ത്രില്ലർ പോരിൽ റയൽ മാഡ്രിഡിനെ തോൽപ്പിച്ച് ബാഴ്സലോണ സൂപ്പർ കപ്പ് ചാമ്പ്യൻസ്. രണ്ടിനെതിരെ മൂന്നു ഗോളിന് ജയിച്ചാണ് ബാഴ്സ കിരീടം നിലനിർത്തിയത്. എൽ ക്ലാസികോയുടെ പതിവ് ചേരുവകൾ എല്ലാം തികഞ്ഞ ക്ലാസിക് പോരിനോടുവിൽ എഫ്സി ബാഴ്സലോണയ്ക്ക് ചിരവൈരികളായ റയൽ മാഡ്രിഡിനെ കീഴടക്കി 16-ാം സ്പാനിഷ് സൂപ്പർ കപ്പ് നേട്ടം.36 ആം മിനിറ്റ് ബാഴ്സക്കായി ഡെഡ് ലോക്ക് പൊട്ടിച്ചത് റഫീഞ്ഞ. പത്തുമിനിറ്റിനകം റയലിന്റെ മറുപടി ബ്രസീലിയൻ താരത്തിലൂടെ തന്നെ. സോളോ റണ്ണിലൂടെ കറ്റാലൻ പ്രതിരോധത്തെ ഭേദിച്ച് വിനീഷ്യസ് ജൂനിയറിന്റെ ഗോൾ. റോബർട്ട് ലെവൻഡോവ്സ്കിയിലൂടെ രണ്ടു മിനിറ്റിനകം ബാഴ്സ വീണ്ടും മുന്നിൽ എത്തി.
ആദ്യപകുതിയുടെ ഇഞ്ചുറി ടൈം തീരും മുമ്പ് റയൽ ഗോൺസാലോ ഗാർസിയയിലൂടെ വീണ്ടും ഒപ്പമെത്തി. ഒടുവിൽ 73ആം മിനിറ്റിലെ കിരീടം നിർണയിച്ച റഫീഞ്ഞയുടെ ഗോൾ. കഴിഞ്ഞ സീസണിലും റയലിനെ കീഴടക്കിയാണ് ബാഴ്സ കിരീടം നേടിയത്. ഒക്ടോബറിൽ ലാലീഗയിൽ നേരിട്ട തോൽവിക്ക് മറുപടി കൊടുക്കാനും കറ്റാലൻസിനായി.
Read More
വീണ്ടും തോറ്റു; ബാഴ്സയെ മൂന്ന് ഗോളിന് മുക്കി ബെൻഫിക
‘ഞാൻ തന്നെ കപ്പും മെഡലും നൽകും, ഇന്ത്യ സ്വന്തം ചെലവിൽ ചടങ്ങ് നടത്തണം’; ഏഷ്യാ കപ്പ് ട്രോഫി ഇന്ത്യയ്ക്ക് നൽകാൻ ഉപാധി വെച്ച് നഖ്വി
ഓണസദ്യക്ക് കൂട്ടായി 3 കിടിലന് വിഭവങ്ങള്
ക്ലബ് ലോക കപ്പ് കിരീടം ചെല്സിക്ക്; പിഎസ്ജിയെ തോല്പ്പിച്ചത് എതിരില്ലാത്ത മൂന്ന് ഗോളിന്
