തിരുവനന്തപുരം: ശബരിമല സ്വര്‍ണക്കൊള്ള കേസിലും ആടിയശിഷ്ടം നെയ്യ് ക്രമക്കേടിലും ആരോപണ വിധേയനായ ശബരിമല മുന്‍ എക്സിക്യൂട്ടീവ് ഓഫിസര്‍ക്ക് ഒ ജി ബിജുവിന് പ്രത്യേക പദവി നല്‍കില്ല. ദേവസ്വം ബോര്‍ഡ് ഇത് സംബന്ധിച്ച തീരുമാനത്തില്‍ നിന്ന് പിന്മാറി. ആരോപണ വിധേയന് പദവി നല്‍കുന്നത് വിവാദമായതോടെയാണ് തീരുമാനം. ഒ ജി ബിജു പദവി ഏറ്റെടുക്കാന്‍ താല്പര്യമില്ലെന്ന് അറിയിച്ചെന്നാണ് ദേവസ്വം ബോര്‍ഡ് നല്‍കുന്ന വിശദീകരണം.
ശബരിമല സ്വര്‍ണ്ണകൊള്ള, നെയ്യ് ക്രമക്കേട് ഉള്‍പ്പെടെ നടന്ന കാലഘട്ടത്തിലെ ശബരിമല എക്സിക്യൂട്ടീവ് ഓഫീസര്‍ ആയിരുന്നു ഒ ജി ബിജു. ഈ അഴിമതി ആരോപണങ്ങളിലെല്ലാം ബിജുവിന് പങ്കുണ്ടെന്ന സംശയം നിലനില്‍ക്കവെയാണ് പുതിയ പദവി നല്‍കാന്‍ ധാരണയായിരുന്നത്. ഒ ജി ബിജുവിനെ നിയമിച്ചതില്‍ ഭിന്നാഭിപ്രായം ഉയര്‍ന്നെങ്കിലും പരിചയ സമ്പന്നന്‍ എന്ന നിലയിലായിരുന്നു പദവി നല്‍കാന്‍ തീരുമാനമായത്.
നേരത്തെ ബിജുവിനെ ശബരിമല എക്സിക്യൂട്ടീവ് ഓഫിസറാക്കി തുടര്‍ച്ച നല്‍കാനുള്ള തീരുമാനം ഹൈക്കോടതി ഇടപെട്ട് തടഞ്ഞിരുന്നു. എക്സിക്യൂട്ടീവ് ഓഫിസറുടെ ജോലിഭാരം കണക്കിലെടുത്ത് സഹായിക്കാനാണ് നിയമനമെന്നായിരുന്നു ബോര്‍ഡ് നല്‍കിയ വിശദീകരണം.
Read More
ശബരിമല സ്വര്‍ണപ്പാളി വിവാദം; ഉണ്ണികൃഷ്ണന്‍ പോറ്റി ആരുടെ ബിനാമി ?
ഇടപാടിന് നേതൃത്വം വഹിച്ചു? ശബരിമല മില്‍മ നെയ്യ് ക്രമക്കേട്; പി എസ് പ്രശാന്തിനേയും അജികുമാറിനേയും പ്രതിചേര്‍ക്കും
മുടിക്കും ചർമ്മത്തിനും നെയ്യ് എങ്ങനെ ഉപയോഗിക്കാം
ശബരിമല സ്വര്‍ണ്ണക്കൊള്ള; 2019 ല്‍ കട്ടിള പാളി കൊണ്ടു പോയത് ബോര്‍ഡ് അറിഞ്ഞില്ലെന്ന വാദം നിലനില്‍ക്കില്ല; തെളിയിക്കുന്ന ദേവസ്വം ആക്ടിന്റെ പകര്‍പ്പ് പുറത്ത്
