കൊവിഡ് രോഗികളുടെ ഫോൺ വിവരശേഖരണത്തിനുള്ള സർക്കാർ തീരുമാനത്തിനെതിരെ പ്രതിപക്ഷ നേതാവ് രമേശ് ചെന്നിത്തല നൽകിയ ഹർജി ഹൈക്കോടതി തീർപ്പാക്കി. കൊവിഡ് രോഗികളുടെ ടവർ ലൊക്കേഷൻ മാത്രമാണ് പരിശോധിക്കുന്നതെന്ന സർക്കാർ വാദം കോടതി അംഗീകരിച്ചു കൊവിഡ് രോഗികളുടെ എണ്ണം ദിനംപ്രതി ഉയരുകയാണ്. അതിനാൽ ഇത്തരത്തിലൊരു തീരുമാനത്തിൽ അപാകതയില്ലെന്ന് കോടതി അഭിപ്രായപ്പെട്ടു. നിലവിലെ പ്രത്യേക സാഹചര്യം മനസ്സിലാക്കണമെന്ന് ചെന്നിത്തലയുടെ അഭിഭാഷകനോട് കോടതി ആവശ്യപ്പെട്ടു. സെല്ലുലാർ കമ്പനികളെ ഹർജിയിൽ ഉൾപ്പെടുത്തേണ്ട കാര്യമില്ല ടവർ ഡീറ്റൈൽസ് എടുക്കുന്നതിൽ കുഴപ്പമില്ലെന്ന് ഇന്നലെ പറഞ്ഞിട്ട് ഇന്ന്…

കണ്ണൂർ പരിയാരത്ത് പ്രായപൂർത്തിയാകാത്ത സഹോദരിമാരെ പീഡിപ്പിച്ച സംഭവത്തിൽ അമ്മയ്ക്കും അമ്മയുടെ ബന്ധുവിനുമെതിരെ ഞെട്ടിക്കുന്ന വെളിപ്പെടുത്തലുകളുമായി കുട്ടികൾ. അമ്മയുടെ ഒത്താശയോടെയാണ് തങ്ങൾ പീഡനത്തിന് ഇരയായതെന്ന് ചാനലിന് നൽകിയ അഭിമുഖത്തിൽ കുട്ടികൾ പറയുന്നു ഭർത്താവുമായി അകന്ന് കഴിയുന്ന സ്ത്രീ കഴിഞ്ഞ ആറ് വർഷമായി ബോസ് എന്ന് പേരുള്ള 51കാരന്റെ കൂടെയാണ് താമസം. ഹോസ്റ്റലിൽ പഠിക്കുന്ന കുട്ടികൾ അമ്മയെ കാണാൻ വീട്ടിലെത്തിയപ്പോഴായിരുന്നു പീഡനം. ഇപ്പോൾ എട്ടാം ക്ലാസിൽ പഠിക്കുന്ന കുട്ടി നാലാം ക്ലാസിൽ പഠിക്കുമ്പോഴായിരുന്നു ആദ്യ പീഡനം നടന്നത്. അമ്മയുടെ മുന്നിൽ…

തൃശ്ശൂർ വേലൂർ കോടശ്ശേരിയിൽ ക്രിമിനൽ കേസ് പ്രതിയെ വെട്ടിക്കൊന്നു. വീരപ്പൻ സനീഷാണ് കൊല്ലപ്പെട്ടത്. വ്യാഴാഴ്ച അർധരാത്രിയായിരുന്നു സംഭവം. നിരവധി ക്രിമനൽ കേസുകളിൽ പ്രതിയായ ഇസ്മായിൽ എന്നയാളാണ് കൊല നടത്തിയത്. ഇസ്മായിലും സനീഷും ഒന്നിച്ചിരുന്ന് മദ്യപിക്കുന്നതിനിടെയാണ് സംഭവം. വാക്കുതർക്കമുണ്ടാകുകയും ഇസ്മായിൽ സനീഷിനെ വെട്ടിക്കൊല്ലുകയുമായിരുന്നു.

പത്തനംതിട്ട ചിറ്റാറിൽ ഫാം ഉടമയായ മത്തായിയെ കിണറ്റിൽ മരിച്ച നിലയിൽ കണ്ടെത്തിയ സംഭവത്തിൽ അന്വേഷണം സിബിഐക്ക് വിട്ടു. ഇതുസംബന്ധിച്ച ഉത്തരവിൽ മുഖ്യമന്ത്രി പിണറായി വിജയൻ ഒപ്പുവെച്ചു. സിബിഐ അന്വേഷണം ആവശ്യപ്പെട്ട് മത്തായിയുടെ ഭാര്യ ഷീബ ഹൈക്കോടതിയിൽ നൽകിയ ഹർജി ഇന്ന് പരിഗണിക്കാനിരിക്കെയാണ് സർക്കാർ നടപടി ഓഗസ്റ്റ് പതിമൂന്നിനാണ് ഷീബ നൽകിയ ഹർജി ഹൈക്കോടതി ആദ്യം പരിഗണിച്ചത്. ഒരാഴ്ചക്കുള്ളിൽ റിപ്പോർട്ട് നൽകാൻ പോലീസിനോട് കോടതി ആവശ്യപ്പെട്ടിരുന്നു. മത്തിയായുടെ മൃതദേഹം കഴിഞ്ഞ 25 ദിവസമായി മോർച്ചറിയിൽ സൂക്ഷിച്ചിരിക്കുകയാണ്. കുറ്റവാളികൾക്കെതിരെ നടപടിയുണ്ടാകുന്നതുവരെ…

ആലപ്പുഴ കോടംതുരുത്തിയിൽ പത്ത് വയസ്സുള്ള മകനെ കൊലപ്പെടുത്തിയ ശേഷം യുവതി ആത്മഹത്യ ചെയ്തു. 30കാരിയായ രജിത, മകൻ വൈഷ്ണവ് എന്നിവരാണ് മരിച്ചത്. രജിത നാല് മാസം ഗർഭിണിയായിരുന്നു ഫാനിൽ കെട്ടിത്തൂങ്ങിയാണ് രജിത മരിച്ചത്. മകന്റെ മൃതദേഹം കട്ടിലിന്റെ കാലിൽ കെട്ടിയ നിലയിലാണ്. കടബാധ്യതയെ തുടർന്നാണ് മരിക്കുന്നതെന്നും മകൻ തനിച്ചായാൽ അവരെ ആരും നോക്കില്ലെന്നും എഴുതിയ കുറിപ്പ് പോലീസ് കണ്ടെടുത്തു രജിതയുടെ ഭർത്താവ് വിനോദ് സ്ഥലത്തുണ്ടായിരുന്നില്ല. രാവിലെ ഭർതൃമാതാവാണ് ഇരുവരെയും മരിച്ച നിലയിൽ കണ്ടെത്തിയത്

സംസ്ഥാനത്ത് രണ്ട് കൊവിഡ് മരണം കൂടി. കാസർകോടും കോട്ടയത്തും ചികിത്സയിലിരുന്ന രണ്ട് പേരാണ് മരിച്ചത്. കാസർകോട് പൈവളിഗ സ്വദേശി അബ്ബാസ്(74) ഇന്നലെ രാത്രിയാണ് മരിച്ചത്. മരണശേഷം നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. മംഗൾപാടി താലൂക്ക് ആശുപത്രിയിൽ ചികിത്സയിലായിരുന്നു കോട്ടയത്ത് കട്ടപ്പന സുവർണഗിരി സ്വദേശി ബാബുവാണ് മരിച്ചത്. 58 വയസ്സായിരുന്നു. ഇന്നലെ രാത്രിയാണ് ബാബു മരിച്ചത്. പ്രമേഹത്തെ തുടർന്ന് കാൽ മുറിച്ച് മാറ്റാനായി കോട്ടയം മെഡിക്കൽ കോളജിൽ എത്തിയപ്പോൾ നടത്തിയ പരിശോധനയിലാണ് കൊവിഡ് സ്ഥിരീകരിച്ചത്.

കൊവിഡ് ബാധിച്ച് മരിച്ച വൃദ്ധയ്ക്ക് അന്ത്യകർമ്മങ്ങള്‍ ചെയ്ത് സംസ്കാരം നടത്തി ആരോഗ്യ പ്രവർത്തകർ. മക്കൾ ഉൾപ്പടെ ബന്ധുക്കൾക്കും കൊവിഡ് ബാധിച്ചതോടെയാണ് അന്ത്യകർമ്മങൾ ആരോഗ്യ വകുപ്പ് തന്നെ ചെയ്ത് മൃതദേഹം പൊതു ശ്മശാനത്തിൽ സംസ്കരിച്ചത്. ഓഗസ്റ്റ് 15 ന് അന്തരിച്ച പുനലൂർ വിളക്കുവട്ടം പാറയിൽ പുത്തൻവീട്ടിൽ സരോജിനിയമ്മ (72)യുടെ മൃതദേഹമാണ് സംസ്കരിച്ചത്. വിളക്കുടി കോവിഡ് പ്രഥമ ചികിത്സാ കേന്ദ്രത്തിൽ നിന്നും ഗുരുതരാവസ്ഥയിൽ കൊല്ലം ജില്ലാ ആശുപത്രിയിലേയ്ക്ക് വിദഗ്ദ ചികിത്സയ്ക്ക് അയച്ച ഇവരെ തീവ്രപരിചരണ വിഭാഗത്തിൽ പ്രവേശിപ്പിച്ചുവെങ്കിലും അന്ന് രാത്രി…

ന്യൂഡൽഹി:ആരോഗ്യ, വിദ്യാഭ്യാസ മേഖലയിൽ രാജ്യത്ത് ഏറ്റവുംമികച്ച സംസ്ഥാനമായ കേരളം വൃത്തിയുടെ കാര്യത്തിൽ ഏറ്റവുംപിറകിൽ. നഗരവികസനമന്ത്രാലയം നടത്തിയ സ്വച്ഛതാ സർവേയിൽ ഏറ്റവുംകുറഞ്ഞ സ്കോറോടെ (661.26) ഏറ്റവുംപിറകിൽ നിൽക്കുന്ന സംസ്ഥാനമായിമാറി നാം. പിന്നാക്കസംസ്ഥാനമായി പൊതുവേ വിലയിരുത്തപ്പെടുന്ന ബിഹാർ നമുക്ക് തൊട്ടുമുന്നിലാണ് (760.40).ഏറ്റവും വൃത്തിയുള്ള 25 നഗരങ്ങളിൽ ഒന്നുപോലും കേരളത്തിലില്ല. ഇന്ദോറും സൂറത്തും നവിമുംബൈയും ആണ് ഈ പട്ടികയിൽ മുന്നിലുള്ളത്. മൈസൂരുവിന് അഞ്ചാംസ്ഥാനമുണ്ട്. നഗര തദ്ദേശസ്ഥാപനങ്ങളുടെ എണ്ണം നൂറിൽ കൂടുതലുള്ളതും കുറവുള്ളതും എന്നിങ്ങനെ സംസ്ഥാനങ്ങളെ രണ്ടുതട്ടിലാക്കിയാണ് റാങ്കിങ് നൽകിയത്. കേരളം നൂറിൽത്താഴെയുള്ള…