Kerala

ഇ ഡി രജിസ്റ്റർ ചെയ്ത കേസിൽ എം ശിവശങ്കറിന്റെ ജാമ്യാപേക്ഷ കോടതി തള്ളി. ശിവശങ്കറിന് ജാമ്യം നൽകിയാൽ കേസ് അട്ടിമറിക്കപ്പെട്ടേക്കാം. ഒളിവിൽ പോയാൽ പിടികൂടുക സാധ്യമായിരിക്കില്ല തുടങ്ങിയ ഇ ഡി വാദം അംഗീകരിച്ചാണ് ജാമ്യാപേക്ഷ തള്ളിയത്. കഴിഞ്ഞ വ്യാഴാഴ്ച ഒരു ദിവസം നീണ്ട വാദത്തിനൊടുവിലാണ് ജാമ്യഹർജിയിൽ വിധി പറയാൻ മാറ്റിയത്. കഴിഞ്ഞ 29നാണ് ശിവശങ്കറിനെ ഇ ഡി അറസ്റ്റ് ചെയ്തത്. നിലവിൽ കാക്കനാട് ജയിലിലാണ് ശിവശങ്കറുള്ളത്. ശിവശങ്കറിന് ജാമ്യമില്ലെന്ന ഒറ്റവരി ഉത്തരവാണ് കോടതി പുറപ്പെടുവിച്ചത്. ഇന്നലെ ശിവശങ്കർ…

സംസ്ഥാനത്ത് സിബിഐ കേസ് സ്വയമേറ്റെടുത്ത് അന്വേഷിക്കുന്നതിന് നിയന്ത്രണമേർപ്പെടുത്തി സർക്കാർ വിജ്ഞാപനം പുറത്തിറക്കി. സർക്കാരിന്റെ മുൻകൂർ അനുമതിയില്ലാതെ കേരളത്തിൽ അന്വേഷണം നടത്താൻ നൽകിയിരുന്ന അനുമതി പിൻവലിച്ചാണ് വിജ്ഞാപനം. കോടതി ഉത്തരവ് പ്രകാരമോ, സർക്കർ അനുമതിയോടു കൂടിയോ മാത്രമേ ഇനി സിബിഐക്ക് കേരളത്തിൽ അന്വേഷണം ഏറ്റെടുക്കാനാകൂ. ആഭ്യന്തര സെക്രട്ടറി സഞ്ജയ് കൗളാണ് ഇതുസംബന്ധിച്ച വിജ്ഞാപനമിറക്കിയത്. ലൈഫ് മിഷൻ അഴിമതി കേസ് സിബിഐ നേരിട്ട് ഏറ്റെടുത്തതിന് പിന്നാലെയാണ് സർക്കാർ തീരുമാനം.

ജ്വല്ലറി നിക്ഷേപ തട്ടിപ്പ് കേസിൽ റിമാൻഡിൽ കഴിയുന്ന എംസി കമറുദ്ദീൻ എംഎൽഎയെ ദേഹാസ്വാസ്ഥ്യത്തെ തുടർന്ന് ആശുപത്രിയിൽ എത്തിച്ച് പരിശോധിച്ചു. ഗുരുതര ആരോഗ്യ പ്രശ്‌നങ്ങളൊന്നും ഇല്ലെന്ന് കണ്ടതിനാൽ എംഎൽഎയെ ജയിലിലേക്ക് തന്നെ മാറ്റി കമറുദ്ദീനെ അന്വേഷസംഘം വീണ്ടും കസ്റ്റഡിയിൽ ആവശ്യപ്പെട്ടിട്ടുണ്ട്. ജ്വല്ലറി തട്ടിപ്പുമായി ബന്ധപ്പെട്ട 36 കേസുകളിൽ കൂടി എംസി കമറുദ്ദീനെ ഇന്നലെ റിമാൻഡ് ചെയ്തിരുന്നു. ഹോസ്ദുർഗ് ഒന്നാംക്ലാസ് മജിസ്‌ട്രേറ്റ് കോടതിയാണ് റിമാൻഡ് ചെയ്തത്.

എറണാകുളം ചെറായി ബീച്ചിന് സമീപം കാർ കായലിലേക്ക് മറിഞ്ഞ് യുവതി മരിച്ചു. കരുമാലൂർ സ്വദേശി സബീന(35)യാണ് മരിച്ചത്. ഭർത്താവ് സലാമിനെ പരുക്കുകളോടെ ആശുപത്രിയിൽ പ്രവേശിപ്പിച്ചു. ഇന്നലെ രാത്രിയാണ് സംഭവം രക്തേശ്വരി ബീച്ച് റോഡിന് കുറുകെ തെരുവ് നായ ചാടിയതോടെ നിയന്ത്രണം വിട്ട കാർ കായലിൽ പതിക്കുകയായിരുന്നു. കാറിന്റെ ഡോർ തുറന്ന് സലാമും സബീനയും പുറത്തേക്ക് തുഴഞ്ഞെങ്കിലും ഏറെ നേരം പിടിച്ചു നിൽക്കാനായില്ല. തുടർന്ന് സബീന മുങ്ങിമരിച്ചു. സംഭവം കണ്ട മത്സ്യത്തൊഴിലാളികളാണ് സലാമിനെ രക്ഷിച്ചത്.

ഇ ഡി കേസിൽ ശിവശങ്കറിന്റെ ജാമ്യാപേക്ഷയിൽ വിധി പറയുന്നതിന് മുമ്പായി കോടതിയിൽ വീണ്ടും നിയമപോരാട്ടം. ശിവശങ്കർ ഇന്നലെ രേഖാമൂലം സമർപ്പിച്ച വാദത്തിനെതിരെ ഇ ഡി രംഗത്തുവന്നു. വാദം നടന്ന് മൂന്ന് ദിവസത്തിന് ശേഷം രേഖാമൂലം വാദം ഉന്നയിച്ചതിൽ ഗൂഢലക്ഷ്യമുണ്ടെന്ന് ഇഡി ആരോപിച്ചു കോടതിയെ തെറ്റിദ്ധരിപ്പിക്കാനും സ്വാധീനിക്കാനുമാണ് ശ്രമം. തുറന്ന കോടതിയിൽ ഉന്നയിക്കാത്ത വാദങ്ങളാണ് രേഖാമൂലം നൽകിയത്. ഇത് കോടതി നടപടികൾക്ക് എതിരാണ്. ഇതിലൂടെ ജനവികാരം ഉയർത്താനും ശിവശങ്കർ ശ്രമിക്കുന്നു. രാഷ്ട്രീയ നേതാക്കളുടെ പേര് പറയാൻ സമ്മർദം ചെലുത്തിയിട്ടില്ല….

തിരുവനന്തപുരം നെയ്യാറ്റിൻകരയിൽ കാറും കെഎസ്ആർടിസി ബസും കൂട്ടിയിടിച്ചുണ്ടായ അപകടത്തിൽ ആറ് പേർക്ക് പരുക്ക്. കരമന കളിയിക്കാവിള ദേശീയപാതയിലാണ് അപകടം നടന്നത്. കാറിലുണ്ടായിരുന്ന രണ്ട് കുട്ടികളും രണ്ട് സ്ത്രീകളും അടക്കം ആറ് പേർക്ക് പരുക്ക് കൊല്ലത്ത് നിന്ന് വെള്ളടയിലെ ബന്ധുവീട്ടിലേക്ക് പോയി മടങ്ങുകയായിരുന്ന കെ അനിൽകുമാർ, കൃഷ്ണലത, ജി അനിൽകുമാർ, സൗമ്യ, കുട്ടികളായ സോന, സുനി എന്നിവർക്കാണ് പരുക്കേറ്റത്. കാർ വെട്ടിപ്പൊളിച്ചാണ് ഇവരെ പുറത്തെടുത്തത്. പരുക്ക് സാരമുള്ളതല്ല. ഇവരെ ആശുപത്രിയിൽ പ്രവേശിപ്പിച്ചു

കൊടുവള്ളി നഗരസഭാ തെരഞ്ഞെടുപ്പിൽ കാരാട്ട് ഫൈസൽ ഇടത് സ്ഥാനാർഥിയായി മത്സരിക്കില്ല. ഫൈസലിനെ മത്സരിപ്പിക്കേണ്ടതില്ലെന്ന് സിപിഎം തീരുമാനിച്ചു. കോഴിക്കോട് ജില്ലാ നേതൃത്വമാണ് ഫൈസലിനോട് സ്ഥാനാർഥിത്വത്തിൽ നിന്ന് പിൻമാറാൻ നിർദേശിച്ചത് സംസ്ഥാന നേതൃത്വത്തിന്റെ നിർദേശപ്രകാരമാണ് കോഴിക്കോട് ജില്ലാ നേതൃത്വം ഫൈസലുമായി ബന്ധപ്പെട്ടത്. എന്നാൽ താൻ സ്വയം പിൻമാറിയതാണെന്നാണ് ഫൈസൽ പറയുന്നത്. കൊടുവള്ളി 15ാം ഡിവിഷനിൽ സ്വതന്ത്ര സ്ഥാനാർഥിയായിട്ടായിരുന്നു ഫൈസൽ മത്സരിക്കാൻ തീരുമാനിച്ചിരുന്നത് സ്വർണക്കടത്ത് കേസിൽ പേര് പരാമർശിക്കപ്പെട്ട ഫൈസലിനെ മത്സരിപ്പിക്കുന്നതിൽ വിവാദമുയർന്നിരുന്നു. ഇതോടെയാണ് സിപിഎം ഫൈസലിനെ തള്ളിയത്. കാരാട്ട് ഫൈസലിന്…

സിപിഎം നേതാവ് എംബി രാജേഷിന് കൊവിഡ് സ്ഥിരീകരിച്ചു. രാജേഷ് ഫേസ്ബുക്ക് പോസ്റ്റിലൂടെയാണ് രോഗവിവരം അറിയിച്ചത്. പനിയെ തുടർന്ന് നടത്തിയ ആന്റിജൻ ടെസ്റ്റിൽ ഫലം പോസിറ്റീവ് ആകുകയായിരുന്നു. അടുത്തിടെ താനുമായി സമ്പർക്കത്തിൽ വന്നവർ നിരീക്ഷണത്തിൽ പോകാൻ രാജേഷ് ആവശ്യപ്പെട്ടു ഫേസ്ബുക്ക് പോസ്റ്റിന്റെ പൂർണരൂപം ഞാൻ കോവിഡ് പോസിറ്റീവായി .പനിയെ തുടർന്ന് ഇന്ന് വൈകുന്നേരം നടത്തിയ ആൻറി ജൻ പരിശോധനയിലാണ് രോഗം സ്ഥിരീകരിച്ചത്. ഇപ്പോൾ വീട്ടിൽ തന്നെ വിശ്രമത്തിലാണ്.കഴിഞ്ഞ ദിവസങ്ങളിൽ ചില പരിപാടികളിൽ അടുത്തിടപഴകിയ നിരവധി പേരുണ്ട്.അവരോടെല്ലാം മുൻകരുതൽ എടുക്കാൻ…

പെരിയ ഇരട്ടക്കൊലപാതക കേസ് സിബിഐക്ക് വിട്ട ഹൈക്കോടതി വിധി ചോദ്യം ചെയ്ത് സംസ്ഥാന സർക്കാർ നൽകിയ ഹർജി സുപ്രീം കോടതി ഇന്ന് പരിഗണിക്കും. അതേസമയം അന്വേഷണം സംബന്ധിച്ച് സീൽവെച്ച കവറിൽ സിബിഐ റിപ്പോർട്ട് സമർപ്പിച്ചിട്ടുണ്ട് അന്വേഷണവുമായി സർക്കാർ സഹകരിക്കുന്നില്ലെന്നും കേസ് ഡയറി അടക്കമുള്ള രേഖകൾ കൈമാറിയിട്ടില്ലെന്നും സിബിഐ ആരോപിക്കുന്നു. സിബിഐ അന്വേഷണം ആരംഭിച്ചെങ്കിൽ ഇടപെടില്ലെന്ന് കോടതി കഴിഞ്ഞ തവണ വ്യക്തമാക്കിയിരുന്നു

സംസ്ഥാനത്ത് ഇന്നും ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. ആറ് ജില്ലയിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഇന്നലെ സംസ്ഥാനത്ത് എട്ട് ജില്ലകളിൽ യെല്ലോ അലർട്ട് പ്രഖ്യാപിച്ചിരുന്നു കോട്ടയം, ഇടുക്കി, എറണാകുളം, മലപ്പുറം, വയനാട്, കോഴിക്കോട് ജില്ലകളിലാണ് യെല്ലോ അലർട്ട്. ഇടിയോടു കൂടിയ ഒറ്റപ്പെട്ട മഴയ്ക്കാണ് സാധ്യത. അടുത്ത ദിവസങ്ങളിലും ശക്തമായ മഴയുണ്ടാകുമെന്നാണ് പ്രവചനം.