രമേശ് ചെന്നിത്തലയുടെ പേഴ്സണൽ സ്റ്റാഫ് നിയമനത്തിനെതിരെ DYFI സംസ്ഥാന സെക്രട്ടറി വി കെ സനോജ്. കഞ്ചാവ് കേസിലെ പ്രതിയുടെ സഹോദരനെ പേഴ്സണൽ സ്റ്റാഫ് അംഗമാക്കി. നഹാസ് പത്തനംതിട്ട എന്ന യൂത്ത് കോൺഗ്രസ് നേതാവിനെയാണ് പേഴ്സണൽ സ്റ്റാഫിൽ ഉൾപ്പെടുത്തിയത്. കഞ്ചാവ് കേസ് നന്നായി അന്വേഷിച്ചാൽ നഹാസ് കേസിൽ പ്രതിയാകും. ഓപ്പറേഷൻ തൂഫാന് നേതൃത്വം കൊടുക്കുന്ന ഓഫീസിലാണ് കഞ്ചാവ് കേസിലെ പ്രതിയുടെ ബന്ധുവിനെ നിയമിക്കുന്നതെന്നും അദ്ദേഹം വിമർശിച്ചു.
യുഡിഎഫ് സർക്കാർ നിയമനങ്ങളിൽ സ്വന്തക്കാരെ കുത്തി തിരുകുന്നു. ഇത് ആർ എസ് എസ് യു ഡി എഫ് ഡീലിൻ്റെ ഭാഗമാണെന്ന് വികെ സനോജ് പറഞ്ഞു. ബി.അശോകിനെ എന്ത് ഡീലിൻ്റെ ഭാഗമായാണ് ഉന്നത വിദ്യഭ്യാസ സെക്രട്ടറിയായി നിയമിച്ചത്. ബി. അശോകിൻ്റെ മുൻ നിലപാട് പരിശോധിച്ചാൽ മതിയാകും അയാൾ സംഘപരിവാറുകാരനാണെന്ന്. എന്താണ് ഡീൽ എന്ന് തിരിച്ചറിയാൻ കേരളത്തിലെ ജനങ്ങൾക്ക് താൽപ്പര്യമുണ്ടെന്നും വികെ സനോജ് പറഞ്ഞു.
ആർ എസ് എസിൻ്റെ പരിപാടിയിൽ സർവകലാശാല വിസി മാർ പങ്കെടുത്തത് എന്ത് അടിസ്ഥാനത്തിലാണെന്നും അദ്ദേഹം ആരാഞ്ഞു. യുഡിഎഫ് ആർ എസ് എസുമായി നടത്തുന്ന ഡീൽ ഓരോ ദിവസവും പുറത്ത് വരികയാണ്. വിസിമാർ മാപ്പ് പറയാൻ അവശ്യപ്പെട്ടതു കൊണ്ട് മാത്രമായില്ലെന്നും സനോജ് വ്യക്തമാക്കി.
Read More
‘വയനാടിന്റെ പേരിൽ യൂത്ത് കോൺഗ്രസുകാർ പിരിച്ചു മുക്കി എന്നാണ് ചിലർ പറയുന്നത്; DYFI നിയമനടപടിയിലേക്ക് പോകുന്നത് ആലോചിക്കും’: വി കെ സനോജ്
അഗളിയില് കഞ്ചാവ് വേട്ട; മൂന്നുമാസം പ്രായമായ പതിനായിരത്തോളം കഞ്ചാവ് ചെടികള് കണ്ടെത്തി നശിപ്പിച്ചു
‘പെൺകുട്ടി അർധ വസ്ത്രം ധരിച്ചു മന്ത്രിമാർക്കൊപ്പം ഉള്ള ചിത്രങ്ങൾ പുറത്ത് വന്നില്ലേ’; പരാതി ഉന്നയിച്ച സ്ത്രീകളെ അപമാനിച്ചു വികെ ശ്രീകണ്ഠൻ എംപി
‘ലഹരി കേസിൽപ്പെട്ട ആരും പേഴ്സണൽ സ്റ്റാഫിൽ ഉണ്ടാകില്ല’; ഓപറേഷൻ തൂഫാൻ എല്ലാവരും ഏറ്റെടുക്കണമെന്ന് രമേശ് ചെന്നിത്തല
