സിബിഎസ്ഇ 12ാം ക്ലാസ് പരീക്ഷാ ഫലം ജൂലൈ 31ന് പ്രഖ്യാപിക്കുമെന്ന് കേന്ദ്രസർക്കാർ. സുപ്രീം കോടതിയിലാണ് ഇക്കാര്യം അറിയിച്ചത്. 10, 11, 12 ക്ലാസുകളിലെ പ്രകടന മികവിന്റെ അടിസ്ഥാനത്തിലാകും അന്തിമ സ്‌കോർ നിർണയിക്കുക എന്നും അറ്റോർണി ജനറൽ കോടതിയെ അറിയിച്ചു.
10, 11 ക്ലാസുകളിലെ വാർഷിക പരീക്ഷയുടെയും 12ാം ക്ലാസിലെ പ്രീ ബോർഡ് പരീക്ഷയുടെയും ഫലമാണ് അന്തിമ സ്‌കോറിനു പരിഗണിക്കുക. പത്താം ക്ലാസിലെ പ്രകടനത്തിന് 30 ശതമാനം വെയ്റ്റേജ് ആണ് നൽകുക. അഞ്ച് പ്രധാന വിഷയങ്ങളിൽ വിദ്യാർഥി കൂടുതൽ മികവ് കാണിച്ച മൂന്ന് വിഷയങ്ങളുടെ മാർക്കിന്റെ ശരാശരി കണക്കാക്കിയാണ് വെയ്റ്റേജ് നിശ്ചയിക്കുന്നത്.
11 ാം ക്ലാസിലെ പ്രകടനത്തിനും 30 ശതമാനം വെയ്റ്റേജാണ് നൽകുന്നത്. യൂണിറ്റ് പരീക്ഷകൾ, ടേം എക്സാമുകൾ, വാർഷിക പരീക്ഷ, സ്‌കൂളുകൾ സ്വന്തം നിലയ്ക്കു നടത്തിയ പരീക്ഷകൾ എന്നിവയുടെ എല്ലാം അടിസ്ഥാനത്തിലാകും 11ാം ക്ലാസിൽ വെയ്റ്റേജ് നിർണയിക്കുക.
Read More
സിബിഎസ്ഇ പന്ത്രണ്ടാം ക്ലാസ് പരീക്ഷ റദ്ദാക്കി
സിബിഎസ്ഇ 10ാം ക്ലാസ് പരീക്ഷ റദ്ദാക്കി; 12ാം ക്ലാസ് പരീക്ഷ സാഹചര്യം മെച്ചപ്പെട്ടാൽ നടത്തും
സിബിഎസ്ഇ 10, 12ാം തരം പരീക്ഷകൾ മെയ് നാല് മുതൽ; പ്രാക്ടിക്കൽ മാർച്ചിന് ആരംഭിക്കും
എസ് എസ് എൽ സി പരീക്ഷാ ഫലം ഈ മാസം 30 ന്; ഹയർസെക്കൺഡറി രണ്ടാം വർഷം ഫലം അടുത്തമാസം 10ന്
