നടിയെ ആക്രമിച്ച കേസിൽ സംവിധായകൻ ബാലചന്ദ്രകുമാർ രഹസ്യമൊഴി നൽകി. എറണാകുളം ഫസ്റ്റ് ക്ലാസ് ജുഡീഷ്യൽ മജിസ്‌ട്രേറ്റിന് മുന്നിലാണ് ബാലചന്ദ്രകുമാർ രഹസ്യമൊഴി നൽകിയത്. ആറര മണിക്കൂറെടുത്ത് 51 പേജുള്ള രഹസ്യമൊഴിയാണ് രേഖപ്പെടുത്തിയത്. ദിലീപിനെ പരിചയപ്പെട്ടതുമുതൽ തനിക്ക് അറിയാവുന്ന വിവരങ്ങൾ അറിയിച്ചതായും ഇത് വെളിപ്പെടുത്താൻ വൈകിയതിന്റെ കാരണം കോടതിയെ ബോധ്യപ്പെടുത്തിയതായും അദ്ദേഹം പറഞ്ഞു. ദിലീപിനെതിരെ ഗുരുതരമായ ആരോപണങ്ങളാണ് അന്വേഷണ സംഘത്തിന് മുന്നിൽ ബാലചന്ദ്രകുമാർ ഉന്നയിച്ചിരുന്നത്.

നടിയെ ആക്രമിച്ച കേസിൽ വിചാരണ കോടതി മാറ്റണമെന്ന ആക്രമിക്കപ്പെട്ട നടിയുടെയും പ്രോസിക്യൂഷന്റെയും ഹർജികൾ ഹൈക്കോടതി തള്ളി. കോടതി മാറ്റാനാകില്ലെന്ന് ഹൈക്കോടതി ഉത്തരവിട്ടു. പ്രത്യേക കോടതിയിലെ ജഡ്ജി പക്ഷപാതപരമായി പെരുമാറുന്നുവെന്ന് ആരോപിച്ചാണ് നടിയും പ്രോസിക്യൂഷനും ഹൈക്കോടതിയെ സമീപിച്ചത് ഇരുപക്ഷവും ഒരുമിച്ച് പോകുമെന്ന് പ്രതീക്ഷിക്കുന്നതായി ഹൈക്കോടതി പറഞ്ഞു. തിങ്കളാഴ്ച വിചാരണ ആരംഭിക്കാനും ഹൈക്കോടതി നിർദേശം നൽകിയിട്ടുണ്ട്. വനിതാ ജഡ്ജിക്കെതിരെ പ്രോസിക്യൂഷനും നടിയും ഉന്നയിച്ച ആരോപണങ്ങളൊന്നും തന്നെ ഹൈക്കോടതി മുഖവിലക്ക് എടുത്തില്ല അതേസമയം സുപ്രീം കോടതിയെ സമീപിക്കുമെന്ന് പ്രോസിക്യൂഷൻ വ്യക്തമാക്കിയിട്ടുണ്ട്. ജഡ്ജിയെ…

അമ്പലപ്പുഴയിൽ സ്ഥാനാർഥിയാക്കാൻ സിപിഎം പരിഗണിക്കുന്ന എച്ച് സലാമിനെതിരെ പോസ്റ്റർ. ജി സുധാകരനെ മാറ്റിയാൽ മണ്ഡലത്തിൽ പാർട്ടി തോൽക്കുമെന്നും സുധാകരന് പകരം എസ് ഡി പി ഐക്കാരൻ സലാമോ എന്നാണ് പോസ്റ്ററിലുള്ളത് വലിയ ചുടുകാട് രക്തസാക്ഷി മണ്ഡപത്തിന്റെ മതിലിലാണ് പോസ്റ്ററുകൾ പതിച്ചിരിക്കുന്നത്. മത്സര രംഗത്ത് സുധാകരനില്ലാതെ തുടർ ഭരണത്തിന് എന്ത് ഉറപ്പുണ്ടെന്ന് പോസ്റ്ററിൽ ചോദിക്കുന്നു. ജില്ലയിലെ സ്ഥാനാർഥി പട്ടിക ചർച്ച ചെയ്യുന്നതിനായി ആലപ്പുഴ ജില്ലാ നേതൃ യോഗങ്ങൾ ചേരാനിരിക്കെയാണ് പോസ്റ്ററുകൾ പ്രത്യക്ഷപ്പെട്ടത് ജി സുധാകരന് പുറമെ തോമസ് ഐസകിനും…