കുറഞ്ഞ വൈദ്യുതി ഉപയോഗത്തില് തണുപ്പിനൊപ്പം ചൂടുവെള്ളവും ലഭ്യമാക്കുന്ന ചില്ട്ടന് റഫ്രിജറേഷന്റെ ‘ഡ്യുവല് പര്പ്പസ് എസി’ക്ക് കേരള മാനേജ്മെന്റ് അസോസിയേഷന്റെ (കെ.എം.എ) സസ്റ്റൈനബിള് ഇന്നൊവേഷന് പുരസ്കാരം. കൊച്ചി താജ് വിവാന്തയില് നടന്ന നാലാമത് കെ.എം.എ ഗ്രീന് പാംസ് സസ്റ്റൈനബിലിറ്റി ഉച്ചകോടിയില് പ്രോഡക്ട്സ് വിഭാഗത്തിലാണ് കമ്പനിക്ക് പുരസ്കാരം ലഭിച്ചത്. ചില്ട്ടന് റഫ്രിജറേഷന് ഫൗണ്ടറും മാനേജിംഗ് ഡയറക്ടറുമായ പി.ജി. ചില് പ്രകാശ്, ഡയറക്ടര് വിവേക് ചില് പ്രകാശ് എന്നിവര് ചേര്ന്ന് അവാര്ഡ് ഏറ്റുവാങ്ങി. (Chilton Refrigeration’s ‘Dual Purpose AC’ wins KMA Sustainable Innovation Award)അധിക ഊര്ജ്ജമോ മറ്റ് ഹീറ്റിംഗ് യൂണിറ്റുകളോ ഇല്ലാതെ തന്നെ എസിയില് നിന്നുള്ള താപം ഉപയോഗിച്ച് ചൂടുവെള്ളം ലഭ്യമാക്കുന്ന നൂതന സാങ്കേതികവിദ്യയാണ് ഈ ഉല്പ്പന്നത്തിന്റെ പ്രത്യേകത. കോഴിക്കോട് എന്.ഐ.ടി, മദ്രാസ് ഐ.ഐ.ടി ഉള്പ്പെടെ രാജ്യത്തെ പ്രമുഖ ഗവേഷണ സ്ഥാപനങ്ങള് നടത്തിയ പരിശോധനയില് ഇതിന്റെ കാര്യക്ഷമത ശാസ്ത്രീയമായി തെളിയിക്കപ്പെട്ടിട്ടുണ്ട്. സാധാരണ എസികളെ അപേക്ഷിച്ച് 62 ശതമാനം വൈദ്യുതി ലാഭിക്കാന് ഈ ഡ്യുവല് പര്പ്പസ് എസിയിലൂടെ സാധിക്കും. കൂടാതെ, ആഗോളതാപന സാധ്യതയില് 53 ശതമാനവും അന്തരീക്ഷ താപനില വര്ദ്ധനവില് 21 ശതമാനവും കുറവ് വരുത്താനും ഇതിന് കഴിയും. നേരത്തെ ഈ ഉല്പ്പന്നത്തിന് സി.ഐ.ഐ നല്കുന്ന ‘ഇക്കോ ലേബല്’ പദവിയും ലഭിച്ചിട്ടുണ്ട്.കാലാവസ്ഥാ വ്യതിയാനം കടുത്ത വെല്ലുവിളിയാകുന്ന സാഹചര്യത്തില്, ഊര്ജ്ജ സംരക്ഷണത്തിനായുള്ള തങ്ങളുടെ നിരന്തര പരിശ്രമങ്ങള്ക്കുള്ള അംഗീകാരമാണ് ഈ പുരസ്കാരമെന്ന് എം.ഡി പി.ജി. ചില് പ്രകാശ് പറഞ്ഞു. ഉപഭോക്താക്കള്ക്ക് സാമ്പത്തിക ലാഭം നല്കുന്നതിനൊപ്പം പരിസ്ഥിതി സൗഹൃദമായ ഒരു ആവാസവ്യവസ്ഥ സൃഷ്ടിക്കുകയാണ് കമ്പനിയുടെ ലക്ഷ്യമെന്നും അദ്ദേഹം വ്യക്തമാക്കി. പരിസ്ഥിതി സംരക്ഷണത്തിനും സുസ്ഥിര വികസനത്തിനും പ്രാധാന്യം നല്കുന്ന നൂതന ആശയങ്ങളെ പ്രോത്സാഹിപ്പിക്കുക എന്ന ലക്ഷ്യത്തോടെയാണ് കെ.എം.എ ഈ സമ്മിറ്റും അവാര്ഡുകളും സംഘടിപ്പിക്കുന്നത്.
Read More
തിളങ്ങി ഉര്വശിയും വിജയരാഘവനും; മലയാളത്തിന് അഞ്ച് പുരസ്കാരങ്ങള്; ദേശീയ അവാര്ഡ് ഏറ്റുവാങ്ങി അഭിനേതാക്കള്
സവര്ക്കര് പുരസ്കാരം സ്വീകരിക്കില്ല’; നിലപാട് വ്യക്തമാക്കി ഡോ. ശശി തരൂര്
ഖത്തര് സംസ്കൃതി പന്ത്രണ്ടാമത് സി.വി. ശ്രീരാമന് സാഹിത്യ പുരസ്കാരം ജലീലിയോയ്ക്ക്
71ാമത് ദേശീയ ചലച്ചിത്ര അവാര്ഡ്; മലയാളത്തിന് അഞ്ച് പുരസ്കാരങ്ങള്; പുരസ്കാര നേട്ടത്തില് ഉര്വശിയും വിജയരാഘവനും
