തൃക്കാക്കര നഗരസഭയിലെ അവിശ്വാസപ്രമേയം ചർച്ചയ്ക്ക് എടുക്കാതെ തള്ളി. കൗൺസിൽ യോഗത്തിൽ ക്വാറം തികയാത്തത് കൊണ്ടാണ് അവിശ്വാസപ്രമേയം അവതരിപ്പിക്കാൻ സാധിക്കാത്തത്. 43 അംഗ കൗൺസിലിൽ പങ്കെടുത്തത് 18 പേരാണ്. വേണ്ടത് 22 പേരായിരുന്നു. നാല് സ്വതന്ത്രന്മാരും യുഡിഎഫ് അംഗങ്ങളും അടക്കം 25 കൗൺസിലർമാർ കൗൺസിൽ യോഗത്തിൽ നിന്ന് വിട്ടുനിന്നു.
പ്രതിപക്ഷത്തെ 18 കൗൺസിലർമാർ മാത്രമാണ് യോഗത്തിൽ പങ്കെടുത്തത്. അജിത തങ്കപ്പനെ മാറ്റിയില്ലെങ്കിൽ ആറു മാസത്തിന് ശേഷം വീണ്ടും അവിശ്വാസ പ്രമേയം കൊണ്ടുവരുമെന്ന് പ്രതിപക്ഷം അറിയിച്ചു. അജിത തങ്കപ്പനെ മാറ്റാൻ യുഡിഎഫിൽ ധാരണയായിട്ടുണ്ട്. അതുകൊണ്ടാണ് അവിശ്വാസ പ്രമേയത്തിൽ നിന്ന് യുഡിഎഫ് കൗൺസിലർമാർ വിട്ടുനിൽക്കുന്നതെന്നും പ്രതിപക്ഷം പറഞ്ഞു.
Read More
തൃക്കാക്കര നഗരസഭയിൽ ചെയർപേഴ്‌സണെ തടഞ്ഞ് പ്രതിപക്ഷം; ചേംബറിൽ യോഗം ചേർന്നുവെന്ന് അജിത തങ്കപ്പൻ
സ്പീക്കർക്കെതിരായ അവിശ്വാസ പ്രമേയം തള്ളി; പ്രതിപക്ഷം ഇറങ്ങിപ്പോയി
നിയമസഭാ സമ്മേളനം വെട്ടിച്ചുരുക്കി; സ്പീക്കർക്കെതിരായ അവിശ്വാസ പ്രമേയം 21ന് ചർച്ച ചെയ്യും
വിവാദ ഓണ സമ്മാനം: തൃക്കാക്കര നഗരസഭാ അധ്യക്ഷയോട് പ്രതിപക്ഷ നേതാവ് വിശദീകരണം തേടി
