കേരളമടക്കം നാല് സംസ്ഥാനങ്ങളിൽ വാക്‌സിൻ കുത്തിവെപ്പ് കുറയുന്നതിൽ അതൃപ്തി വ്യക്തമാക്കി കേന്ദ്രസർക്കാർ. ഇതിൽ ഏറ്റവും കുറവ് കേരളത്തിലും തമിഴ്‌നാട്ടിലുമാണ്. കേരളത്തിൽ 25 ശതമാനത്തിൽ താഴെയാണ് വാക്‌സിൻ കുത്തിവെപ്പ് എടുത്തവരുടെ എണ്ണം വാക്‌സിലിനുള്ള സംശയത്തെ തുടർന്നാണ് കുത്തിവെപ്പ് കുറയുന്നതെന്ന് കേരളം പറയുന്നു. തമിഴ്‌നാട്ടിലും 25 ശതമാനത്തിൽ താഴെയാണ് കുത്തിവെപ്പ് നടന്നത്. പഞ്ചാബും ചത്തിസ്ഗഢും തൊട്ടുപിന്നാലെയുണ്ട്. വാക്‌സിനേഷൻ ചുമതലയുള്ള ഉദ്യോഗസ്ഥരുമായി കേന്ദ്ര ആരോഗ്യമന്ത്രാലയം നടത്തിയ വീഡിയോ കോൺഫറൻസിലാണ് അതൃപ്തി രേഖപ്പെടുത്തിയത്. വാക്‌സിനുമായി ബന്ധപ്പെട്ട് ജനങ്ങളിൽ വിശ്വാസ്യത ഉണ്ടാക്കാനും കേന്ദ്രം ആവശ്യപ്പെട്ടിട്ടുണ്ട്…

നടിയെ ആക്രമിച്ച കേസിൽ ദിലീപിന്റെ ജാമ്യം റദ്ദാക്കണമെന്നാവശ്യപ്പെട്ട് പ്രോസിക്യൂഷൻ സമർപ്പിച്ച ഹർജി കൊച്ചയിലെ പ്രത്യേക കോടതി ഇന്ന് പരിഗണിക്കും. കേസിൽ ദിലീപ് എട്ടാം പ്രതിയാണ്. ജാമ്യവ്യവസ്ഥകൾ ലംഘിച്ചുവെന്ന് ചൂണ്ടിക്കാട്ടിയാണ് പ്രോസിക്യൂഷൻ ഹർജി നൽകിയത് മാപ്പ് സാക്ഷിയായ വിപിൻ ലാലിനെ ഭീഷണിപ്പെടുത്തി, മറ്റ് സാക്ഷികളെ മൊഴി മാറ്റാൻ നിർബന്ധിച്ചു എന്നതാണ് പ്രോസിക്യൂഷൻ ചൂണ്ടിക്കാണിക്കുന്നത്. കേസിലെ മാപ്പുസാക്ഷിയായ വിപിൻലാൽ വിചാരണക്ക് മുമ്പ് ജയിലിൽ നിന്ന് പുറത്തുപോയ സംഭവത്തിലും കോടതി വിശദമായ വാദം കേൾക്കും.

കൊല്ലം: കൊല്ലം കല്ലുവാതുക്കലില്‍ കരിയിലക്കൂട്ടത്തില്‍ ഉപേക്ഷിച്ച നവജാതശിശു മരിച്ച സംഭവത്തില്‍ പ്രതികളെ കണ്ടെത്താന്‍ ഡിഎന്‍എ പരിശോധന നടത്താനൊരുങ്ങി പോലീസ്. സംശയിക്കപ്പെടുന്ന പ്രദേശവാസികളായ എട്ട് പേരുടെ ഡിഎന്‍എ പരിശോധന ഉടന്‍ നടത്തും. മൊബൈല്‍ ഫോണ്‍ ടവര്‍ വിവരങ്ങള്‍ കേന്ദ്രീകരിച്ചും അന്വേഷണം പുരോഗമിക്കുന്നുണ്ട്. ഈമാസം അഞ്ചിനാണ് കൊല്ലം കല്ലുവാതുക്കലില്‍ ഊഴായിക്കോട് ക്ഷേത്രത്തിനു സമീപത്തെ വീട്ടുപറമ്പിലെ കരിയിലക്കൂട്ടത്തില്‍ നിന്ന് രണ്ടുദിവസം പ്രായമുള്ള ആണ്‍കുഞ്ഞിനെ ഉപേക്ഷിച്ച നിലയില്‍ കണ്ടെത്തിയത്. പൊക്കിള്‍കൊടി പോലും മുറിച്ചു മാറ്റാതെ ആയിരുന്നു കുഞ്ഞിനെ ഉപേക്ഷിച്ചത്. രാത്രി മുഴുവന്‍ തണുപ്പേറ്റ്…

അഭയ കേസിൽ തിരുവനന്തപുരം സിബിഐ കോടതി വിധിയെ റദ്ദാക്കണമെന്ന് ആവശ്യപ്പെട്ട് തോമസ് എം കോട്ടൂർ നൽകിയ അപ്പീൽ ഹൈക്കോടതി ഇന്ന് പരിഗണിക്കും. ഇരട്ട ജീവപര്യന്തം ശിക്ഷയാണ് തിരുവനന്തപുരം സിബിഐ കോടതി വിധിച്ചത്. കേസിന്റെ വിചാരണ അടക്കമുള്ള നടപടികൾ നീതിപൂർവമായിരുന്നില്ലെന്ന് പ്രതി ആരോപിക്കുന്നു. 49ാം സാക്ഷി അടയ്ക്കാ രാജുവിന്റെ മൊഴിയടക്കം അടിസ്ഥാനമാക്കിയാണ് ശിക്ഷ വിധിച്ചത്. ഈ മൊഴി വിശ്വസനീയമല്ലെന്നും ഹർജിയിൽ തോമസ് എം കോട്ടൂർ പറഞ്ഞു ഡിസംബർ 23നാണ് അഭയ കേസിൽ വിധി പറഞ്ഞത്. തോമസ് എം കോട്ടൂരിന്…

ഇന്ധനവില ഇന്നും വർധിപ്പിച്ചു. ഈ മാസം ഇത് നാലാം തവണയാണ് പെട്രോൾ, ഡീസൽ വില വർധിപ്പിക്കുന്നത്. സംസ്ഥാനത്ത് ഡീസൽ വില സർവകാല റെക്കോർഡിൽ എത്തി പെട്രോളിന് ഒരു രൂപ 26 പൈസയും ഡീസലിന് ഒരു രൂപ 36 പൈസയുമാണ് നാല് തവണയായി വർധിച്ചത്. ഇന്ന് പെട്രോളിന് 25 പൈസയും ഡീസലിന് 26 പൈസയും വർധിച്ചു കൊച്ചിയിൽ പെട്രോൾ വില ലിറ്ററിന് 83.35 രൂപയും ഡീസൽ വില 79.50 രൂപയുമായി. തിരുവനന്തപുരത്ത് പെട്രോൾ വില ലിറ്ററിന് 87.28 രൂപയും…

കോൺഗ്രസിൽ ഇരട്ട പദവി വഹിക്കന്ന മൂന്ന് ഡിസിസി പ്രസിഡന്റുമാരെ മാത്രം മാറ്റാൻ തീരുമാനം. പാലക്കാട് ഡിസിസി പ്രസിഡന്റ് വി കെ ശ്രീകണ്ഠൻ, എറണാകുളം ഡിസിസി പ്രസിഡന്റ് ടിജെ വിനോദ്, വയനാട് ഡിസിസി പ്രസിഡന്റ് ഐസി ബാലകൃഷ്ണൻ എന്നിവരെയാണ് മാറ്റുന്നത്. ശ്രീകണ്ഠൻ എംപിയും മറ്റ് രണ്ട് പേർ എംഎൽഎമാരുമാണ് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, കാസർകോട് ഡിസിസി പ്രസിഡന്റുമാരെ മാറ്റണമെന്ന ആവശ്യമുയർന്നെങ്കിലും ഉടൻ വേണ്ടെന്ന് ഹൈക്കമാൻഡ് നിർദേശിക്കുകയായിരുന്നു. വൈകാതെ ഡിസിസി പുനഃസംഘടിപ്പി്കകും. തുടർ ചർച്ചകൾക്കായി മുല്ലപ്പള്ളി രാമചന്ദ്രൻ…