പത്തനംതിട്ട ∙ സിബിഎസ്ഇ / ഐസിഎസ്ഇ സിലബസിൽ പഠിക്കുന്ന വിദ്യാർഥികളുടെ പത്താം ക്ലാസ് സർട്ടിഫിക്കറ്റുകളിൽ ജാതിയും മതവും രേഖപ്പെടുത്താത്ത രീതി, സംവരണ ആനുകൂല്യങ്ങൾ ലഭ്യമാക്കുന്നതിൽ പ്രായോഗിക പ്രതിസന്ധി സൃഷ്ടിക്കുമെന്ന് ആശങ്ക. എസ്എസ്എൽസി സർട്ടിഫിക്കറ്റുകളിൽ ജാതിയും മതവും പ്രത്യേകം രേഖപ്പെടുത്തുന്നുണ്ട്.ഉന്നതവിദ്യാഭ്യാസ പ്രവേശനം, സ്കോളർഷിപ്പുകൾ, സർക്കാർ നിയമനങ്ങൾ തുടങ്ങിയ ആവശ്യങ്ങൾക്കു നിലവിൽ ജാതി രേഖ ആവശ്യമാണ്. നിലവിൽ സിബിഎസ്ഇ, ഐസിഎസ്ഇ സിലബസിൽ പഠിച്ചവർ ജാതി, നോൺ-ക്രീമിലെയർ സർട്ടിഫിക്കറ്റുകൾക്കായി അപേക്ഷിക്കുമ്പോൾ മാതാപിതാക്കളുടെ എസ്എസ്എൽസി സർട്ടിഫിക്കറ്റാണു ജാതി തെളിയിക്കുന്നതിനുള്ള രേഖയായി ഉപയോഗിക്കുന്നത്.സിബിഎസ്ഇ/ ഐസിഎസ്ഇ സിലബസിൽ വിദ്യാഭ്യാസം നേടിയ മാതാപിതാക്കളുടെ എണ്ണം വർധിക്കുന്നതോടെ സാഹചര്യം മാറും. ഇരുവരുടെയും പത്താം ക്ലാസ് സർട്ടിഫിക്കറ്റുകളിൽ ജാതി രേഖപ്പെടുത്തിയിട്ടില്ലാത്തതിനാൽ കുട്ടികൾക്ക് ജാതി തെളിയിക്കുന്നതിനുള്ള അടിസ്ഥാന രേഖകൾ ഹാജരാക്കുന്നതിൽ ബുദ്ധിമുട്ട് നേരിടേണ്ടിവരുമെന്നാണു ആശങ്ക.
പ്രശ്നപരിഹാരത്തിനു വ്യക്തമായ മാർഗനിർദേശങ്ങളും ബദൽരേഖ സംവിധാനവും സർക്കാർ ഒരുക്കണമെന്ന് ആവശ്യമുണ്ട്.
Read More
എസ്എസ്എൽസി, പ്ലസ്ടു പരീക്ഷകൾ എഴുതുന്ന വിദ്യാർത്ഥികൾ ഇക്കാര്യങ്ങള് നിര്ബന്ധമായും ശ്രദ്ധിക്കണം
സിബിഎസ്ഇ പത്താം ക്ലാസ് പരീക്ഷാ ഫലം അനിശ്ചിതമായി വൈകുന്നതില് ആശങ്കയുമായി വിദ്യാര്ത്ഥികൾ
‘കാലിക്കറ്റ് സർവകലാശാല സിലബസിൽ നിന്ന് വേടന്റെ പാട്ടുകൾ ഒഴിവാക്കാൻ ശിപാർശ’; പഠനം നടത്തി വിസിക്ക് റിപ്പോർട്ട് സമർപ്പിച്ച് മലയാളം വിഭാഗം മേധാവി
സ്കൂളുകള് തുറക്കുന്നത് സംബന്ധിച്ച് സിബിഎസ്ഇ സ്കൂള് മാനേജ്മെന്റ് അസോസിയേഷന്
