കോഴിക്കോട് ചാലക്കര അവേലം കടവിൽ ഏഴ് വയസ്സുകാരി മുങ്ങിമരിച്ചു. മടവൂർ അടുക്കത്തുപറമ്പത്ത് ഹാരിസ്-ഫസ്‌ന ദമ്പതികളുടെ മകൾ ഹന ഫാത്തിമയാണ് മരിച്ചത്. ഹനക്കൊപ്പം ഒഴുക്കിൽപ്പെട്ട വട്ടത്ത് മണ്ണിൽ ഷമീറിന്റെ മകൾ ഫാത്തിമ സഹമത്ത് കോഴിക്കോടെ സ്വകാര്യ ആശുപത്രിയിൽ ചികിത്സയിലാണ് മാതൃസഹോദരനായ ഷമീറിന്റെ വീട്ടിൽ വിരുന്നിന് വന്നതായിരുന്നു ഹന. വല്യുമ്മക്കൊപ്പം പുഴയിൽ കുളിക്കുന്നതിനിടെ രണ്ട് കുട്ടികളും ഒഴുക്കിൽപ്പെട്ടു. നിലവിളി കേട്ട് അടുത്തുണ്ടായിരുന്നവർ പുഴയിലേക്ക് ചാടി ഇരുവരെയും രക്ഷപ്പെടുത്തുകയും ചെയ്തു. ആശുപത്രിയിൽ പ്രവേശിപ്പിച്ചെങ്കിലും ഇന്നലെ രാത്രിയോടെ ഹന മരിച്ചു.  

തദ്ദേശ തെരഞ്ഞെടുപ്പിന്റെ ആദ്യ ഘട്ട വോട്ടെടുപ്പ് ആരംഭിച്ചു. അഞ്ച് ജില്ലകളിലാണ് ഇന്ന് വോട്ടെടുപ്പ് നടക്കുന്നത്. തിരുവനന്തപുരം, കൊല്ലം, പത്തനംതിട്ട, ഇടുക്കി, ആലപ്പുഴ ജില്ലകളിൽ നിന്നായി 88 ലക്ഷത്തോളം വോട്ടർമാർ ഇന്ന് വിധിയെഴുതും കൊവിഡ് നിയന്ത്രണങ്ങൾ കർശനമായി പാലിച്ചാണ് വോട്ടെടുപ്പ് നടക്കുന്നത്. രാവിലെ ഏഴ് മണി മുതൽ വൈകിട്ട് ആറ് മണി വരെയാണ് വോട്ടെടുപ്പ്. ഇന്നലെ മൂന്ന് മണിക്ക് ശേഷം കൊവിഡ് സ്ഥിരീകരിച്ചവർക്ക് പോളിംഗിന്റെ അവസാന മണിക്കൂർ വോട്ട് ചെയ്യാനുള്ള സൗകര്യമൊരുക്കും. പിപിഇ കിറ്റ് ധരിച്ച് എത്തണം 395…