സംസ്ഥാനത്തെ ഹൈടെക്കായ 111 സ്ക്കൂളുകള്‍ മുഖ്യമന്ത്രി നാടിനു സമര്‍പ്പിച്ചു. പണക്കാരനെന്നോ, പാവപ്പെട്ടവനെന്നോ ഭേദമില്ലാതെ സമൂഹത്തിലെ എല്ലാ കുട്ടികള്‍ക്കും ഗുണമേന്മയുള്ള വി ദ്യാഭ്യാസം ഉറപ്പു വരുത്തുകയെന്നുള്ള എല്‍ഡിഎഫ് സര്‍ക്കാരിന്‍റെ പ്രഖ്യാപിത ലക്ഷ്യത്തിന്‍റെ ഭാഗമായാണ് ഹൈടക്കായ 111 പൊതു വിദ്യാലയങ്ങള്‍ നാടിന് സമര്‍പ്പിച്ചത്. നമ്മുടെ പൊതുവിദ്യാഭ്യാസ മേഖല വിപ്ലവകരമായ മാറ്റവും മുന്നേറ്റവുമാണ് പിന്നിട്ട നാലര വര്‍ഷക്കാലത്തിനുള്ളില്‍ കൈവരിച്ചത്. പൊതുസമൂഹത്തിന് സര്‍ക്കാര്‍ വിദ്യാലയങ്ങളോടും സംസ്ഥാനത്തെ വിദ്യാഭ്യാസ രീതികളോടും സംവിധാനങ്ങളോടും ഉള്ള കാഴ്ചപ്പാടും മാറി പൊതുവിദ്യാലയങ്ങളിലേക്ക് എത്തുന്ന വിദ്യാര്‍ത്ഥികളില്‍ ഗണ്യമായ വര്‍ധനവും ഉണ്ടായി.എല്‍ഡിഎഫ്…

തമിഴ്‌നാട്ടിൽ പെട്രോൾ വില ലിറ്ററിന് 3 രൂപ കുറയ്ക്കുമെന്ന് ബജറ്റിൽ പ്രഖ്യാപനം. സ്റ്റാലിൻ സർക്കാർ അധികാരമേറ്റതിന് ശേഷമുള്ള ആദ്യ ബജറ്റവതരണത്തിലാണ് പെട്രോളിന് മൂന്ന് രൂപ കുറയ്ക്കുമെന്ന് പ്രഖ്യാപിച്ചത്. സംസ്ഥാന നികുതി ഇനത്തിലാണ് കുറവ് വരുത്തുന്നത്. നികുതി കുറയ്ക്കുന്നതുകൊണ്ട് 1160 കോടി രൂപ നഷ്ടമാണെന്നും എന്നാലിത് മുഖ്യമന്ത്രി സ്റ്റാലിന്റെ തീരുമാനമാണെന്നും ധനമന്ത്രി പളനിവേൽ ത്യാഗരാജൻ പറഞ്ഞു. ആരോഗ്യ കുടുംബക്ഷേമ മേഖലയ്ക്ക് ബജറ്റിൽ 18,933 കോടി രൂപ വകയിരുത്തി. കൊവിഡ് പ്രതിരോധത്തിന് 9370 കോടി രൂപയും വകയിരുത്തിയിട്ടുണ്ട്.  

കൊല്ലം ജില്ലയുടെ കിഴക്കൻ മേഖലയിൽ മഴ കനത്തു. പുനലൂർ പത്തനാപുരം താലൂക്കുകളിലായി നാല് വീടുകൾ ഭാഗികമായി തകർന്നു. മഴയിലും കാറ്റിലും മരങ്ങൾ വീണും, മണ്ണിടിഞ്ഞും ചിലയിടങ്ങളിൽ ഗതാഗതം തടസ്സപ്പെട്ടു. ആര്യങ്കാവ്, അച്ചൻകോവിൽ, കുളത്തൂപ്പുഴ മേഖലകളിലെ സ്കൂളുകൾക്ക് ജില്ലാ കളക്ടർ തിങ്കൾ,ചൊവ്വ ദിവസങ്ങളിൽ അവധി പ്രഖ്യാപിച്ചു.