വയനാട് പുൽപ്പള്ളിയിൽ കുഴഞ്ഞ് വീണ വീട്ടമ്മക്ക് ചികിത്സ നൽകിയില്ലെന്ന് പരാതി. പുൽപ്പള്ളി കമ്മ്യൂണിറ്റി ഹെൽത്ത് സെൻററിലെ ഡ്യൂട്ടി ഡോക്ടർക്ക് എതിരെയാണ് ആരോപണം. ഒ പി സമയം കഴിഞ്ഞെന്ന് ചൂണ്ടിക്കാട്ടി പ്രാഥമിക ചികിത്സ നിഷേധിച്ചെന്നാണ് പരാതി. പുൽപ്പള്ളി കൃഷിഭവനിൽ മികച്ച കർഷകരെ ആദരിക്കുന്ന ചടങ്ങിൽ പങ്കെടുക്കാൻ എത്തിയതായിരുന്നു വീട്ടമ്മ. അതിനിടെയാണ് കുഴഞ്ഞുവീണത്. ഉടൻ തന്നെ തൊട്ടടുത്തുള്ള കമ്യൂണിറ്റി ഹെൽത്ത് സെന്റററിൽ എത്തിച്ചെങ്കിലും ഡ്യൂട്ടി ഡോകട്ർ ഒ പി സമയം കഴിഞ്ഞെന്ന് പറഞ്ഞ് വീട്ടമ്മയ്ക്ക് ചികിത്സ നിഷേധിക്കുകയായിരുന്നു.
സംഭവത്തിൽ ഡോക്ടർക്കെതിരെ കുടുംബം പരാതി നൽകി. പഞ്ചായത്ത് അധികൃതർ ഡിഎംഒയ്ക്കാണ് പരാതി നൽകിയത്. വീട്ടമ്മയെ പിന്നീട് മറ്റൊരു സ്വകാര്യ ആശുപത്രിയിൽ എത്തിച്ച് ചികിത്സ നൽകി.
Read More
ന്യൂമോണിയ ബാധിച്ച് ഭിന്നശേഷിക്കാരിയായ പെൺകുട്ടി മരിച്ചു: കോഴിക്കോട് മെഡിക്കൽ കോളജിൽ ചികിത്സ നിഷേധിച്ചതായി പരാതി
കൊട്ടിയൂർ ക്ഷേത്ര ദർശനത്തിനെത്തിയ നടൻ ജയസൂര്യയുടെ കൂടെയുള്ളവർ ഫോട്ടോഗ്രാഫറെ മർദിച്ചെന്ന് പരാതി; ചികിത്സ തേടി ദേവസ്വം ഫോട്ടോഗ്രാഫർ
വി കെ ശശികലയ്ക്ക് കൊവിഡ് സ്ഥിരീകരിച്ചു; ചികിത്സ ലഭിക്കാന്‍ വൈകിയെന്ന് പരാതി
കോട്ടയത്ത് ഗർഭിണിക്ക് സ്വകാര്യ ആശുപത്രികൾ ചികിത്സ നിഷേധിച്ചതായി പരാതി
