പാലക്കാട് തച്ചമ്പാറയിൽ ദേശീയപാതയോരത്ത് അഴുകിയ നിലയിൽ അജ്ഞാത മൃതദേഹം കണ്ടെത്തി. തച്ചമ്പാറ പുതിയ പെട്രോൾ പമ്പിന് സമീപത്തായാണ് 45 വയസ്സ് പ്രായം തോന്നിക്കുന്ന പുരുഷന്റെ മൃതദേഹം ലഭിച്ചത്. മൃതദേഹത്തിന് ഒരാഴ്ചയോളം പഴക്കമുണ്ടെന്ന് സംശയിക്കുന്നു ദേശീയപാത കടന്നുപോകുന്ന പ്രദേശമായതിനാൽ മറ്റെവിടെയോ വെച്ച് കൊലപാതകം നടത്തിയ ശേഷം മൃതദേഹം ഇവിടെ കൊണ്ടുവന്ന് തള്ളിയതാകാമെന്നാണ് സംശയം. ഞായറാഴ്ച രാവിലെ പത്ത് മണിയോടെയാണ് റോഡരികിൽ മൃതദേഹം കിടക്കുന്നത് നാട്ടുകാരുടെ ശ്രദ്ധയിൽപ്പെട്ടത്. കൈകൾ മുറിച്ചു മാറ്റിയ നിലയിലായിരുന്നു. കാലുകൾ മുറിച്ചെടുക്കാനും ശ്രമം നടന്നിട്ടുണ്ട്

  തിരുവനന്തപുരം എയർപോർട്ട് പീഡനക്കേസിൽ പ്രതി മധുസൂദന റാവു തുമ്പ പോലീസ് സ്‌റ്റേഷനിൽ ഹാജരായി. സഹപ്രവർത്തക നൽകിയ പരാതിയിലാണ് കേസ്. നേരത്തെ പ്രതിക്ക് ഹൈക്കോടതി ജാമ്യം അനുവദിച്ചിരുന്നു. തുടർന്നാണ് സ്‌റ്റേഷനിൽ ഹാജരാകാൻ നിർദേശം നൽകിയത്. തിരുവനന്തപുരം വിമാനത്താവളം ചീഫ് എയർപോർട്ട് ഓഫീസറായിരുന്നു മധുസൂദന റാവു. റാവുവിന്റെ മൊബൈൽ ഫോൺ അടക്കം പോലീസിന് കൈമാറാൻ നിർദേശമുണ്ട്. ജനുവരി 31 വരെ രാവിലെ 9 മണി മുതൽ അന്വേഷണ സംഘത്തിന് പ്രതിയെ ചോദ്യം ചെയ്യാം. മധുസൂദന ഗിരിയുടെ പി എ…

സംസ്ഥാനത്ത് ഇന്ന് രണ്ടാമതും കൊവിഡ് മരണം റിപ്പോർട്ട് ചെയ്തു. തൃശൂരിൽ മരിച്ച വീട്ടമ്മയ്ക്കാണ് കൊവിഡ് സ്ഥിരീകരിച്ചിരിക്കുന്നത്. തൃശൂർ അരിമ്പൂർ സ്വദേശിയായ വത്സലയ്ക്കാണ് കൊവിഡ്. ജൂലൈ അഞ്ചിനാണ് വത്സല മരിച്ചത്. ഇവരുടെ ആദ്യ ട്രൂനാറ്റ് പരിശോധനാ ഫലം നെഗറ്റീവായിരുന്നു. പോസ്റ്റുമോർട്ടം നടപടിക്കിടെ ശേഖരിച്ച സ്രവ പരിശോധന ഫലമാണ് പൊസിറ്റീവായത്. എന്നാൽ മൃതദേഹം കൊവിഡ് പ്രോട്ടോകോൾ പാലിക്കതെയാണ് സംസ്‌കരിച്ചത്. മെഡിക്കൽ കോളജിൽ പോസ്റ്റുമോർട്ടം പൂർത്തിയാക്കിയ ഡോക്ടർമാർക്ക് ഉൾപ്പെടെ ക്വാറന്റീൻ നിർദേശം നൽകിയിട്ടുണ്ട്.