കോൺഗ്രസ് ആസ്ഥാനത്തെ സ്വാതന്ത്ര്യ ദിനാഘോഷത്തിനിടെ, വന്ദേമാതരം മുഴുവൻ പാടിയത് ആശയവിനിമയത്തിന്റെ പ്രശ്നമെന്ന് എഐസിസി ജനറൽ സെക്രട്ടറി കെസി വേണുഗോപാൽ. യഥാർത്ഥ വിഷയങ്ങളിൽ ജനശ്രദ്ധ തിരിക്കാൻ കേന്ദ്രസർക്കാർ ശ്രമിക്കുകയാണ്. വന്ദേമാതരം മുഴുവൻ പാടാതിരുന്ന കേരളസർക്കാർ നിലപാടാണ് ശരിയെന്നും കെസി വേണുഗോപാൽ പറഞ്ഞു.
തങ്ങൾ വന്ദേമാതരത്തെ ബഹുമാനിക്കുന്നവരാണെന്ന് കെസി വേണുഗോപാൽ പറഞ്ഞു. ബിജെപിക്ക് എല്ലാം ആയുധമാണ്. അവർ എല്ലാം രാഷ്ട്രീയമായി ഉപയോഗിക്കുന്നു. വന്ദേമാതരവും , സ്വാതന്ത്ര സമരവും , ദേശീയഗാനവും ബിജെപിക്ക് രാഷ്ട്രീയ ഉപകരണമെന്ന് കെ സി വേണുഗോപാൽ വിമർശിച്ചു. കേരള സർക്കാർ വന്ദേമാതരം എന്തുകൊണ്ട് പാടിയില്ലെന്ന ചോദ്യത്തിന് അതിന് കേരള സർക്കാരിന് അവരുടേതായ കാര്യങ്ങൾ ഉണ്ടാകുമെന്നായിരുന്നു കെസി വേണുഗോപാലിന്റെ മറുപടി. കേരളം സ്വീകരിച്ച നിലപാട് ശരിയെന്നാണ് തന്റെ അഭിപ്രായമെന്നും അദേഹം കൂട്ടിച്ചേർത്തു.മലപ്പുറത്ത് കോൺഗ്രസ് പരിപാടിയിൽ എംഎൽഎമാർ മുഖ്യമന്ത്രി വി ഡി സതീശന്റെ പേര് പരാമർശിക്കാതിരുന്ന സംഭവത്തിൽ, ആർക്ക് വേണ്ടിയാണ് വിവാദമുണ്ടാക്കുന്നതെന്ന് തനിക്കറിയാമെന്ന് കെസി വേണുഗോപാൽ പറഞ്ഞു. മാധ്യമങ്ങൾക്ക് വിവാദങ്ങളോടാണ് താത്പര്യമെന്നും അദേഹം കുറ്റപ്പെടുത്തി. കെപിസിസി അധ്യക്ഷ സ്ഥാനം സംബന്ധിച്ച് പാർട്ടി തീരുമാനമെടുക്കുമെന്ന് കെസി വേണുഗോപാൽ വ്യക്തമാക്കി.
Read More
കേരളത്തിൽ ബിജെപി ഭരിച്ചാൽ എന്താണ് നടക്കുക അതാണ് യുഡിഎഫ് സർക്കാർ നടപ്പിലാക്കുന്നത്; വന്ദേ മാതര വിവാദത്തിൽ മുഹമ്മദ് റിയാസ് എംഎൽഎ
‘എസ്.ഐ.ആർ നടപ്പാക്കുന്നത് തിരഞ്ഞെടുപ്പ് അട്ടിമറിക്കാനുള്ള രഹസ്യ അജണ്ട’; കെസി വേണുഗോപാൽ
‘അമിത് ഷാ സഭയിൽ എത്തും വരെ സഹകരിക്കില്ല; FCRA ബിൽ കൊണ്ടുവരാമെന്ന് കേന്ദ്രം കരുതേണ്ട’; കെ സി വേണുഗോപാൽ
വന്ദേമാതരം ഉത്തരവ്, മുഖ്യമന്ത്രിയുമായി സംസാരിച്ചിട്ട് പറയാം; നിലപാടിൽ മാറ്റമില്ലെന്ന് പി കെ കുഞ്ഞാലിക്കുട്ടി
