നഴ്സുമാരുടെ വേഷത്തെക്കുറിച്ച് നടി കങ്കണാ റണൗട്ട് നടത്തിയ പരാമര്ശത്തിനെതിരെ ലോക്സഭാ സ്പീക്കര്ക്ക് പരാതി. യൂത്ത് കോണ്ഗ്രസ് നേതാവാണ് കത്തയച്ചത്. വിവാദമായെങ്കിലും പരാമര്ശം പിന്വലിക്കാന് നടി തയ്യാറായില്ല. പ്രതിഷേധങ്ങള്ക്കിടെ നടിയെ പിന്തുണച്ച് ബിജെപി നേതാക്കളും രംഗത്തെത്തി. (complaint against Kangana Ranaut’s controversial remark on nursing)
നഴ്സായി വേഷമിടുന്ന പുതിയ ചിത്രത്തിന്റെ പ്രമോഷന് പരിപാടിക്കിടെയാണ് കങ്കണ വിവാദപരാമര്ശം നടത്തിയത്. ഇന്ത്യയിലെ നഴ്സിംഗ് ജോലി ലൈംഗിക വത്കരിക്കപ്പെട്ടെന്നും വിദേശ രീതിയിലുള്ള വേഷം മാറേണ്ടതുണ്ടെന്നുമാണ് നടി പറഞ്ഞത്. ഒരു എംപി എന്ന പദിവിയിലിരിക്കെ നടി നടത്തിയ പരാമര്ശം അതീവ ഗുരുതരമാണെന്നും കടുത്ത നടപടി വേണമെന്നുമാണ് ലോക്സഭാ സ്പീക്കര്ക്ക് കിട്ടിയ പരാതി. യൂത്ത് കോണ്ഗ്രസ് നേതാവും ഒരു നഴ്സിന്റെ മകനുമായ വിനീത് തോമസാണ് കത്ത് നല്കിയത്.കങ്കണയുടെ പരാമര്ശത്തിനെതിരെ നഴ്സുമാരുടെ സംഘടനകള് അടക്കം പ്രതിഷേധം രേഖപ്പെടുത്തി. ഇന്നലെ രാത്രി ഛത്തീസ്ഗഡില് മാധ്യമങ്ങളെ കണ്ടപ്പോള് അഭിപ്രായം നഴ്സുമാര് പറയട്ടെ എന്നായിരുന്നു കങ്കണയുടെ മറുപടി. അതേസമയം കങ്കണയുടെ പരാമര്ശത്തിന് ബിജെപി നേതാക്കള് പിന്തുണ അറിയിച്ചു. നഴ്സുമാരുടെ വേഷം ഇന്ത്യന് രീതിയിലേക്ക് മാറ്റണമെന്ന് ടിആര് ശ്രീനിവാസ് ആവശ്യപ്പെട്ടു.
Read More
NI Indian Nurses Forum അന്താരാഷ്ട്ര നഴ്സസ് ദിനാഘോഷം ആചരിച്ചു
അബിന്വര്ക്കിയ്ക്ക് തടസമായത് സാമുദായിക സമവാക്യം; കോണ്ഗ്രസില് വീണ്ടും ഗ്രൂപ്പ് ചര്ച്ചകള് സജീവം
തദ്ദേശ തിരഞ്ഞെടുപ്പ്: കണക്കുകൾ :വയനാട്ടിലെ വോട്ടനുപാതം
ഒമിക്രോണ് കേസുകള് കുതിച്ചുയര്ന്നതോടെ കനേഡിയന് ആശുപത്രികളില് നഴ്സുമാരുടെ ക്ഷാമം
