നടി ആക്രമിക്കപ്പെട്ട കേസിലെ മാപ്പുസാക്ഷിയെ മൊഴി മാറ്റാൻ ഭീഷണിപ്പെടുത്തിയത് കെ ബി ഗണേഷ്‌കുമാർ എംഎൽഎയുടെ ഓഫീസ് സെക്രട്ടറി പ്രദീപ് കുമാർ എന്ന് ബേക്കൽ പോലീസ്. ഹോസ്ദുർഗ് മജിസ്‌ട്രേറ്റ് കോടതിയിൽ നൽകിയ റിപ്പോർട്ടിലാണ് ഇക്കാര്യം പറയുന്നത്. ബേക്കൽ സ്വദേശി കൂടിയായ മാപ്പുസാക്ഷി വിപിൻലാലിനെ തേടി പ്രദീപ്കുമാർ കഴിഞ്ഞ ജനുവരി 23നാണ് ബേക്കലിലെത്തിയത്. ഓട്ടോയിലിറക്കി തൃക്കണ്ണാടുള്ള ബന്ധുവീട്ടിലെത്തിയ പ്രദീപ് വിപിനെ നേരിട്ട് കാണാൻ സാധിക്കാത്തതിനാൽ അമ്മാവൻ ജോലി ചെയ്യുന്ന ജ്വല്ലറിയിലെത്തി ഇവിടെ നിന്നും വിപിന്റെ അമ്മയെ വിളിച്ച് വക്കീൽ ഗുമസ്തനാണെന്ന്…

മലമ്പുഴ കൂർമ്പാച്ചി മലയിൽ കുടുങ്ങിയ ബാബു എന്ന യുവാവിനെ രക്ഷപ്പെടുത്താനുള്ള ദൗത്യം അന്തിമ ഘട്ടത്തിൽ ബാബുവുമായി സൈനികൻ മല കയറി കൊണ്ടിരിക്കുകയാണ്. കയർ ഉപയോഗിച്ചുള്ള രക്ഷാപ്രവർത്തനമാണ് നടക്കുന്നത്. മലയിൽ കുടുങ്ങി 44 മണിക്കൂർ പിന്നിട്ട ശേഷമാണ് സൈന്യത്തിന് ബാബുവിന്റെ സമീപത്ത് എത്താനായി സാധിച്ചത്. അതീവ ശ്രമകരമായ ദൗത്യമാണ് സൈന്യം ഏറ്റെടുത്തത്. കയറിൽ തൂങ്ങി ബാബുവിന് സമീപത്തേക്ക് സൈനികൻ എത്തുകയും ആദ്യം വെള്ളവും ഭക്ഷണവും നൽകുകയുമായിരുന്നു. ബാബുവിന്റെ ആരോഗ്യനില തൃപ്തികരമാണെന്ന് കണ്ടതിനെ തുടർന്നാണ് ബാബുവിനെ കയറിൽ ബന്ധിപ്പിച്ച് ഉയർത്താൻ…

  തൃശ്ശൂരിൽ വിവാഹം കഴിഞ്ഞ് തൊട്ടടുത്ത ദിവസം കാണാതായ നവവരന്റെ മൃതദേഹം കായലിൽ കണ്ടെത്തി. മനക്കൊടി അഞ്ചത്ത് വീട്ടിൽ ശിവശങ്കരന്റെ മകൻ ധീരജാണ്(38) മരിച്ചത്. മരോട്ടിച്ചാൽ പഴവള്ളം സ്വദേശി നീതുവുമായി ഞായറാഴ്ചയായിരുന്നു ധീരജിന്റെ വിവാഹം തിങ്കളാഴ്ച മനക്കൊടിയിലെ വീട്ടിലേക്ക് എന്ന് പറഞ്ഞ് മരോട്ടിച്ചാലിൽ നിന്നും സ്‌കൂട്ടറിൽ പോയ ഇയാൾ വൈകിട്ടും വീട്ടിലെത്തിയില്ല. ബന്ധുക്കൾ നൽകിയ പരാതിയിൽ ഒല്ലൂർ പോലീസ് കേസ് രജിസ്റ്റർ ചെയ്ത് അന്വേഷിച്ച് വരികയായിരുന്നു. ചൊവ്വാഴ്ചയാണ് ചേറ്റുവ കായലിൽ മൃതദേഹം കണ്ടത്.

മലപ്പുറം കരിപ്പൂരിൽ കനത്ത മഴയെ തുടർന്ന് വീട് തകർന്ന് രണ്ട് കുഞ്ഞുങ്ങൾ മരിച്ചു. റിസ്‌വാന (8), റിൻസാന (7 മാസം) എന്നീ കുഞ്ഞുങ്ങളാണ് മരിച്ചത്. പുലർച്ചെ അഞ്ചേ മുക്കാലോടെയാണ് മണിക്കാണ് സംഭവം. കരിപ്പൂർ മാതംകുളം എന്ന സ്ഥലത്താണ് അപകടം ഉണ്ടായത്. സമീപത്ത് പണിനടന്നുകൊണ്ടിരുന്ന ഒരു വീടിൻ്റെ മതിൽ അടുത്തുള്ള വീടിനു മുകളിലേക്ക് ഇടിഞ്ഞുവീഴുകയായിരുന്നു. ഇതേ തുടർന്നാണ് കുഞ്ഞുങ്ങൾ മരിച്ചത്. ഇവരുടെ മാതാപിതാക്കൾ അത്ഭുതകരമായാണ് രക്ഷപ്പെട്ടത്. നാട്ടുകാരും ഫയർഫോഴ്സും എത്തി കുഞ്ഞുങ്ങളുടെ ശരീരം പുറത്തെടുത്ത് മോർച്ചറിയിലേക്ക് മാറ്റി.

സംസ്ഥാനത്തെ പുതിയ കൊവിഡ് മാനദണ്ഡങ്ങളിൽ കടുത്ത എതിർപ്പ് നിലനിൽക്കുന്ന സാഹചര്യത്തിൽ മുഖ്യമന്ത്രിയുടെ നേതൃത്വത്തിൽ ഇന്ന് അവലോകന യോഗം ചേരും. വിഷയം യോഗത്തിൽ ചർച്ചയാകും. മാനദണ്ഡങ്ങളിൽ എതിർപ്പുയർന്നത് പരിശോധിക്കുമെങ്കിലും പുതിയ രീതിയിൽ മാറ്റം വരുത്താൻ സാധ്യത കുറവാണ് കടകളിലെത്താൻ വാക്‌സിൻ സർട്ടിഫിക്കറ്റോ, ആർടിപിസിആർ നെഗറ്റീവ് സർട്ടിഫിക്കറ്റോ, കൊവിഡ് മുക്തി രേഖയോ കാണിക്കണമെന്ന നിർദേശം എത്രത്തോളം കർശനമാക്കണം, നടപടികൾ എന്ത് സ്വീകരിക്കണമെന്നത് യോഗം ചർച്ച ചെയ്യും.