Gulf

മക്ക: വിദേശ ഉംറ തീർഥാടകർക്ക് താമസ സൗകര്യം നൽകാൻ ആഗ്രഹിക്കുന്ന മക്കയിലെയും മദീനയിലെയും ഹോട്ടലുകളും പാർപ്പിട യൂനിറ്റുകളും എത്രയും വേഗം ഉംറ ഓട്ടോമാറ്റഡ് സിസ്റ്റം വഴി വിവരങ്ങൾ പുതുക്കണമെന്ന് ഹജ്, ഉംറ മന്ത്രാലയം ആവശ്യപ്പെട്ടു. പടിപടിയായി ഉംറ തീർഥാടനം പുനരാരംഭിക്കാനുള്ള തിരുഗേഹങ്ങളുടെ സേവകൻ സൽമാൻ രാജാവിന്റെ ഉത്തരവിന്റെ അടിസ്ഥാനത്തിലാണ് ഹോട്ടലുകളുടെയും പാർപ്പിട യൂനിറ്റുകളുടെയും വിവരങ്ങൾ പുതുക്കാൻ ആവശ്യപ്പെടുന്നതെന്ന് ഉംറ കാര്യങ്ങൾക്കുള്ള ഹജ്, ഉംറ മന്ത്രാലയ അസിസ്റ്റന്റ് അണ്ടർ സെക്രട്ടറിയും സെൻട്രൽ ബുക്കിംഗ് എൻജിൻ സൂപ്പർവൈസർ ജനറലുമായ അബ്ദുറഹ്മാൻ…

ദമാം: ലോകത്തെ ഏറ്റവും വലിയ മരുപ്പച്ചയെന്ന പദവിയുമായി അൽഹസ ഗിന്നസ് ബുക്കിൽ. കൂറ്റൻ ഭൂഗർഭജല സ്രോതസ്സിനെ അവലംബിക്കുന്ന 280 കുഴൽ കിണറുകളിൽ നിന്നുള്ള വെള്ളം ഉപയോഗിച്ച് 25 ലക്ഷം ഈത്തപ്പനകൾ അൽഹസ ശാദ്വല ഭൂമിയിൽ വളരുന്നു. അൽഹസ മരുപ്പച്ചയുടെ വിസ്തീർണം 85.4 ചതുരശ്ര കിലോമീറ്ററാണ്. അൽഹസ മരുപ്പച്ചയെ കുറിച്ച് ഗിന്നസ് ബുക്കിന് പരിചയപ്പെടുത്തിയത് ഹെറിറ്റേജ് കമ്മീഷനാണ്. യുനെസ്‌കോയുടെ ലോക പൈതൃക പട്ടികയിൽ നേരത്തെ അൽഹസയെ ഉൾപ്പെടുത്തിയിട്ടുണ്ട്. അൽഉലയിലെ മദായിൻ സ്വാലിഹും ദിർഇയ്യയിലെ അൽതുറൈഫ് ഡിസ്ട്രിക്ടും ഹിസ്റ്റൊറിക് ജിദ്ദയും…

കുവൈത്ത്​ സിറ്റി: മഹബൂലയിൽ കടലിൽ കുളിക്കാനിറങ്ങിയ മലയാളി വിദ്യാർഥി മരിച്ചു. കണ്ണൂർ സ്വദേശിയും മംഗഫ്​ ഇന്ത്യ ഇൻറർനാഷനൽ സ്കൂൾ ഒമ്പതാം ക്ലാസ്​ വിദ്യാർത്ഥിയുമായ മുഹമ്മദ്​ ഇർഫാൻ (14) ആണ്​ മരിച്ചത്​. വെള്ളിയാഴ്​ച വൈകീട്ട്​ മഹബൂല ബീച്ചിൽ കൂട്ടുകാരോടൊപ്പം കുളിക്കാൻ ഇറങ്ങിയതായിരുന്നു. കണ്ണൂർ സ്വദേശി ആയിശ നിവാസിൽ ഇംതിയാസ് നസീമ ദമ്പതികളുടെ മകനാണ്. സഹോദരങ്ങൾ: ഇംറാൻ അലി, ഇഹ്​സാൻ, ഇസ്​ന, അർഷ്​​.  

ദമ്മാം: ഉംറ തീര്‍ത്ഥാടകര്‍ക്കിടയില്‍ ഇതുവരേയും കൊവിഡ് 19 റിപോര്‍ട്ട് ചെയ്തിട്ടില്ലെന്ന് മസ്ജിദുല്‍ ഹറാം – മസ്ജിദുന്നബവി കാര്യാലയം അറിയിച്ചു. തീര്‍ത്ഥാടകരെ കൃത്യമായി നിരീക്ഷിക്കുന്നതിന് നടപടി സ്വീകരിച്ചിട്ടുണ്ട്.   മസ്ജിദുല്‍ ഹറാമിന്റെ ഉപരിതലവും മറ്റും ദിവസേന പത്ത് തവണ അണുവിമുക്തമാക്കുന്നുണ്ട്. തീര്‍ത്ഥാടകരുടെ കൈകള്‍ ഇടയ്ക്കിടെ അണുനാശിനി ഉപയോഗിച്ച് വൃത്തിയാക്കാന്‍ കര്‍ശന നിര്‍ദേശം നല്‍കിയിട്ടുണ്ട്. മുന്‍ കൂട്ടി നിശ്ചയിച്ച പ്രകാരം തന്നെ ഉംറ തീര്‍ത്ഥാടനം മുന്നോട്ട് പോവുന്നതായി അധികൃതര്‍ വ്യക്തമാക്കി.

കുവൈറ്റ്: കുവൈറ്റില്‍ ഹെല്‍ത്ത് സെന്ററില്‍ ജീവനക്കാരനും മെഡിക്കല്‍ പരിശോധനയ്‌ക്കെത്തിയ പ്രവാസിയും തമ്മില്‍ സംഘര്‍ഷം. ഹവല്ലി ഗവര്‍ണറേറ്റിലാണ് ആശുപത്രി ചോരക്കളമായ സംഭവം നടന്നത്.   ആശുപത്രി ജീവനക്കാരനായ സ്വദേശിയും പരിശോധനയ്‌ക്കെത്തിയ പ്രവാസിയും തമ്മിലുണ്ടായ തര്‍ക്കമാണ് പ്രശ്‌നങ്ങളില്‍ കലാശിച്ചത്. അടിപിടിയില്‍ ഇരുവര്‍ക്കും പരിക്കേറ്റിട്ടുണ്ട്. ഇതിന് പുറമെ ഹെല്‍ത്ത് സെന്ററിലെ ഫ്രണ്ട് ഡസ്‌ക്കിലെ ജനല്‍ ചില്ലുകള്‍ തകരുകയും ചെയ്തു. ആശുപത്രി ജീവനക്കാരാണ് സുരക്ഷാ വകുപ്പുകളെ വിവരമറിയിച്ചത്. സുരക്ഷാ ഉദ്യോഗസ്ഥര്‍ സ്ഥലത്തെത്തി ജീവനക്കാരനെ ഡിസ്ട്രിക്ട് പൊലീസ് സ്റ്റേഷനിലേക്ക് കൊണ്ടുപോയി. പ്രവാസിയെ മുബാറക് ആശുപത്രിയില്‍…

മക്ക: ആറു മാസത്തെ ഇടവേളക്കുശേഷം വീണ്ടും വിശുദ്ധ ഹറമിലെത്തി ഉംറ നിര്‍വഹിക്കാന്‍ സാധിച്ചതില്‍ ആഹ്ലാദം പ്രകടിപ്പിച്ച് ഫോട്ടോകളും വീഡിയോകളും ഷെയര്‍ ചെയ്യുന്നവരില്‍ മലയാളികളും.   ഹജ് വേളയിലൊഴികെ ആറുമാസത്തിലേറെയായി നിര്‍ത്തിവെച്ച ഉംറ ഞായറാഴ്ച രാവിലെയാണ് പുനരാരംഭിച്ചത്. സൗദി അറേബ്യക്കകത്ത് താമസിക്കുന്ന സ്വദേശികള്‍ക്കും വിദേശികള്‍ക്കുമാണ് ആദ്യഘട്ടത്തില്‍ അവസരം നല്‍കിയത്.   വീണ്ടും ഹറമിലെത്താനും കഅ്ബ പ്രദക്ഷിണം ചെയ്യാനും സാധിച്ചതിലുള്ള ആഹ്ലാദമാണ് വിവിധ രാജ്യക്കാര്‍ സോഷ്യല്‍ മീഡിയകളില്‍ പങ്കുവക്കുന്നത്.   ഇഅ്തമര്‍നാ മൊബൈല്‍ ആപ് വഴിയാണ് ഹജ് മന്ത്രാലയം ഓരോ…

ദമ്മാം: കൊവിഡ് 19 വ്യാപനത്തിനെ തുടര്‍ന്ന് ഏഴ് മാസം മുമ്പ് നിറുത്തി വെച്ച ഉംറ തീര്‍ത്ഥാടനത്തിന് നാളെ തുടക്കം കുറിക്കും. കൊവിഡ് പ്രോട്ടോകോള്‍ പാലിച്ച് പ്രഥമ ഘട്ടത്തില്‍ ഒരു ദിവസത്തില്‍ ആറായിരം പേര്‍ക്കാണ് ഉംറ നിര്‍വഹിക്കാന്‍ അനുമതി. ആയിരം പേര്‍ക്ക് മൂന്ന് മണിക്കൂര്‍ വീതമായാണ് ക്രമീകരിച്ചിരിക്കുന്നത്. ഘട്ടം ഘട്ടമായി തീര്‍ത്ഥാടകരുടെ എണ്ണം ഉയര്‍ത്തിക്കൊണ്ടു വരും. 2020 നവംബര്‍ ഒന്നു മുതല്‍ സൗദിക്കു പുറത്ത് നിന്നുള്ള തീര്‍ത്ഥാടകര്‍ക്കു ഉംറ നിര്‍വഹിക്കാന്‍ സൗകര്യം നല്‍കുമെന്ന് ഹജ്ജ് ഉംറ മന്ത്രാലയം അറിയിച്ചു….

ദുബായ്: ബുര്‍ജ് ഖലീഫയുടെ നിര്‍മാണ സ്ഥാപനമായ അറബ്ടെക് ഹോള്‍ഡിങ് പി.ജെ.എസ്സി പ്രവര്‍ത്തനം നിര്‍ത്തുന്നു. കടക്കെണിയിലായ, യു.എ.ഇ ആസ്ഥാനമായുള്ള നിര്‍മാണ സ്ഥാപനത്തെ പിരിച്ചുവിടാന്‍ ഓഹരിയുടമകള്‍ വോട്ട് ചെയ്തു.   വര്‍ധിച്ചുവരുന്ന നഷ്ടങ്ങളെത്തുടര്‍ന്നാണ് തീരുമാനം. നിരവധി മാര്‍ഗങ്ങള്‍ പരിഗണിച്ചതിന് ശേഷമാണ് ഈ തീരുമാനത്തിലെത്തിയതെന്ന് കമ്പനി വക്താവ് പറഞ്ഞു. സാമ്പത്തിക സാഹചര്യം കണക്കിലെടുത്ത് കമ്പനി പിരിച്ചുവിടാനും ഗ്രൂപ്പുമായി ബന്ധം അവസാനിപ്പിക്കുന്നതിനുമായി അറബ്ടെക് ഹോള്‍ഡിംഗിന്റെ ഓഹരി ഉടമകള്‍ വോട്ട് ചെയ്തുവെന്നും കമ്പനി വക്താവ് കൂട്ടിച്ചേര്‍ത്തു.   പദ്ധതി കാലതാമസവും ലാഭവിഹിതത്തിലെ കുറവും മൂലം…

ദുബായ് : ലോകം ഉറ്റുനോക്കുന്ന, രജതജൂബിലി നിറവിലുള്ള ദുബായ് ഗ്ലോബൽ വില്ലേജ് 25ന് തുടങ്ങും. കനത്ത സുരക്ഷാ മുൻകരുതലുകൾ ഒരുക്കിയാകും  ഗ്ലോബൽ വില്ലേജ് സീസൺ തുടങ്ങുകയെന്ന് സിഒഒ അലി അൽ സുവൈദി അറിയിച്ചു. സുരക്ഷയിൽ മതിപ്പുണ്ടെന്നും ലോകത്ത് ആദ്യമായി സുരക്ഷയ്ക്കുള്ള ബ്രിട്ടിഷ് സുരക്ഷാ കൗൺസിലിന്റെ സ്വാഡ് ഓഫ് ഓണർ ലഭിച്ചത് ഗ്ലോബൽ വില്ലേജിനാണെന്നും അദ്ദേഹം ചൂണ്ടിക്കാട്ടി. വില്ലേജ് തുറക്കുന്നതിന്റെ ഭാഗമായി പുതിയ വെബ്സൈറ്റും മൊബൈൽ ആപ്പും ആരംഭിക്കും. ടിക്കറ്റുകൾ നേരത്തേ വാങ്ങാനും  കാർണിവൽ  റൈഡിന് സ്പർശനമേൽക്കാതെ കയറാൻ…

നിയോം സിറ്റി: തിരുഗേഹങ്ങളുടെ സേവകൻ സൽമാൻ രാജാവും ഇന്ത്യൻ പ്രധാനമന്ത്രി നരേന്ദ്ര മോഡിയും തമ്മിൽ ഫോണിൽ ചർച്ച നടത്തി. സൽമാൻ രാജാവ് ഇന്ത്യൻ പ്രധാനമന്ത്രിയുമായി ഫോണിൽ ബന്ധപ്പെടുകയായിരുന്നു. രണ്ടു സൗഹൃദ രാജ്യങ്ങളിലെയും ജനങ്ങൾ തമ്മിലുള്ള ചരിത്രപരമായ ഉഭയകക്ഷിബന്ധം നേതാക്കൾ അവലോകനം ചെയ്തു.   സൗദി-ഇന്ത്യ സ്ട്രാറ്റജിക് പാർട്ണർഷിപ്പ് കൗൺസിലിന്റെ ചട്ടക്കൂടിനുള്ളിൽ ഇരു രാജ്യങ്ങളും തമ്മിലുള്ള ബന്ധങ്ങൾ കൂടുതൽ വികസിപ്പിക്കാനുള്ള സംയുക്ത അവസരങ്ങളെ കുറിച്ചും സൽമാൻ രാജാവും നരേന്ദ്ര മോഡിയും ചർച്ച ചെയ്തതായി ഔദ്യോഗിക വാർത്താ ഏജൻസി അറിയിച്ചു….