പൊതുജനങ്ങളുമായി ഇടപഴകുമ്പോൾ പോലീസ് മാന്യമായ ഭാഷ ഉപയോഗിക്കണമെന്ന് ഹൈക്കോടതി. ഇതുസംബന്ധിച്ച് ഡിജിപി സർക്കുലർ ഇറക്കണമെന്നും ഹൈക്കോടതി നിർദേശിച്ചു. തൃശ്ശൂർ ചേർപ്പ് പോലീസ് സ്‌റ്റേഷനുമായി ബന്ധപ്പെട്ട അതിക്രമ കേസ് പരിഗണിക്കുമ്പോഴാണ് കോടതിയുടെ നിരീക്ഷണം നോക്കുകൂലി സമ്പ്രദായം നിർത്തലാക്കണമെന്ന നിർദേശവും ഇന്ന് ഹൈക്കോടതിയുടെ ഭാഗത്ത് നിന്നുണ്ടായിട്ടുണ്ട്. നോക്കുകൂലി കേരളത്തിന് ഭൂഷണമല്ല. കേരളത്തിനെതിരായ പ്രചാരണത്തിന് ഇത് കാരണമാകുന്നുണ്ട്. സർക്കാർ ഇക്കാര്യത്തിൽ നിലപാട് സ്വീകരിക്കണം. ചുമട്ടുതൊഴിലാളികലുടെ പ്രശ്‌നങ്ങൾ നിയമപരമായാണ് പരിഹരിക്കേണ്ടതെന്നും കോടതി പറഞ്ഞു.

മുക്കത്ത് 13കാരിയെ പീഡിപ്പിച്ച കേസിൽ മാതാവും രണ്ടാനച്ഛനും അടക്കം എട്ട് പ്രതികളും കുറ്റക്കാരെന്ന് കോടതി. മാതാവിന് ഏഴ് വർഷം തടവും രണ്ടനച്ഛനടക്കം ഏഴ് പ്രതികൾക്ക് 10 വർഷം തടവും ശിക്ഷ വിധിച്ചു കോഴിക്കോട് അതിവേഗ കോടതിയാണ് ശിക്ഷ വിധിച്ചത്. രണ്ട് പ്രതികളെ വെറുതെ വിട്ടു. 2006-07 കാലഘട്ടത്തിലാണ് സംഭവം നടക്കുന്നത്. മാതാവിന്റെ സഹായത്തോടെ കുട്ടിയെ രണ്ടാനച്ഛൻ പീഡിപ്പിക്കുകയും മറ്റ് പ്രതികൾക്ക് കൈമാറുകയുമായിരുന്നു. പതിനാല് വർഷത്തിന് ശേഷമാണ് കേസിൽ വിധി വരുന്നത്.

  അന്തരിച്ച നടൻ റിസബാവയുടെ മൃതദേഹം ഖബറടക്കി. കൊച്ചങ്ങാടി ചെമ്പിട്ട പള്ളിയിൽ ഔദ്യോഗിക ബഹുമതികളോടെയാണ് ഖബറകടക്കം നടന്നത്. സംസ്ഥാന സർക്കാരിന് വേണ്ടി കൊച്ചി കലക്ടർ അന്തിമോപചാരം അർപ്പിച്ചു. കൊവിഡ് പോസിറ്റീവാണെന്ന് തെളിഞ്ഞതിനാൽ പൊതുദർശനം അടക്കമുള്ളവ ഒഴിവാക്കിയിരുന്നു. ഇന്നലെ വൈകുന്നേരമാണ് വൃക്കസംബന്ധമായ അസുഖത്തെ തുടർന്ന് റിസബാവ അന്തരിച്ചത്. രണ്ട് ദിവസം മുമ്പുണ്ടായ ഹൃദയാഘാതം അദ്ദേഹത്തിന്റെ ആരോഗ്യനില വഷളാക്കുകയായിരുന്നു.

  സംസ്ഥാനത്ത് സ്‌കൂളുകൾ തുറന്നാൽ ആദ്യ ആഴ്ചകളിൽ ഒന്നോ രണ്ടോ മണിക്കൂർ മാത്രം ക്ലാസ് മതിയെന്ന് വിദ്യാഭ്യാസ വകുപ്പിന്റ ആലോചന. ക്ലാസ് തുടങ്ങിയ ശേഷമുള്ള സ്ഥിതി കൂടി വിലയിരുത്തി ഘട്ടംഘട്ടമായി സമയദൈർഘ്യം കൂട്ടാനാണ് ശ്രമം. പ്രൈമറി ക്ലാസിലെ കുട്ടികളുടെ ആരോഗ്യത്തിലാണ് വിദ്യാഭ്യാസ വകുപ്പിന്റെ ആശങ്ക. കുട്ടികൾ മുഴുവൻ സമയം മാസ്‌ക് ധരിക്കാനും സാധ്യത കുറവാണ്. കളിക്കുമ്പോഴും ഭക്ഷണം കഴിക്കുമ്പോഴൊക്കെ കുട്ടികൾ സാമൂഹിക അകലം പാലിക്കാനും സാധ്യത കുറവായിരിക്കും. പ്രൈമറി മുതൽ മുകളിലേക്കുള്ള ക്ലാസുകളിൽ മുഴുവൻ പീരിയഡും ക്ലാസ്…

കോഴിക്കോട്: വിരമിച്ച അധ്യാപക ദമ്പതികളെ മരിച്ച നിലയില്‍ കണ്ടെത്തി. വീടിനു സമീപത്തെ വിറക് പുരയില്‍ തൂങ്ങി മരിച്ച നിലയിലാണ് ഇരുവരേയും കണ്ടെത്തിയത്. മേപ്പയൂര്‍ പട്ടോന കണ്ടി പ്രശാന്തിയില്‍ കെകെ ബാലകൃഷ്ണന്‍ (72), ഭാര്യ കുഞ്ഞിമാത (67) എന്നിവരാണ് മരിച്ചത്. ചിങ്ങപുരം സികെജി ഹൈസ്‌കൂളിലെ അധ്യാപകനായിരുന്നു ബാലകൃഷ്ണന്‍. ഇരിങ്ങത്ത് യുപി സ്‌കൂള്‍ റിട്ടയേര്‍ഡ് അധ്യാപികയാണ് കുഞ്ഞിമാത.മേപ്പയൂര്‍ പോലിസ് ഇന്‍സ്‌പെക്ടര്‍ കെ ഉണ്ണികൃഷ്ണന്റെ നേതൃത്വത്തിലുള്ള പോലിസ് സ്ഥലത്തെത്തിയിട്ടുണ്ട്. ആത്മഹത്യയാണെന്നാണ് പോലിസിന്റെ പ്രാഥമിക നിഗമനം.മൃതദേഹങ്ങള്‍ പോസ്റ്റ്‌മോര്‍ട്ടത്തിനായി കോഴിക്കോട് മെഡിക്കല്‍ കോളജ് ആശുപത്രിയിലേക്കു…