പെരുന്ന: അഭിപ്രായ ഭിന്നതകള്‍ മറന്ന് ഒടുവില്‍ എന്‍എസ്എസ് ജനറല്‍ സെക്രട്ടറി ജി സുകുമാരന്‍ നായര്‍ക്കും മുഖ്യമന്ത്രി വി ഡി സതീശനുമിടയില്‍ മഞ്ഞുരുക്കം. മന്നം ജയന്തി ആഘോഷങ്ങളില്‍ പങ്കെടുക്കാന്‍ മുഖ്യമന്ത്രിയെ ഫോണിലൂടെ വിളിച്ചിട്ടുണ്ടെന്നും അദ്ദേഹം പങ്കെടുക്കുമെന്ന് അറിയിച്ചിട്ടുണ്ടെന്നും ജി സുകുമാരന്‍ നായര്‍ മാധ്യമങ്ങളോട് പറഞ്ഞു. തങ്ങള്‍ തമ്മിലുള്ള എല്ലാ കാര്യങ്ങളും ഒത്തുതീര്‍പ്പായിട്ടുണ്ടെന്നും സുകുമാരന്‍ നായര്‍ കൂട്ടിച്ചേര്‍ത്തു. (conflicts resolved between vd satheesan and g sukumaran nair)
ഫോണില്‍ കിട്ടാതിരുന്ന സാഹചര്യം ഉള്‍പ്പെടെ മുഖ്യമന്ത്രി ബോധ്യപ്പെടുത്തിയെന്നും അത് സ്വീകാര്യമായി തോന്നുന്നു എന്നുമാണ് സുകുമാരന്‍ നായരുടെ പ്രതികരണം. മുഖ്യമന്ത്രി കൃത്യമായി സാഹചര്യങ്ങള്‍ പറയുമ്പോള്‍ അതിനെ എതിര്‍ക്കേണ്ടതില്ലല്ലോ എന്നും സുകുമാരന്‍ നായര്‍ മാധ്യമങ്ങളോട് പറഞ്ഞു.മുഖ്യമന്ത്രിയായിട്ടുള്ള വി ഡി സതീശന്റെ പ്രവര്‍ത്തനങ്ങളില്‍ എന്‍എസ്എസിന് അഭിപ്രായ വ്യത്യാസങ്ങളൊന്നുമില്ലെന്ന് സുകുമാരന്‍ നായര്‍ പറഞ്ഞു. സര്‍ക്കാരിന്റെ തുടക്ക സമയമാണല്ലോ ഇത്. ചെറിയ ചെറിയ അഭിപ്രായ ഭിന്നതകള്‍ പരിഹരിച്ച് മുന്നോട്ടുപോകണമെന്നും അദ്ദേഹം പറഞ്ഞു. സംസ്ഥാന സര്‍ക്കാരിന് മുന്നിലോ കേന്ദ്ര സര്‍ക്കാരിന് മുന്നിലോ ഒരു ആവശ്യവുമായി എന്‍എസ്എസ് എത്തിയിട്ടില്ല. സാമ്പത്തിക സംവരണം നടപ്പിലാക്കണമെന്നതാണ് ആദ്യം മുതല്‍ക്കേയുള്ള ആവശ്യം. ചില സംഘടനകള്‍ പറയുന്നത് പിന്നോക്ക വിഭാഗത്തില്‍പ്പെട്ട ദരിദ്രരായവര്‍ക്ക് സംവരണം നല്‍കണമെന്നാണ്. പക്ഷേ തങ്ങള്‍ ആവശ്യപ്പെടുന്നത് സാമ്പത്തികത്തെ അടിസ്ഥാനപ്പെടുത്തിയുള്ള സംവരണമാണെന്നും ജി സുകുമാരന്‍ നായര്‍ കൂട്ടിച്ചേര്‍ത്തു.
Read More
ലക്ഷ്യമിടുന്നത് വിഡി സതീശനെ? കോണ്‍ഗ്രസുമായല്ല അകല്‍ച്ചയെന്ന് സൂചന നല്‍കി ജി സുകുമാരന്‍ നായര്‍
പത്മയില്‍ തട്ടി തകര്‍ന്ന നായര്‍-ഈഴവ ഐക്യം; വെള്ളാപ്പള്ളിയുടെ കെണിയില്‍ വീഴാതെ സുകുമാരന്‍ നായര്‍ രക്ഷപ്പെട്ടതോ ?
‘ഭക്തരെ പിന്നില്‍ നിന്ന് കുത്തിയ കട്ടപ്പ’; ജി സുകുമാരന്‍ നായര്‍ക്കെതിരെ പത്തനംതിട്ടയില്‍ വീണ്ടും പ്രതിഷേധബാനര്‍
‘എന്നെക്കൊണ്ടും വാ തുറപ്പിക്കാതിരിക്കുന്നതാണ് പുള്ളിക്ക് നല്ലത്’; ജി സുകുമാരന്‍ നായരെ വെല്ലുവിളിച്ചും ആരോപണം ഉന്നയിച്ചും കെ ബി ഗണേഷ്‌കുമാര്‍
