കേരളത്തിലെ വോട്ടര്പട്ടിക തീവ്ര പരിഷ്കരണത്തിനെതിരായ ഹര്ജികള് സുപ്രീംകോടതി ഇന്ന് പരിഗണിക്കും. ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ചാണ് ഹര്ജി പരിഗണിക്കുക. തദ്ദേശ തിരഞ്ഞെടുപ്പ് പരിഗണിച്ച് എസ്.ഐ.ആര് നടപടികളുടെ സമയ പരിധി ഒരാഴ്ചകൂടി നീട്ടിയ വിവരം മുഖ്യ തിരഞ്ഞെടുപ്പ് കമ്മിഷന് ഇന്ന് സുപ്രീംകോടതിയെ അറിയിക്കും.
കൂടുതല് സമയം വേണമെന്ന് സര്ക്കാരും രാഷ്ട്രീയ പാര്ട്ടികളും ആവശ്യപ്പെട്ടേക്കും.നിലവില് ഈ മാസം 18 വരെയാണ് എന്യൂമറേഷന് ഫോമുകള് നല്കാനുള്ള സമയം. കഴിഞ്ഞ തവണ കേസ് പരിഗണിച്ചപ്പോള് സമയപരിധി നീട്ടുന്നതിനായി സംസ്ഥാന സര്ക്കാരിനോട് മുഖ്യ തിരഞ്ഞെടുപ്പ് കമ്മീഷന് നിവേദനം നല്കാന് കോടതി നിര്ദ്ദേശിച്ചിരുന്നു. ഇതിനെ തുടര്ന്ന് സംസ്ഥാന സര്ക്കാര് നല്കിയ അപേക്ഷയിലാണ് മുഖ്യ തിരഞ്ഞെടുപ്പ് കമ്മീഷന് എസ്ഐആര് നടപടികള് നീട്ടിയത്.
തദ്ദേശ തിരഞ്ഞെടുപ്പിനിടെ എസ്.ഐ.ആര് നടത്തുന്നത് ഭരണപരമായ പ്രതിസന്ധിയുണ്ടാക്കുന്നുവെന്നാണ് സര്ക്കാരിന്റെ വാദം. സംസ്ഥാന സര്ക്കാരിന്റെ പുറമേ സിപിഐഎം, സിപിഐ, കോണ്ഗ്രസ്, മുസ്ലിം ലീഗ്, ചാണ്ടി ഉമ്മന് തുടങ്ങിയവരാണ് എസ്ഐആറിനെതിരെ സുപ്രീംകോടതിയെ സമീപിച്ചത്.
Read More
കേരളത്തിലെ തീവ്ര വോട്ടര്പട്ടിക പരിഷ്കരണം; ഹര്ജികള് ഇന്ന് സുപ്രീം കോടതി പരിഗണിക്കും
ബീഹാര് വോട്ടര്പട്ടിക പരിഷ്കരണം: ഒരു കൂട്ടം ഹര്ജികളില് സുപ്രീംകോടതിയില് ഇന്നും വാദം തുടരും
കേരളത്തിലും എസ്ഐആര് വരും; നിലവിലെ വോട്ടര് പട്ടിക മരവിപ്പിക്കും; നടപടി ക്രമങ്ങള് ഇന്ന് അര്ധരാത്രി മുതല് പ്രാബല്യത്തില്
ബിഹാറില് അന്തിമ വോട്ടര് പട്ടിക പ്രസിദ്ധീകരിച്ചു; 7.42 കോടി വോട്ടര്മാര് പട്ടികയില്
