സംസ്ഥാന സർക്കാരിന് താല്പര്യമില്ലാത്തതുകൊണ്ടാണ് രാഹുലിനെ പിടികൂടാൻ പോലീസിന് കഴിയാത്തതെന്ന് കെ സുരേന്ദ്രൻ. തിരുവനന്തപുരം വഞ്ചിയൂരിൽ അഭിഭാഷകന്റെ ഓഫീസിൽ എത്തിയിട്ടും പോലീസിന് പിടികൂടാൻ കഴിഞ്ഞില്ല എന്ന് പറയുമ്പോൾ ഒത്തുകളി വ്യക്തമായി കാണാം. ഒറ്റപ്പാലം അമ്പലപ്പാറയിൽ ബിജെപി യോഗത്തിൽ പങ്കെടുത്ത ശേഷം ആയിരുന്നു പ്രതികരണം.
മഞ്ഞുമലയുടെ ഒരറ്റം മാത്രമാണ് പുറത്തു വന്നതെന്നും രാഹുലിന്റെ അറസ്റ്റ് വൈകുന്നത് മറ്റ് ഇരകളുടെ തെളിവിനെ ബാധിക്കുമെന്നും അദ്ദേഹം വാര്‍ത്താ സമ്മേളനത്തില്‍ പറഞ്ഞു. ഉന്നതരിൽ നിന്നും രാഹുലിന് സഹായം ലഭിക്കുന്നുണ്ടെന്നും ഇരകളെ പങ്കുവെച്ചിട്ടുണ്ടെന്നും അദ്ദേഹം പറഞ്ഞു.
അതേസമയം പാലക്കാട് എംഎൽഎ രാഹുൽ മാങ്കൂട്ടത്തിലിനെതിരെ ഇപ്പോൾ കേസെടുത്തത് ശബരിമല സ്വർണക്കൊള്ളയിൽ നിന്ന് പൊതുജനശ്രദ്ധ തിരിക്കാനുള്ള സിപിഎമ്മിന്റെ രാഷ്ട്രീയ തന്ത്രമാണെന്ന് ബി.ജെ.പി സംസ്ഥാന അധ്യക്ഷൻ രാജീവ് ചന്ദ്രശേഖർ പറഞ്ഞു. ശബരിമല സ്വർണക്കൊള്ള സിപിഎമ്മും കോൺഗ്രസും ഒന്നിച്ച് നടത്തിയതാണെന്നും അത് മറയ്ക്കാൻ ഇരു കൂട്ടരും ഒറ്റക്കെട്ടായി നിൽക്കുകയാണെന്നും രാജീവ് ചന്ദ്രശേഖർ ആരോപിച്ചു.
രാഹുലിനെതിരയുള്ള കേസിന്റെ കാര്യം ബിജെപി വളരെ നാളകൾക്ക് മുൻപ് പറഞ്ഞതാണ്. എന്നാൽ തദ്ദേശ തിരഞ്ഞെടുപ്പിന് 10 ദിവസം മുൻപ് കേസെടുത്തത് രാഷ്ട്രീയ നീക്കമാണ്. മൂന്ന്, മൂന്നരമാസം രാഹുലിനെ റെഡ് കാർപ്പറ്റ് വിരിച്ച് അസംബളിയിൽ കയറ്റിയ സിപിഎം എന്ത് കൊണ്ട് ഇപ്പോൾ കേസെടുത്തു . ഇത് ജനങ്ങളെ വിഢിയാക്കാനാണ്. സിപിഎമ്മും കോൺഗ്രസും ജനങ്ങളുടെശ്രദ്ധ തിരിക്കാൻ ശ്രമിക്കുകയാണ്. അതിന് അനുവദിക്കുകയില്ലെന്നും രാജീവ് ചന്ദ്രശേഖർ പറഞ്ഞു.
Read More
പ്രഭാത വാർത്തകൾ
‘ശബരിമല യുവതി പ്രവേശനം അടഞ്ഞ അധ്യായമല്ല; സിപിഐഎം നേതൃത്വം അയ്യപ്പഭക്തരെ വീണ്ടും അപമാനിക്കുന്നു’ : രാജീവ് ചന്ദ്രശേഖർ
ആത്മഹത്യയും ആത്മഹത്യാ ശ്രമവും; പ്രതിരോധത്തിലായി ബിജെപി- ആർഎസ്എസ് നേതൃത്വങ്ങൾ
‘കന്യാസ്ത്രീകൾക്ക് നീതി ലഭ്യമാകുന്നത് വരെ ഒപ്പമുണ്ടാകും; കോൺഗ്രസ് മുതലെടുപ്പ് നടത്തുന്നു’; രാജീവ് ചന്ദ്രശേഖർ
