കൊവിഡ് രോഗികളുമായി സമ്പർക്കത്തിൽ വന്നതിനെ തുടർന്ന് ശബരിമല മേൽശാന്തി നിരീക്ഷണത്തിൽ പ്രവേശിച്ച. ഇന്നലെ നടന്ന റാപിഡ് ടെസ്റ്റിലാണ് മേൽശാന്തിയുമായി അടുത്ത് ഇടപഴകിയ മൂന്ന് പേരടക്കം സന്നിധാനത്ത് ഏതാനും പേർക്ക് കൊവിഡ് പോസിറ്റീവാണെന്ന് സ്ഥിരീകരിച്ചത്. മേൽശാന്തിയും ഉപകർമികളുമടക്കം ഏഴ് പേരാണ് ക്വാറന്റൈനിൽ പ്രവേശിച്ചത്. മകരവിളക്ക് സാഹചര്യമാണെങ്കിൽ കൂടി സന്നിധാനവും നിലയ്ക്കൽ ഉൾപ്പെടുന്ന മേഖലയും കണ്ടെയ്ൻമെന്റ് സോണായി പ്രഖ്യാപിക്കണമെന്ന ശുപാർശ ജില്ലാ മെഡിക്കൽ ഓഫീസർക്ക് നൽകിയിട്ടുണ്ട്. ഇതിൽ സർക്കാർ അന്തി തീരുമാനമെടുക്കും. അതേസമയം ക്ഷേത്രത്തിലെ നിത്യപൂജകൾ മുടങ്ങില്ല

സമ്പര്‍ക്കത്തില്‍ വന്ന മൂന്ന് പേര്‍ക്ക് കൊവിഡ് സ്ഥിരീകരിച്ചതിനെ തുടര്‍ന്ന് ശബരിമല മേല്‍ശാന്തി നിരീക്ഷണത്തില്‍ പ്രവേശിച്ചു. മേല്‍ശാന്തി ഉള്‍പ്പെടെ ഏഴ് പേരാണ് നിരീക്ഷണത്തില്‍ പ്രവേശിച്ചത്. സന്നിധാനം കണ്ടെയ്ന്‍മെന്‍റ് സോണ്‍ ആക്കണമെന്ന് മെഡിക്കല്‍ ഓഫീസര്‍ സര്‍ക്കാരിന് ശുപാര്‍ശ നല്‍കി. നിത്യ പൂജകള്‍ക്ക് മുടക്കമുണ്ടാവില്ല. തീര്‍ത്ഥാടനം സംബന്ധിച്ച അന്തിമ തീരുമാനം സര്‍ക്കാര്‍ തീരുമാനത്തിന് ശേഷമെന്ന് ദേവസ്വം ബോര്‍ഡ് അറിയിച്ചു    

തിരുവനന്തപുരം അയിരൂരിൽ അമ്മയെ മർദിച്ച കേസിൽ മകൻ അറസ്റ്റി. തുഷാരമുക്കിൽ റസാഖാണ് പിടിയിലായത്. സമൂഹ മാധ്യമങ്ങളിൽ ഇതിന്റെ ദൃശ്യങ്ങൾ പ്രചരിച്ചതോടെയാണ് പോലീസ് കേസെടുത്തത്. ജാമ്യമില്ലാ വകുപ്പ് പ്രകാരമാണ് കേസെടുത്തത്. അതേസമയം മകനെതിരെ മൊഴി നൽകില്ലെന്നാണ് അമ്മ പറയുന്നത്. അമ്മയെ റസാഖ് ചവിട്ടുന്നതും മുഖത്തടിക്കുന്നതും ദൃശ്യങ്ങളിൽ കാണാം. ഈ മാസം പത്താം തീയതിയായിരുന്നു സംഭവം സഹോദരിയാണ് മർദനം ഫോണിൽ പകർത്തി ബന്ധുക്കൾക്ക് അയച്ചു കൊടുത്തത്. റസാഖ് മദ്യത്തിനും മയക്കുമരുന്നിനും അടിമയാണ്.

നടക്കാനിരിക്കുന്ന നിയമസഭാ തെരഞ്ഞെടുപ്പിനുള്ള വോട്ടര്‍പട്ടികയില്‍ പേരു ചേര്‍ക്കാനുള്ള അവസാന തീയതി നാളയാണ്. https://www.ceo.kerala.gov.in/  എന്ന വെബ്‌സൈറ്റില്‍ പുതിയ പട്ടിക ജനുവരി 20നു പ്രസിദ്ധീകരിക്കുന്നതാണ്. തദ്ദേശ തെരഞ്ഞെടുപ്പിനും നിയമസഭാ തെരഞ്ഞെടുപ്പിനും വെവ്വേറെ വോട്ടര്‍പട്ടികയാണ് ഉള്ളത്. നാളെ കഴിഞ്ഞ് അപേക്ഷിക്കുന്നവരുടെ പേര് തെരഞ്ഞെടുപ്പിനു തൊട്ടുമുന്‍പ് പ്രസിദ്ധീകരിക്കുന്ന സപ്ലിമെന്ററി വോട്ടര്‍ പട്ടികയിലാകും ചേർക്കുന്നത്.

യുഡിഎഫ് കൺവീനർ സ്ഥാനത്ത് നിന്ന് എംഎം ഹസനെ പുറത്താക്കണമെന്ന് ആവശ്യപ്പെട്ട് കോൺഗ്രസ് എംഎൽഎമാരും എംപിമാരും ഹൈക്കമാൻഡിന് കത്ത് നൽകി. തദ്ദേശ തെരഞ്ഞെടുപ്പ് പരാജയത്തിന്റെ പശ്ചാത്തലത്തിലാണ് നടപടി. കെപിസിസി ഭാരവാഹികളും ഹസനെ മാറ്റണമെന്ന് ആവശ്യപ്പെട്ട് ഹൈക്കമാൻഡിനെ സമീപിച്ചിട്ടുണ്ട് കെ പി സി സി നേതൃത്വത്തെ പോലും ഹസൻ പരസ്യമായി എതിർത്തു. പാർട്ടിയോട് ആലോചിക്കാതെ നിലപാടുകൾ പരസ്യപ്പെടുത്തി. മാധ്യമങ്ങളുടെ അകമ്പടിയോടെ വെൽഫെയർ പാർട്ടി നേതാക്കളെ കണ്ടതും തെരഞ്ഞെടുപ്പിൽ തിരിച്ചടിയായെന്ന് നേതാക്കൾ കത്തിൽ പരാതിപ്പെടുന്നു ഹസൻ തുടർന്നാൽ ഇത് മുന്നണിക്ക് തിരിച്ചടിയാകും….