റാപ്പര് വേടന്റെ നേതൃത്വത്തില് എറണാകുളം പനമ്പള്ളി നഗറില് സിജെപി ഐക്യദാര്ഢ്യ സദസ് സംഘടിപ്പിച്ച സംഭവത്തില് കേസെടുത്ത് പൊലീസ്. വേടന്റെ മാനേജര് അടക്കം 99 പേരെ പ്രതിചേര്ത്താണ് എറണാകുളം സൗത്ത് പൊലീസ് കേസെടുത്തത്. പാട്ടും പ്രതിഷേധവും എന്ന പേരില് ചൊവ്വാഴ്ചയാണ് പരിപാടി നടന്നത്. ( case against cjp solidarity program of rapper vedan)
അനുമതിയില്ലാതെയാണ് പരിപാടി നടത്തിയതെന്ന് ചൂണ്ടിക്കാട്ടിയാണ് കേസെടുത്തിരിക്കുന്നത്. രാഷ്ട്രീയ, സാംസ്കാരിക, സ്പോര്ട്ട്സ് മേഖലയില് നിന്നുള്ള നിരവധി ആളുകള് വേടന്റെ പരിപാടിയില് പങ്കെടുത്തിരുന്നു. സിഎഎ പ്രതിഷേധം, ശബരിമല പ്രതിഷേധം മുതലായവ സംഘടിപ്പിച്ചപ്പോള് പ്രതിഷേധക്കാര്ക്കെതിരെ കേസെടുത്തതിന് മുന് സര്ക്കാരിനെ വിമര്ശിച്ച അന്നത്തെ പ്രതിപക്ഷം ഭരണമേറ്റെടുക്കുമ്പോഴാണ് ഇത്തരമൊരു കേസെടുത്തിരിക്കുന്നത് എന്നത് ശ്രദ്ധേയമാണ്.കേന്ദ്രത്തില് രാഹുല് ഗാന്ധിയുടെ നേതൃത്വത്തില് കോണ്ഗ്രസും ഇന്ത്യ മുന്നണിയും വിദ്യാര്ഥികള്ക്ക് ഐക്യദാര്ഢ്യം അറിയിച്ച് മിന്നല് പ്രതിഷേധങ്ങള് നടത്തിയിരുന്നു. ഇതിനെതിരായ പൊലീസ് നടപടിയില് ഉള്പ്പെടെ പ്രതിഷേധിക്കുന്ന കോണ്ഗ്രസിന്റെ നേതൃത്വത്തിലുള്ള സര്ക്കാരാണ് ഇപ്പോള് പ്രതിഷേധത്തിന്റെ പേരില് റാപ്പര് വേടന്റെ സംഘത്തിനെതിരെ കേസെടുത്തിരിക്കുന്നത്.
Read More
വികസന സദസ് സംഘടിപ്പിക്കാനുള്ള നീക്കം: ‘ ഭരണ പരാജയം മറയ്ക്കാനുള്ള പുകമറ’ : സണ്ണി ജോസഫ്
‘മാനിഷാദ’ ; ഗാന്ധിജയന്തി ദിനത്തില് നേതൃത്വത്തില് ഗസ ഐക്യദാര്ഢ്യ സദസുകള് സംഘടിപ്പിക്കാന് കോണ്ഗ്രസ്
ജന്തര് മന്തര് പ്രതിധ്വനിച്ചു; കേരളത്തിലും പ്രതിഷേധം ആര്ത്തിരമ്പുന്നു, വിദ്യാര്ത്ഥി നിബിഡമായി തെരുവുകള്
‘ജന്തർ മന്തറിൽ നേരിട്ടെത്തിയാൽ ചർച്ച; നഡ്ഡയുമായുള്ള ചർച്ച വെറുതെ സമയം കളഞ്ഞു’
