നടി ആക്രമിക്കപ്പെട്ട കേസിൽ അതിജീവിതയ്ക്ക് പിന്തുണയുമായി പി പി ദിവ്യ. നിയമപോരാട്ടം അവസാനിപ്പിക്കരുത്.തുടരുക.. സത്യം വിജയിക്കും… കുറ്റവാളികൾ ശിക്ഷിക്കപെടും… പി പി ദിവ്യ ഫേസ്ബുക്കിൽ കുറിച്ചു.
ഫേസ്ബുക്ക് കുറിപ്പിന്റെ പൂർണരൂപം ഇങ്ങനെ
ഒരു സിനിമ പോലെ തന്നെ അവസാനിക്കുന്നു…. ഭയം തോന്നുന്നില്ലേ.. കേരളത്തിലെ ഏറ്റവും പ്രസിദ്ധമായ ഒരു നഗരത്തിൽ ഒരു പെൺകുട്ടി അതി ക്രൂരമായി പീഡിപ്പിക്കപെടുന്നു…ചൂണ്ടികാണിച്ചവരിൽ ചിലർ രക്ഷപ്പെട്ടു. സാധാരണ ജീവിതത്തിലേക്കു അവൾ കടന്നു വന്നത്.. മനോധൈര്യം ഒന്ന് കൊണ്ട് മാത്രമാണ്..
നിയമപോരാട്ടം അവസാനിപ്പിക്കരുത്…തുടരുക.. സത്യം വിജയിക്കും… കുറ്റവാളികൾ ശിക്ഷിക്കപെടും..
രാജ്യത്ത് തന്നെ ഏറെ ചർച്ച ചെയ്ത കേസിലാണ് എറണാകുളം പ്രിൻസിപ്പൽ സെഷൻസ് കോടതിയുടെ വിധിപ്രഖ്യാപനം . കൊച്ചി നഗരത്തിൽ യുവനടിയെ കാറിൽ കൂട്ടബലാത്സംഗം ചെയ്ത കേസിൽ നടൻ ദിലീപ് കുറ്റക്കാരനല്ലെന്ന് കോടതി വിധിച്ചു. ദിലീപിനെതിരായ ഗൂഢാലോചനാക്കുറ്റം പ്രേസിക്യൂഷന് തെളിയിക്കാനായില്ല. കൃത്യത്തിൽ നേരിട്ട് പങ്കെടുത്ത ഒന്ന് മുതൽ ആറ് വരെയുള്ള പ്രതികൾ, പൾസർ സുനി, മാർട്ടിൻ ആന്റണി, മണികണ്ഠൻ ബി, വിജീഷ് വി പി, വടിവാൾ സലിം, പ്രദീപ് എന്നിവർ കുറ്റക്കാരെന്ന് കോടതി കണ്ടെത്തി. ദിലീപിനെ കൂടാതെ ഏഴാംപ്രതി ചാർലി തോമസ്, സനിൽകുമാർ, ശരത് എന്നിവരെയും വെറുതെ വിട്ടു. ദിലീപിനെ പൊലീസ് വേട്ടയാടിയെന്നാണ് അഭിഭാഷകൻ ബി രാമൻപിള്ളയുടെ പ്രതികരണം.
അതേസമയം, കേസിൽ കുറ്റക്കാരെന്ന് കണ്ടെത്തിയവർക്കുള്ള ശിക്ഷ വെള്ളിയാഴ്ച വിധിക്കും. ആറ് പ്രതികളെയും തൃശൂർ വിയ്യൂർ സെൻട്രൽ ജയിലിലെത്തിച്ചു.
Read More
കുറ്റപത്രം റദ്ദാക്കണമെന്നാവശ്യം, പി പി ദിവ്യ ഹൈക്കോടതിയിലേക്ക്; അഴിമതിക്കെതിരെ നിലപാട് സ്വീകരിച്ചതിന് ദിവ്യ ക്രൂശിക്കപ്പെട്ടെന്ന് അഭിഭാഷകൻ
ഫിഡെ വനിത ചെസ് ലോകകപ്പ് കിരീടം ദിവ്യ ദേശ്മുഖിന്; ചരിത്രനേട്ടത്തിന് ഇരട്ടിമധുരമായി ഗ്രാൻഡ് മാസ്റ്റർ പദവി
ഷാജൻ സ്കറിയയ്ക്ക് വക്കീല് നോട്ടീസയച്ച് പി.പി ദിവ്യ; ആവശ്യം 50 ലക്ഷം രൂപ നഷ്ടപരിഹാരം
‘ദിലീപിനെ പ്രൊഡ്യൂസേഴ്സ് അസോസിയേഷനിലേക്ക് തിരിച്ചെടുക്കും’; ബി രാകേഷ്
