മകരവിളക്ക് ദിവസമായ ജനുവരി 14ന് വെർച്വൽ ക്യൂ വഴി ബുക്ക് ചെയ്ത 5000 ഭക്കർക്ക് മാത്രമെ ശബരിമലയിൽ ദർശനത്തിനുള്ള അനുമതഉണ്ടാവുകയുള്ളൂവെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. എൻ. വാസു. മകരവിളക്ക് ദിവസത്തേക്ക് ബുക്ക് ചെയ്യാത്ത ആരെയും ശബരിമല സന്നിധാനത്തോ പരിസരത്തോ തങ്ങാൻ അനുവദിക്കുന്നതല്ലെന്നും പ്രസിഡന്റ് അറിയിച്ചു. കൊവിഡ് മാനദണ്ഡങ്ങളുടെ ഭാഗമായാണ് നിയന്ത്രണം. മകരവിളക്കിന് മുന്നോടിയായി സന്നിധാനത്തെ അണുവിമുക്തമാക്കാനുള്ള ജോലികൾ ദേവസ്വം മരാമത്ത് വിഭാഗം സ്‌പെഷ്യൽ ടീം തുടർന്നുവരികയാണ്. കോവിഡ് പശ്ചാത്തലത്തിൽ ആളുകൾ സപർശിക്കാനിടയുള്ള എല്ലാ സ്ഥലങ്ങളും…

പാണത്തൂർ പരിയാരത്ത് ഓടിക്കൊണ്ടിരുന്ന ടൂറിസ്റ്റ് ബസ് മറിഞ്ഞ് അഞ്ച് പേര്‍ മരിച്ച. നിരവധി പേര്‍ക്ക് പരിക്കേറ്റു. വിവാഹ സംഘം സഞ്ചരിച്ച ടൂറിസ്റ്റ് ബസാണ് മറിഞ്ഞത്. ബസ് വീടിനു മുകളിലേക്ക് മറിഞ്ഞാണ് അപകടമുണ്ടായതെന്നാണ് പ്രാഥമിക വിവരം. രണ്ട് പുരുഷന്മാരും രണ്ട് സ്ത്രീകളും ഒരു കുട്ടിയുമാണ് മരിച്ചത്. മരിച്ചവരുടെ മൃതദേഹങ്ങള്‍ പൂടംകല്ല് സര്‍ക്കാര്‍ ആശുപത്രിയിലേക്ക് മാറ്റി. ഇന്ന് ഉച്ചയ്ക്ക് 12.30ഓടെയാണ് അപകടമുണ്ടായത്. കർണാടകയിലെ സുള്ള്യയിൽ നിന്നും പാണത്തൂരിലേക്ക് വിവാഹ സംഘവുമായി വന്ന ബസാണ് കുത്തനെയുള്ള ഇറക്കത്തിൽ വച്ച് നിയന്ത്രണം നഷ്ടപ്പെട്ട്…

എറനാട് എക്‌സ്പ്രസും കോയമ്പത്തൂർ-മംഗളൂരു പാസഞ്ചർ ട്രെയിനും ബുധനാഴ്ച മുതൽ സർവീസ് പുനരാരംഭിക്കു. കൊവിഡിനെ തുടർന്ന് നിർത്തിവെച്ച സർവീസാണ് പുനരാരംഭിക്കുന്നത്. ഏറനാട് എക്‌സ്പ്രസ്(06605)മംഗളൂരുവിൽ നിന്ന് നാഗർകോവിലിലേക്ക് ബുധനാഴ്ച സർവീസ് തുടങ്ങും മംഗളൂരു-കോയമ്പത്തൂർ ഫാസ്റ്റ് പാസഞ്ചർ എക്‌സ്പ്രസ് ട്രെയിനായാണ് ബുധനാഴ്ച മുതൽ സർവീസ് നടത്തുക. അതേസമയം പാസഞ്ചർ നിർത്തിയതു പോലെ എല്ലാ ലോക്കൽ സ്‌റ്റേഷനുകളിലും സ്‌റ്റോപ്പുണ്ടാകും.

കോഴിക്കോട് ആനക്കാംപൊയിലിൽ പൊട്ടക്കിണറ്റിൽ നിന്ന് രക്ഷപ്പെടുത്തിയ ആന ചരിഞ്ഞു. പതിനാല് മണിക്കൂർ നീണ്ട രക്ഷാപ്രവർത്തനത്തിനൊടുവിൽ ആനയെ രക്ഷപ്പെടുത്തി കാട്ടിലേക്ക് വിട്ടെങ്കിലും അവശനായി കുഴഞ്ഞുവീണു. നിർജലീകരണമാണ് ആനയുടെ നില വഷളാക്കിയത് വെറ്റിനറി സർജന്റെ നേതൃത്വത്തിൽ ആനക്ക് ചികിത്സ നൽകിയിരുന്നു. വനംവകുപ്പ് മരുന്നും വെള്ളവും എത്തിച്ചു നൽകി. അടുത്ത പകലിൽ ആന കാടുകയറുമെന്ന പ്രതീക്ഷയാണുണ്ടായിരുന്നത്. കിണറിന് സമീപത്തേക്ക് മണ്ണുമാന്തി യന്ത്രമെത്തിച്ച് കിണറിടിച്ചാണ് ആനയെ പുറത്തെടുത്തത്. ആന കിണറ്റിൽ വീണിട്ട് മൂന്ന് ദിവസമായെന്നാണ് കരുതുന്നത്. വനഭൂമിയോട് ചേർന്നാണ് കിണറുള്ളത് എന്നതിനാൽ പുറത്തറിയാനും…

കോവിഡ് പ്രതിസന്ധിക്കിടെ അടച്ച സംസ്ഥാനത്തെ കോളേജുകൾ നാളെ തുറക്കും. രാവിലെ എട്ടര മുതൽ വൈകീട്ട് അഞ്ചു മണിവരെയാണ് ക്ലാസുകൾ. രണ്ട് ഷിഫ്റ്റുകളായിട്ടാകും പ്രവർത്തിക്കുക. പകുതി കുട്ടികളെ മാത്രമാകും ഒരേസമയം ക്ലാസിൽ അനുവദിക്കുക. അവസാന വർഷ ബിരുദ വിദ്യാർഥികളും മുഴുവൻ ബിരുദാനന്തര ബിരുദ വിദ്യാർഥികളുമാണ് ക്ലാസിന് എത്തേണ്ടത്. ശനിയാഴ്ചയും കോളജുകൾ പ്രവർത്തിക്കും. പ്രഫഷണൽ കോളജുകൾ ഉൾപ്പെടെയുള്ള മുഴുവൻ ഉന്നതവിദ്യാഭ്യാസ സ്ഥാപനങ്ങളുമാണ് നാളെ തുറക്കുന്നത്. പ്രിൻസിപ്പൽ, അധ്യാപകർ, അനധ്യാപകർ എന്നിവർ കഴിഞ്ഞ ദിവസം മുതൽ കോളജുകളിൽ ഹാജരായി തുടങ്ങിയിരുന്നു. രാവിലെ…