഗണിക്കുന്നുണ്ടെന്ന് കേന്ദ്ര വനിതാ ശിശുക്ഷേമ മന്ത്രി സ്മൃതി ഇറാനി. ടി എന്‍ പ്രതാപന്‍ നല്‍കിയ ചോദ്യങ്ങള്‍ക്ക് രേഖാമൂലം നല്‍കിയ മറുപടിയിലാണ് മന്ത്രിയുടെ പ്രതികരണം. സ്ത്രീകളുടെ വിവാഹപ്രായം, മാതൃത്വം, അവരുടെ ആരോഗ്യം, ഗര്‍ഭകാലത്തെ ശിശുവിന്റെ ആരോഗ്യം, പോഷകശേഷി, മാതൃമരണം, ശിശുമരണം തുടങ്ങി ഒന്‍പത് ഘടങ്ങളെ കുറിച്ച് പഠിക്കാന്‍ പ്രത്യേക സമിതിയെ നിയോഗിച്ചിരുന്നു. അതേസമയം രാജ്യത്ത് ഇപ്പോഴും നിലനില്‍ക്കുന്ന ശൈശവ വിവാഹം തടയാനും ഇല്ലാതാക്കാനും കേന്ദ്രസര്‍ക്കാര്‍ വിവിധ പദ്ധതികള്‍…

ന്യൂഡല്‍ഹി: കര്‍ഷകബില്ലുമായി ബന്ധപ്പെട്ട് നുണപ്രചരണങ്ങളിൽ വീഴരുതെന്ന്​ പ്രധാനമന്ത്രി നരേന്ദ്രമോദി. കർഷക ബില്‍ ചരിത്ര സംഭവമാണെന്നും ഇത്​ കര്‍ഷകര്‍ക്ക്​ ഗുണകരമാവുമെന്നും അദ്ദേഹം ടെലിവിഷന്‍ പ്രസംഗത്തിലൂടെ പ്രതികരിച്ചു.   കര്‍ഷകബില്ലിലുള്ള കാര്യങ്ങള്‍ നടപ്പാക്കുമെന്ന്​ പ്രതിപക്ഷം തെരഞ്ഞെടുപ്പിന്​ മുമ്പ് ​ വാഗ്​ദാനം നല്‍കിയിരുന്നു. എന്നാൽ ഇപ്പോള്‍ അവര്‍ അതിനെ എതിര്‍ക്കുകയാണ് ചെയ്തത്​. ഞങ്ങള്‍ ബില്‍ കൊണ്ടു വരുന്നതിനാലാണ്​ പ്രതിപക്ഷം എതിര്‍ക്കുന്നത്​. എ.പി.എം.സി ചട്ടങ്ങളില്‍ മാറ്റം വരുത്തുമെന്ന്​ പ്രതിപക്ഷം വാഗ്​ദാനം നല്‍കിയിരുന്നു. എന്നാല്‍, സര്‍ക്കാര്‍ അതിനുള്ള നടപടികളുമായി മുന്നോട്ട്​ പോകുമ്പോള്‍ പ്രതിപക്ഷം ശക്തമായി…