നിയമസഭാ തെരഞ്ഞെടുപ്പിന്റെ വോട്ടെണ്ണൽ നടക്കുന്ന മെയ് രണ്ടിന് സംസ്ഥാനത്ത് ലോക്ക് ഡൗൺ ഏർപ്പെടുത്തണമെന്ന് ഹൈക്കോടതിയിൽ ഹർജി. മെയ് ഒന്ന് അർധരാത്രി മുതൽ രണ്ടാം തീയതി അർധരാത്രി വരെ ലോക്ക് ഡൗൺ ഏർപ്പെടുത്തണമെന്നാണ് ആവശ്യം കൊവിഡ് വ്യാപനം രൂക്ഷമായ സാഹചര്യം ചൂണ്ടിക്കാട്ടിയാണ് ഹർജി. കോടതി ഫയലിൽ സ്വീകരിച്ച ഹർജി സർക്കാരിനോട് പ്രതികരണം തേടി. തെരഞ്ഞെടുപ്പ് കമ്മീഷനെ കേസിൽ കക്ഷി ചേർക്കാനും കോടതി ഉത്തരവിട്ടു.

സംസ്ഥാനത്ത് ഇന്ന് 10,031 പേര്‍ക്ക് കോവിഡ്-19 സ്ഥിരീകരിച്ചു. കോഴിക്കോട് 1560, എറണാകുളം 1391, മലപ്പുറം 882, കോട്ടയം 780, തിരുവനന്തപുരം 750, ആലപ്പുഴ 745, തൃശൂര്‍ 737, കണ്ണൂര്‍ 673, കാസര്‍ഗോഡ് 643, പാലക്കാട് 514, കൊല്ലം 454, വയനാട് 348, ഇടുക്കി 293, പത്തനംതിട്ട 261 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. യുകെ, സൗത്ത് ആഫ്രിക്ക, ബ്രസീല്‍ എന്നീ രാജ്യങ്ങളില്‍ നിന്നും വന്ന ആര്‍ക്കും തന്നെ കഴിഞ്ഞ 24 മണിക്കൂറിനകം കോവിഡ്-19 സ്ഥിരീകരിച്ചില്ല….

  ആലപ്പുഴ വള്ളികുന്നത് പതിനഞ്ച് വയസ്സ് മാത്രമുള്ള അഭിമന്യു എന്ന കുട്ടിയെ കുത്തിക്കൊലപ്പെടുത്തിയ കേസിൽ ഒരാൾ കൂടി പിടിയിൽ. വള്ളികുന്നം സ്വദേശി ജിഷ്ണുവാണ് കസ്റ്റഡിയിലായത്. നേരത്തെ പിടിയിലായ ആർ എസ് എസുകാരൻ സജയ് ജിത്തിന്റെ സുഹൃത്താണ് ഇയാൾ കൊലപാതകത്തിൽ പങ്കെടുത്ത പ്രതികളെ രക്ഷപ്പെടാൻ സഹായിച്ചത് വിഷ്ണുവാണ്. നേരത്തെ കൊച്ചി പാലാരിവട്ടം സ്റ്റേഷനിൽ കീഴടങ്ങിയ സജയ് ജിത്തിനെ അരൂർ പോലീസിന് കൈമാറിയിട്ടുണ്ട്. വിഷു ദിനത്തിലാണ് അഭിമന്യുവിനെ ആർ എസ് എസുകാർ കുത്തിക്കൊന്നത്.

  വീട്ടിൽ നിന്നും പിടിച്ചെടുത്ത അരക്കോടിയോളം വരുന്ന പണം നിയമപരമായ പണമെന്ന് മുസ്ലിം ലീഗ് നേതാവ് കെ എം ഷാജി. പണത്തിന്റെ ഉറവിടം സംബന്ധിച്ച രേഖകൾ ഹാജരാക്കാൻ ഒരാഴ്ച സമയം വേണമെന്നും മുസ്ലിം ലീഗ് നേതാവ് പറഞ്ഞു. വിജിലൻസിന്റെ ചോദ്യം ചെയ്യലിന് ശേഷം പ്രതികരിക്കുകയായിരുന്നു കെ എം ഷാജി തെരഞ്ഞെടുപ്പിനായി പിരിച്ചെടുത്ത പണമാണ് വീട്ടിൽ നിന്ന് പിടിച്ചത്. ഇതിന് കൗണ്ടർ ഫോയിലുണ്ട്. ഇതുൾപ്പെടെയുള്ള രേഖകൾ വരും ദിവസങ്ങളിൽ ഹാജരാക്കും. കൂടാതെ രേഖകൾ ഒരാഴ്ചക്കുള്ളിൽ ഹാജരാക്കാൻ വിജിലൻസും ആവശ്യപ്പെട്ടിട്ടുണ്ട്….