തിരുവനന്തപുരം പോത്തൻകോട് വീണ്ടും ഗുണ്ടാ ആക്രമണം. ഗുണ്ടാസംഘം അറുപതുകാരനെ തലകീഴായി കെട്ടിത്തൂക്കി മർദിച്ചു. പോത്തൻകോട് പള്ളിനടയിൽ എസ് കെ ബേക്കറി ജീവനക്കാരൻ മുനൂർ മൻസിലിൽ നസീമിനാണ് മർദനമേറ്റത്. സംഭവത്തിൽ ക്വട്ടേഷൻ സംഘത്തിലെ മൂന്ന് പേർ അറസ്റ്റിലായി. ബന്ധു നൽകിയ ക്വട്ടേഷനെ തുടർന്നാണ് നസീമിനെ മർദിച്ചതെന്നാണ് സൂചന. ക്വട്ടേഷൻ നൽകിയ അബ്ബാസ് മൻസിലിൽ ഷുക്കൂറിനായുള്ള തെരച്ചിൽ തുടരുകയാണ്. പലിശക്ക് നൽകിയ മുപ്പതിനായിരം രൂപ തിരികെ കിട്ടാനാണ് ക്വട്ടേഷൻ നൽകിയതെന്നാണ് വിവരം

പത്തനംതിട്ട കോന്നിയിൽ മകളെ പീഡിപ്പിച്ച് ഗർഭിണിയാക്കിയ കേസിൽ പിതാവ് അറസ്റ്റിൽ. പതിമൂന്നുകാരിയാണ് ലൈംഗികാതിക്രമത്തിന് ഇരയായത്. പീഡനം സംബന്ധിച്ച് കോന്നി പോലീസിന് ലഭിച്ച വിവരത്തിന്റെ അടിസ്ഥാനത്തിലാണ് അന്വേഷണം നടന്നത്. തുടർന്ന് പിതാവിനെ കസ്റ്റഡിയിലെടുക്കുകയും കുട്ടിയെ മഹിളാ മന്ദിരത്തിലേക്ക് മാറ്റുകയുമായിരുന്നു.

മത്സ്യവിപണന സ്ത്രീ തൊഴിലാളികൾക്കായി സമുദ്ര എന്ന പേരിൽ സൗജന്യ ബസ് സർവ്വീസ് ഇന്ന് ആരംഭിച്ചു. മത്സ്യവിപണന മേഖലയിലെ സ്ത്രീ തൊഴിലാളികൾ നേരിടുന്ന ബുദ്ധിമുട്ടുകൾ പരിഹരിക്കുക, ഇവർക്ക് മെച്ചപ്പെട്ട തൊഴിൽ സാഹചര്യമൊരുക്കുക എന്ന ലക്ഷ്യത്തോടെയാണ് പദ്ധതി ആരംഭിക്കുന്നത്. മത്സ്യവിപണത്തെ ആശ്രയിച്ചു ജീവിക്കുന്ന സ്ത്രീകൾക്ക് സ്ഥിരമായി പൊതുഗതാഗതത്തെ ആശ്രയിക്കുകയെന്നത് പ്രയോഗികമല്ല. പുലർച്ചയാണ് മത്സ്യ ഹാർബറിൽ എത്തേണ്ടി വരികയെന്നതും മത്സ്യവട്ടകയുമായി ബസിൽ കയറേണ്ടി വരുമ്പോഴുണ്ടാകുന്ന തർക്കങ്ങളും ടാക്‌സി സർവ്വീസ് ആശ്രയിക്കുമ്പോഴുണ്ടാകുന്ന പണച്ചെലവും ഇവർക്ക് മുന്നിലെ പ്രതിസന്ധികളാണ്. ഈ പ്രശ്‌നങ്ങൾക്കാണ് സൗജന്യ ബസ്…

എല്ലാവരും വോട്ട് ചെയ്യുമ്പോൾ ഇപ്രാവശ്യം മമ്മൂട്ടിക്ക് വോട്ടില്ല. ഇത്തവണ വോട്ട് നഷ്ട്ടപ്പെട്ടവരിൽ സാക്ഷാൽ മമ്മൂക്കയും ഉൾപ്പെട്ടിരിക്കുകയാണ്. എല്ലാ തവണയും സാധാരണ പനമ്പള്ളി നഗറിലെ ബൂത്തിലാണ് മമ്മൂട്ടി വോട്ട് ചെയ്യാനായി എത്താറുള്ളത്. താരത്തിന്റെ പേര് വോട്ടര്‍ പട്ടികയില്‍ ഇല്ലാത്തതിനാലാണ് വോട്ട് രേഖപ്പെടുത്താന്‍ കഴിയാത്തത്. മുന്‍ തെരഞ്ഞെടുപ്പുകളില്‍ മമ്മൂട്ടി ഇവിടെ വോട്ട് ചെയ്യാനെത്തുന്നത് വാര്‍ത്തയായിരുന്നു. എന്നാല്‍ ഇന്നലെ വോട്ടര്‍ പട്ടിക പരിശോധിച്ചപ്പോഴാണ് വോട്ടില്ലെന്ന വിവരം തിരിച്ചറിഞ്ഞത്. എന്നാൽ ഔദ്യോ​ഗികമായി മമ്മൂട്ടിയുടെ പേര് വോട്ടര്‍ പട്ടികയില്‍ ഇല്ലാത്തതിന്റെ കാരണം അധികൃതര്‍ വ്യക്തമാക്കിയിട്ടില്ല….