Kerala

ഭക്തിയുടെ നിറവിൽ പൊന്നമ്പലമേട്ടിൽ മകര വിളക്ക് തെളിഞ്ഞു. ശബരിമലയിൽ. തിരുവാഭരണങ്ങൾ ഭഗവാന് ചാർത്തി ദീപാരാധന അവസാനിക്കുന്ന സമയത്താണ് 6.42ന് ജ്യോതി തെളിഞ്ഞത്. സന്നിധാനത്ത് എത്തിയ തിരുവാഭരണം തന്ത്രി കണ്ഠരര് രാജീവരും മേൽശാന്തി വി കെ ജയരാജ് പോറ്റിയും ചേർന്ന് അയ്യപ്പ വിഗ്രഹത്തിൽ ചാർത്തി. ദീപാരാധനക്ക് പിന്നാലെ സെക്കൻഡുകൾക്ക് വ്യത്യാസത്തിൽ മൂന്ന് തവണ ജ്യോതി തെളിഞ്ഞു. കൊവിഡ് സാഹചര്യത്തിൽ കർശന സുരക്ഷാ മാനദണ്ഡങ്ങൾ പാലിച്ചായിരുന്നു മകര വിളക്ക് ദർശനം. അയ്യായിരം പേർക്ക് മാത്രമാണ് സന്നിധാനത്ത് പ്രവേശനമുണ്ടായിരുന്നത്. സന്നിധാനത്ത് നിന്ന്…

കാർഷിക നിയമങ്ങളുമായി ബന്ധപ്പെട്ട പ്രശ്‌നങ്ങൾ പഠിക്കുന്നതിനായി സുപ്രീം കോടതി നിയോഗിച്ച നാലംഗ സമിതിയിൽ നിന്ന് ഭൂപീന്ദർ സിംഗ് മൻ പിൻമാറി. കർഷകരുടെയും ജനങ്ങളുടെയും വികാരം മാനിച്ചാണ് പിൻമാറ്റമെന്ന് അദ്ദേഹം അറിയിച്ചു. കർഷകരുടെയോ പഞ്ചാബിന്റെയോ താത്പര്യങ്ങൾക്ക് വിരുദ്ധമായി പ്രവർത്തിക്കാൻ ആഗ്രഹിക്കുന്നില്ലെന്നും ഭൂപീന്ദർ സിംഗ് അറിയിച്ചു. കർഷകനെന്ന നിലയിലും യൂനിയൻ നേതാവെന്ന നിലയിലും കർഷക സംഘടനകളിലും പൊതുജനങ്ങളിലും പൊതുവെ നിലനിൽക്കുന്ന വികാരങ്ങളും ആശങ്കകളും കണക്കിലെടുത്ത് പഞ്ചാബിന്റെയും കർഷകരുടെയും താത്പര്യങ്ങളിൽ വിട്ടുവീഴ്ച ചെയ്യാതിരിക്കാൻ വാഗ്ദാനം ചെയ്ത സ്ഥാനത്ത് നിന്ന് പിൻമാറുകയാണ്. എല്ലായ്‌പ്പോഴും…

കണ്ണൂർ പാപ്പിനിശ്ശേരി തുരുത്തിയിൽ സ്ഥലം ഏറ്റെടുക്കാൻ ദേശീയപാത അധികൃതർ എത്തിയതിനെ തുടർന്ന് സംഘർഷം. പ്രദേശവാസിയായ യുവാവ് ദേഹത്ത് പെട്രൊളൊഴിച്ച് ആത്മഹത്യാഭീഷണി മുഴക്കി. പ്രദേശവാസിയായ രാഹുൽ കൃഷ്ണയാണ് ആത്മഹത്യാ ഭീഷണി മുഴക്കിയത് പ്രദേശത്ത് പോലീസും സമരസമിതി ആളുകളും തമ്മിൽ ഉന്തും തള്ളുമുണ്ടായി. തുടർന്ന് സമരസമിതി നേതാവിനെ പോലീസ് കസ്റ്റഡിയിലെടുത്തു. സമ്മതം നൽകിയവരുടെ ഭൂമിയാണ് രാവിലെ അളന്നത്. ഉച്ചയോടെയാണ് മറ്റ് ഭാഗങ്ങൾ അളക്കുന്നതിലേക്ക് കടന്നത്. ഇതിനിടെയാണ് രാഹുൽ കൃഷ്ണയുടെ ആത്മഹത്യാഭീഷണി. പ്രദേശത്ത് ആളുകളെ കൂട്ടിയതിനും പ്രതിഷേധത്തിന് നേതൃത്വം നൽകിയതിനും സമരസമിതി…

കുപ്രസിദ്ധ മോഷ്ടാവ് വടിവാൾ വിനീത് പിടിയിൽ. കൊല്ലം ചടയമംഗലത്ത് വെച്ച് കാറിൽ യാത്ര ചെയ്യുമ്പോഴാണ് ഇയാളെ പിടികൂടിയത്. ഈ കാറും മോഷ്ടിച്ചതാണ്. കഴിഞ്ഞ നവംബറിൽ എറണാകുളത്തെ കൊവിഡ് കെയർ സെന്ററിൽ നിന്നാണ് വടിവാൾ വിനീത് രക്ഷപ്പെട്ടത്. മലപ്പുറം മുതൽ തിരുവനന്തപുരം വരെ അമ്പതോളം മോഷണക്കേസുകളിൽ പ്രതിയാണ് ഇയാൾ. അമ്പലപ്പുഴ സ്വദേശിയാണ്. കൊവിഡ് സെന്ററിൽ നിന്ന് രക്ഷപ്പെട്ടതിന് പിന്നാലെ സംസ്ഥാനത്തെ എല്ലാ പോലീസ് സ്‌റ്റേഷനിലേക്കും അലർട്ട് നൽകിയിരുന്നു.

യുഡിഎഫ് ഇലക്ഷൻ മാനിഫെസ്റ്റോ തയ്യാറാക്കുന്നതിൻ്റെ ഭാഗമായി തലസ്ഥാനത്ത് വിവിധ മേഖലകളിൽ പ്രവർത്തിക്കുന്നവരുടെ അഭിപ്രായങ്ങളും, നിർദ്ദേശങ്ങളും സമാഹരിക്കുന്നതിനായി കൻറ്റോൺമെൻ്റ് ഹൗസിൽ ക്ഷണിക്കപ്പെട്ടവരുടെ യോഗം നടന്നു. കലാ സാംസ്കാരിക സാമൂഹ്യ മേഖലകളിൽ പ്രവർത്തിക്കുന്നവരുടെ സംഗമം ആയി യോഗം മാറി. വളരെ വിലപ്പെട്ട നിർദ്ദേശങ്ങളും യോഗത്തിൽ ഉയർന്നുവന്നു. പെരുമാതുറ സ്നേഹതീരം പോലെ രജിസ്റ്റർ ചെയ്ത് മാതൃകാപരമായി പ്രവർത്തിക്കുന്ന കുടുംബ കൂട്ടായ്മകൾക്ക്, പ്രവർത്തനത്തിനാവശ്യമായ സാമ്പത്തിക സഹായം നൽകുമെന്ന വാഗ്ദാനം മാനിഫെസ്റ്റോയിൽ ഉൾക്കൊള്ളിക്കണമെന്നായിരുന്നു എസ്സ്. സക്കീർ ഹുസൈൻ മുന്നോട്ട് വെച്ച ഒരു നിർദ്ദേശം. അതുപോലെ…

കണ്ണൂര്‍ പാനൂരില്‍ വിദ്യാര്‍ഥിയുടെ അമ്മയെ പീഡിപ്പിക്കാന്‍ ശ്രമിച്ച കേസില്‍ അധ്യാപകന്‍ അറസ്റ്റില്‍. പാനൂര്‍ ഈസ്റ്റ് വള്ള്യായി യുപി സ്‌കൂള്‍ പ്രധാനാധ്യാപകനായ വി പി വിനോദിനെയാണ് പോലീസ് അറസ്റ്റ് ചെയ്തത് ടെക്‌സ്റ്റ് ബുക്ക് വാങ്ങാനായി കുട്ടിയുടെ അമ്മയെ സ്‌കൂളില്‍ വിളിച്ചു വരുത്തുകയും പീഡിപ്പിക്കാന്‍ ശ്രമിക്കുകയുമായിരുന്നു. ഇവര്‍ നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്. പ്രതിയെ പതിനാല് ദിവസത്തേക്ക് ജുഡീഷ്യല്‍ കസ്റ്റഡിയില്‍ വിട്ടു.

ജനുവരി 16 മുതല്‍ സംസ്ഥാനത്ത് കോവിഡ് വാക്സിനേഷന്‍ ആരംഭിക്കുകയാണ്. എറണാകുളം ജില്ലയില്‍ 12 കേന്ദ്രങ്ങള്‍ ഇതിനായി സജ്ജമാക്കിയിരിക്കുന്നു. ഈ സാഹചര്യത്തില്‍ നിരവധി ആശങ്കകളും സംശയങ്ങളും പൊതുജനങ്ങള്‍ക്കുണ്ടാകാം. ഇത്തരം ആശങ്കകള്‍ക്ക് അകറ്റാന്‍ സംശയങ്ങള്‍ ദുരീകരിക്കുകയാണ് ആരോഗ്യ വകുപ്പ്. കോവിഡ് രോഗമുക്തനായ വ്യക്തി വാക്സിന്‍ സ്വീകരിക്കുന്നതു സംബന്ധിച്ച്, അത്തരം വ്യക്തികള്‍ വാക്സിന്‍ സ്വീകരിക്കണമെന്ന് ആരോഗ്യ വകുപ്പ് പറയുന്നു. ശരീരത്തിന്റെ രോഗ പ്രതിരോധ സംവിധാനത്തെ ശക്തിപ്പെടുത്താന്‍ വാക്സിന്‍ സഹായിക്കും. കോവിഡ് സ്ഥിരീകരിക്കപ്പെടുകയോ സംശയിക്കുകയോ ചെയ്യുന്ന വ്യക്തി വാക്സിനേഷന്‍ കേന്ദ്രത്തിലെത്തിയാല്‍ രോഗം മറ്റുള്ളവരിലേക്ക്…

കരിപ്പൂർ വിമാനത്താവളത്തിൽ സിബിഐ നടത്തിയ മിന്നൽ റെയ്ഡിൽ വ്യാപക ക്രമക്കേടുകൾ കണ്ടെത്തുകയും സ്വർണവും പണവും പിടിച്ചെടുക്കുകയും ചെയ്തതിന് പിന്നാലെ നാല് കസ്റ്റംസ് ഉദ്യോഗസ്ഥരെ സസ്‌പെൻഡ് ചെയ്തു. സൂപ്രണ്ട് ഗണപതി പോറ്റി, ഇൻസ്‌പെക്ടർമാരായ നരേഷ്, യോഗേഷ്, ഹെഡ് ഹവിൽദാർ ഫ്രാൻസിസ് എന്നിവരെയാണ് സസ്‌പെൻഡ് ചെയ്തത് കസ്റ്റംസ് ഡ്യൂട്ടി ഓഫീസിൽ നിന്ന് 650 ഗ്രാം സ്വർണവും മൂന്നര ലക്ഷം രൂപ കസ്റ്റംസ് ഉദ്യോഗസ്ഥരിൽ നിന്നും പിടിച്ചെടുത്തിരുന്നു. പരിശോധന കഴിഞ്ഞ പുറത്തിറങ്ങിയ യാത്രക്കാരിൽ നിന്ന് 750 ഗ്രാം സ്വർണവും പിടികൂടി. വിദേശ…