പപ്പായ പറിച്ചതിന് മരുമകൾ ഭർതൃ മാതാവിനെ കത്തി ഉപയോഗിച്ച് വെട്ടി പരിക്കേൽപ്പിച്ചു. കണ്ണൂർ കണ്ണപുരം പള്ളിച്ചാലിൽ ആണ് സംഭവം.സിന്ധു നട്ട പപ്പായയിൽ നിന്നും ഭർതൃ മാതാവായ സരോജിനി കായ പറിച്ചതാണ് പ്രകോപനത്തിന് കാരണം. മരുമകൾ സിന്ധുവിനെതിരെ പൊലീസ് കേസെടുത്തിട്ടുണ്ട്. ഐപിസി 341,324,308 വകുപ്പുകൾ ചുമത്തിയാണ് പൊലീസ് കേസെടുത്തിരിക്കുന്നത്.

  തിരുവനന്തപുരം ആക്കുളം റോഡിൽ 200 കിലോ കഞ്ചാവുമായി മൂന്ന് പേർ പിടിയിൽ. എക്‌സൈസ് എൻഫോഴ്‌സ്‌മെന്റ് സംഘം നടത്തിയ പരിശോധനയിലാണ് കഞ്ചാവ് പിടികൂടിയത്. രണ്ടര കോടിയോളം രൂപ വില വരുന്നതാണ് പിടിച്ചെടുത്ത കഞ്ചാവ് ലോക്ക് ഡൗൺ പശ്ചാത്തലത്തിൽ സംസ്ഥാനത്തേക്ക് വൻ തോതിൽ കഞ്ചാവ് കടത്ത് നടക്കുന്നുണ്ടെന്ന വിവരത്തെ തുടർന്നായിരുന്നു പരിശോധന. കഴിഞ്ഞ ദിവസം തച്ചോട്ടുകാവിൽ നിന്ന് 205 കിലോ കഞ്ചാവ് പിടികൂടിയിരുന്നു.