തൃശൂരിൽ എൽഡിഎഫ് കൗൺസിലർ ഷീബ ബാബു ബിജെപിയിൽ ചേർന്നു

തൃശ്ശൂരിൽ തദ്ദേശ തെരഞ്ഞെടുപ്പിൽ രാഷ്ട്രീയ നീക്കവുമായി BJP. എൽഡിഎഫ് കൗൺസിലറെ ബിജെപി പാളയത്തിൽ എത്തിച്ചു. ജനതാദൾ (എസ്) അംഗം ഷീബ ബാബു ആണ് ബിജെപിയിൽ ചേർന്നത്. ഷീബ നിലവിൽ സ്റ്റാൻഡിങ് കമ്മറ്റി അംഗമാണ്. ഷീബ ബാബുവിനെ NDA സ്വതന്ത്ര സ്ഥാനാർത്ഥിയായി പ്രഖ്യാപിച്ചുഷീബയുടെ ചുവടുമാറ്റത്തിന് പിന്നിൽ എൽഡിഎഫിലെ സീറ്റ് തർക്കം. കൃഷ്ണാപുരത്താകും ഷീബ മത്സരിക്കുക. തൃശൂരിൽ 56 സീറ്റിൽ 29 സീറ്റുകളിൽ ബിജെപി സ്ഥാനാർത്ഥികളെ പ്രഖ്യാപിച്ചു.

ജനതാദൾ എസ് ദേശീയതലത്തിൽ എൻഡിഎയുടെ ഭാഗമെന്ന് ഷീബാ ബാബു പറഞ്ഞു. മൂന്നുതവണയും തെരഞ്ഞെടുത്ത ജനങ്ങൾക്ക് ആവശ്യമായ വികസനം എത്തിക്കാൻ കഴിഞ്ഞിട്ടില്ല. വികസനത്തിനു വേണ്ടി പ്രവർത്തിക്കാനുള്ള ഗ്രൗണ്ട് തടയപ്പെട്ടു. ഫണ്ടുകൾ അനുവദിക്കുന്നതിന് വലിയ തടസ്സമാണ് ഉണ്ടായത്.

എല്ലായിടങ്ങളിലും പരാതിപ്പെട്ടു, ഫലം ഉണ്ടായില്ല. ഒന്നര വർഷമായി മുന്നണി കാര്യങ്ങൾ അറിയിക്കാറില്ല. സ്വതന്ത്രയായി മത്സരിക്കാൻ തീരുമാനിച്ചപ്പോൾ എൻഡിഎ പിന്തുണ പ്രഖ്യാപിക്കുകയായിരുന്നു. ഭാവിയിൽ ബിജെപിയുടെ അംഗത്വമെടുക്കുമോ എന്ന കാര്യം പിന്നീട് തീരുമാനിക്കും. എൻഡിഐക്കൊപ്പം നിന്നാൽ വിജയിക്കും എന്ന് ഉറച്ച വിശ്വാസമുണ്ടെന്നും ഷീബ പറഞ്ഞു.